આજના કારોબારમાં રોકાણકારોએ આ શેર ઉપર નજર રાખવી જોઈએ
દિવાળીની રજા બાદ આજે બજાર સારા સંકેત સાથે ખુલ્યા છે. શેરબજારમાં પ્રારંભિક સત્રમાં સેન્સેક્સ અને નિફટી સારી સ્થિતિ દેખાડી રહ્યા છે. નિફ્ટીમાં ટાટા સ્ટીલના શેર 4% વધ્યા છે. ટાટા મોટર્સ, એસબીઆઈ, હિન્ડાલ્કો અને ભારતી એરટેલ પણ 2-2 ટકા વધ્યા છે. બજારનું નકારાત્મક પાસું જોઈએ તો બીપીસીએલના શેરમાં 4% ઘટાડો છે. હીરો મોટોકોર્પનો શેર પણ 2% […]
દિવાળીની રજા બાદ આજે બજાર સારા સંકેત સાથે ખુલ્યા છે. શેરબજારમાં પ્રારંભિક સત્રમાં સેન્સેક્સ અને નિફટી સારી સ્થિતિ દેખાડી રહ્યા છે. નિફ્ટીમાં ટાટા સ્ટીલના શેર 4% વધ્યા છે. ટાટા મોટર્સ, એસબીઆઈ, હિન્ડાલ્કો અને ભારતી એરટેલ પણ 2-2 ટકા વધ્યા છે. બજારનું નકારાત્મક પાસું જોઈએ તો બીપીસીએલના શેરમાં 4% ઘટાડો છે. હીરો મોટોકોર્પનો શેર પણ 2% અને ડો. રેડ્ડીનો શેર 1% નીચે ટ્રેડ કરી રહ્યો છે.
આજના કારોબારમાં રોકાણકારોએ આ શેર ઉપર નજર રાખવી જોઈએ
BPCL
ભારત પેટ્રોલિયમ કોર્પોરેશનના ખાનગીકરણ માટે સોમવારે સરકારને અનેક બિડ મળી હતી. રિલાયન્સ ઇન્ડસ્ટ્રીઝ, સાઉદી અરામકો, બ્રિટિશ પેટ્રોલિયમ અને ટોટલ જેવી મોટી ઓઇલ કંપનીઓએ દેશની આ બીજ ક્રમની સૌથી મોટી ફ્યુલ કંપનીમાં હિસ્સો ખરીદવા માટે બિડ્સ મોકલી નથી.
રિલાયન્સ ઈન્ડસ્ટ્રીઝ
રિલાયન્સ ઇન્ડસ્ટ્રીઝ લિમિટેડ RILની રિટેલ પેટાકંપની રિલાયન્સ રિટેલ વેન્ચર્સ લિમિટેડ RRVL એ હોમ ડેકોર સોલ્યુશન કંપની અર્બન લેડરમાં 96% હિસ્સો ખરીદ્યો છે. આ સોદો 182.12 કરોડમાં થયો હતો.
રૂચી સોયા
પ્રમોટર્સ ખાદ્ય તેલ બનાવતી કંપની રૂચી સોયામાં તેમનો હિસ્સો ઘટાડશે. પતંજલિ આયુર્વેદના માલિક સ્વામી રામદેવે કહ્યું કે કંપની આવતા વર્ષે ફોલો-ઓન પબ્લિક ઓફર FPO લાવશે. રુચિ સોયાને પતંજલિ જૂથ દ્વારા ગયા વર્ષે ડિસેમ્બરમાં ઇન્સોલ્વન્સી પ્રક્રિયાના ભાગ રૂપે 4,350 કરોડમાં હસ્તગત કરી હતી.
ટાટા સ્ટીલ
બીજા ક્વાર્ટરમાં કંપનીનો નફો 50% ઘટીને રૂ. 1,665.07 કરોડ થયો છે. કંપનીએ જણાવ્યું હતું કે સપ્ટેમ્બર ત્રિમાસિક ગાળામાં સ્ટીલનું ઉત્પાદન પણ 3.2% ઘટીને 6.73 મિલિયન ટન થયું છે.
પંજાબ નેશનલ બેંક
ભારતીય રિઝર્વ બેંક એ તેના પર 1 કરોડનો દંડ ફટકાર્યો છે. ચુકવણી અને સમાધાન સિસ્ટમ્સ એક્ટનું યોગ્ય રીતે પાલન ન કરવા માટે આ દંડ લાગુ કરવામાં આવ્યો છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો