IND vs AUS: ભારતીય બોલરો પ્રેક્ટિસ સેશન દરમિયાન હળવાશની પળોમાં જોવા મળ્યા, એકબીજાની બોલિંગ એકશનની કરી કોપી
27 નવેમ્બરથી શરુ થઈ રહેલી વન ડે સીરીઝના પહેલા ટીમ ઈન્ડિયાએ પોતાની તૈયારીઓને આટોપી લીધી છે. તૈયારીઓ માટે એમ કહી શકાય કે કોઈ પણ પ્રકારની કસર છોડી નથી. લગભગ બે મહિના ચાલનારા ઓસ્ટ્રેલીયા પ્રવાસને લઈને ભારતીય ટીમ વનડે અને ટી-20ની ત્રણ-ત્રણ મેચ, ચાર ટેસ્ટ મેચની સીરીઝ રમનાર છે. પ્રેકટીસના સેશન દરમ્યાન બોલરો લાઈટ મુડમાં જોવા […]
27 નવેમ્બરથી શરુ થઈ રહેલી વન ડે સીરીઝના પહેલા ટીમ ઈન્ડિયાએ પોતાની તૈયારીઓને આટોપી લીધી છે. તૈયારીઓ માટે એમ કહી શકાય કે કોઈ પણ પ્રકારની કસર છોડી નથી. લગભગ બે મહિના ચાલનારા ઓસ્ટ્રેલીયા પ્રવાસને લઈને ભારતીય ટીમ વનડે અને ટી-20ની ત્રણ-ત્રણ મેચ, ચાર ટેસ્ટ મેચની સીરીઝ રમનાર છે. પ્રેકટીસના સેશન દરમ્યાન બોલરો લાઈટ મુડમાં જોવા મળ્યા હતા. પૃથ્વી શોએ અનિલ કુંબલે, મુથૈયા મુરલીધરન જેવા બોલરોની એકશનને કોપી કરવાનો પ્રયાસ કર્યો હતો.
https://twitter.com/BCCI/status/1331576433789997056?s=20
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
બીસીસીઆઈ દ્વારા શેર કરવામાં આવેલા વીડિયો મુજબ ઝડપી બોલર જસપ્રિત બુમરાહ અને રવિન્દ્ર જાડેજા વચ્ચે પણ એકબીજાની એકશન કોપી કરવાની હરીફાઈ જામી હતી. પહેલા જાડેજાએ બુમરાહની એકશનમાં બોલીંગ કરી હતી તો બુમરાહે જાડેજાની સ્પિન એકશન સાથે બોલીંગ કરી હતી. આ બંને બોલરો ઉપરાંત ઓપનર પૃથ્વી શો પણ કોપી કરવાની આ હળવાશમાં જોડાયો હતો. તેણે તો દિગ્ગજ બોલરોની એકશનની નકલ ઉતારી હતી. જસપ્રિત બુમરાહ, મુથૈયા મુરલીધરન અને અનિલ કુંબલે પણ તેની નકલમાં તાજા થયા હતા. આ વીડિયો સોશિયલ મીડિયામાં પણ વાયરલ થયો છે.
આ પણ વાંચો: મહેન્દ્રસિંહ ધોનીનો પત્ની સાક્ષી અને પુત્રી જીવા સાથે ડાન્સ કરતો વીડિયો CSKએ કર્યો શેર
ઓસ્ટ્રેલીયા સામે પાછલા પ્રવાસ દરમ્યાન ભારતીય ટીમે ખૂબ જ શાનદાર પ્રદર્શન કર્યુ હતુ. વન ડે અને ટેસ્ટ સીરીઝ બંનેમાં જીત હાંસલ કરી હતી. ઝડપી બોલર જસપ્રિત બુમરાહે વર્ષ 2018-19ની સિરીઝમાં બોલથી શાનદાર પ્રદર્શન કરી દેખાડ્યુ હતુ. તેણે ઓસ્ટ્રેલીયાની બેટીંગ લાઈનની કમર જ તોડી નાંખી હતી. જોકે તે સીરીઝ દરમ્યાન સ્ટીવ સ્મિથ અને ડેવિડ વોર્નર ઓસ્ટ્રેલીયાની ટીમના હિસ્સો નહોતા. આ બંને બેટ્સમેનોના આવવાથી આ વખતનો પ્રવાસ ખુબ રોમાંચક બની રહેવાની આશા સેવાઈ રહી છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો