કાશ્મીરના લઘુમતી વિશે મોટી મોટી વાતો કરતા પાકિસ્તાનમાં શું છે ધાર્મિક સ્વતંત્રતાનો અર્થ? પાકમાં હિન્દુ મંદિરો કેટલા સલામત?

કાશ્મીર અને ભારતની ઘણી બાબતોમાં પાકિસ્તાન તેના સૂર ગાવા લાગતું હોય છે. પરંતુ તેમના પોતાના દેશમાં ધાર્મિક સ્વતંત્રતાની શું હાલત છે તેના પર મૂંગું રહે છે. ચાલો જણાવીએ વિગત.

  • tv9 webdesk37
  • Published On - 14:39 PM, 31 Mar 2021
કાશ્મીરના લઘુમતી વિશે મોટી મોટી વાતો કરતા પાકિસ્તાનમાં શું છે ધાર્મિક સ્વતંત્રતાનો અર્થ? પાકમાં હિન્દુ મંદિરો કેટલા સલામત?
(File Image)

પાકિસ્તાનમાં અન્ય એક હિન્દુ મંદિરમાં તોડફોડનો મામલો સામે આવ્યો છે. રાવલપિંડીના પુરાના કીલા વિસ્તારમાં સ્થિત-74 વર્ષ જુના મંદિર પર રવિવારે વહેલી તકે કટ્ટરવાદીઓ દ્વારા હુમલો કરવામાં આવ્યો હતો. આ હુમલામાં મંદિરને નુકસાન થયું હતું. પોલીસનું કહેવું છે કે મંદિરમાં નવીનીકરણ અને સમારકામનું કામ ચાલી રહ્યું હતું. આને કારણે મંદિરમાં પૂજા-અર્ચના અને ધાર્મિક વિધિ થતી ન હતી. આ બધી સ્થિતિ એ પાકિસ્તાનની છે, જે ભારત પરના માનવાધિકારના ઉલ્લંઘન પર આંગળી ચીંધી રહ્યું છે. ચાલો અમે તમને જણાવીએ કે ત્યાં રહેતા હિંદુઓ સિવાય દરેક લઘુમતીઓ પર પાકિસ્તાનમાં કયા પ્રકારનાં ગુનાઓ આચરવામાં આવે છે. કેવી રીતે તેમની ધાર્મિક ભાવનાને કચડી નાખવામાં આવે છે. આ સાથે, આપણે એ પણ જાણીશું કે પાકિસ્તાનમાં ધાર્મિક સ્વતંત્રતાનો અર્થ શું છે.

જિન્નાના સહયોગી ખ્વાજાએ જણાવ્યો હતો ઇસ્લામિક રાજ્યનો અર્થ

પાકિસ્તાનમાં ધાર્મિક સ્વતંત્રતાને સમજવા માટે, પાકિસ્તાનના બીજા વડા પ્રધાન ખ્વાજા નિઝામુદ્દીનની પંક્તિઓ જ પુરતી છે.. તેમણે જાહેરમાં જણાવ્યું હતું કે ‘હું સંમત નથી થતો કે ધર્મ એ વ્યક્તિની વ્યક્તિગત બાબત છે, તેમજ હું રાજી નથી કે ઇસ્લામિક રાજ્યમાં વ્યક્તિને સમાન હક મને. ભલે તેનો ધર્મ કે જાતી કંઈપણ હોય. ખ્વાજા નિઝામુદ્દીન અને મોહમ્મદ અની જિન્નાના સમકાલીન હતા. તેમની વાત પરથી જ અનુમાન લગાવી શકાય છે કે પાકિસ્તાનમાં લઘુમતીઓની હાલત શું હશે. તેમની સ્થિતિ શું હશે?

પાકિસ્તાનમાં હિન્દુ મંદિરો પર અત્યાચાર

અખિલ ભારતીય પાકિસ્તાન હિન્દુ અધિકાર ચળવળએ ગયા વર્ષે એક સર્વેમાં કહ્યું હતું કે, 1947 માં બંને દેશો વચ્ચે ભાગલા સમયે પાકિસ્તાનમાં 428 મંદિરો હતા, પરંતુ 1990 ના દાયકા સુધીમાં, 408 મંદિરોનું અસ્તિત્વ સમાપ્ત થઈ ગયું છે. એટલે કે, આઝાદી બાદથી પાકિસ્તાનમાં તે સમયના ફક્ત 20 મંદિરો બચ્યા છે. હવે આ મંદિરોની જગ્યાએ દુકાનો, રેસ્ટોરાં, હોટલ, સરકારી શાળાઓ અથવા મદ્રેસાઓ ખુલી ગયા છે.

એટલું જ નહીં, પાકિસ્તાનની સરકારે ઇવાક્યુઇ સંપત્તિ ટ્રસ્ટ બોર્ડને લઘુમતીઓની પૂજા સ્થળોની લગભગ 1.35 લાખ એકર જમીન ભાડે આપી છે. આ ટ્રસ્ટની મુખ્ય જવાબદારી વિસ્થાપિતોની જમીન પર કબજો લેવાની છે. ખાસ કરીને જેઓ અહીં અગાઉ રહેતા હતા, પરંતુ પછીથી બીજા સ્થાને સ્થાનાંતરિત થયા.

પાકિસ્તાનમાં એક પ્રખ્યાત કાલી બાડી મંદિર હતું, હવે ત્યાં એક હોટલ બનાવવામાં આવી છે. આવી જ રીતે, ખૈબર પખ્તુનખાનાના બન્નુ જિલ્લામાં એક મંદિર તૂટીને મીઠાઇની દુકાન બની ગઈ. કોહાટના શિવ મંદિરમાં એક સરકારી શાળા ખોલવામાં આવ. રાવલપિંડીમાં એક પ્રખ્યાત હિન્દુ મંદિરને સમુદાય કેન્દ્રમાં ફેરવવામાં આવ્યું. ચકવાલમાં, 10 મંદિરો તોડી અને વ્યવસાયિક સંકુલ બનાવવામાં આવી.

પાકિસ્તાનમાં, માત્ર હિંદુઓ જ નહીં પણ શીખ ધાર્મિક સ્થળો પણ તોડીને ત્યાં દુકાનો ખોલી દેવામાં આવી હતી. પાકિસ્તાન સરકારના તાજેતરના સર્વે મુજબ, 2019 માં સિંધમાં 11, પંજાબમાં 4, બલુચિસ્તાનમાં 3 અને ખૈબર પખ્તુનખ્વાહામાં 2 મંદિરો છે જ્યાં પૂજા-અર્ચના કરવામાં આવે છે.

2019 માં, પાકિસ્તાનના સિયાલકોટમાં એક હજાર વર્ષ જૂનું પ્રાચીન મંદિર ફરી ખોલવામાં આવ્યું. આ મંદિર આઝાદીથી બંધ હતું. 1992 માં તેને ભારે નુકસાન થયું હતું. આ મંદિરના નવીનીકરણ માટે 50 લાખ રૂપિયાથી વધુનો ખર્ચ કરવામાં આવ્યો છે. તે જ વર્ષે, પાકિસ્તાનની ઇમરાન સરકારે 400 મંદિરો ફરીથી ખોલવાનો નિર્ણય કર્યો. આ માટે સરકાર દ્વારા ભંડોળ પણ આપવામાં આવી રહ્યું છે.

ઇમરાન સરકારના કૃષ્ણ મંદિરને કટ્ટરવાદીઓએ તોડી પાડ્યું

ગયા વર્ષે પાકિસ્તાનની ઇમરાન સરકારે રાજધાની ઇસ્લામાબાદમાં કૃષ્ણ મંદિરના નિર્માણને મંજૂરી આપી હતી. ઇમરાન સરકારે આ માટે 10 કરોડ રૂપિયા પણ આપ્યા હતા. મંદિર માટે 20 હજાર ચોરસ ફૂટ જમીન પણ પૂરી પાડવામાં આવી હતી. તે ઇસ્લામાબાદનું પહેલું હિન્દુ મંદિર હોત, પરંતુ કટ્ટરવાદીઓ દ્વારા તેનું નિર્માણ થાય તે પહેલાં જ તેને તોડી પાડવામાં આવ્યું હતું. તેની દિવાલ તોડી નાખી હતી. કટ્ટરવાદીઓના દબાણને કારણે મંદિરનું નિર્માણ અટકી ગયું હતું.