ગુજરાત સરકાર દ્વારા કોરોના વોરિયર્સને પ્રથમ વેક્સિન અપાશે : નાયબ મુખ્યપ્રધાન નીતિન પટેલ
રાજ્યમાં કોરોના રસી માટે તૈયારીઓને આખરી ઓપ આપી દેવામાં આવ્યો છે. ગઈકાલે વડાપ્રધાન નરેન્દ્ર મોદીએ જાહેરાત કરી હતી કે અઠવાડિયામાં કોરોના વેક્સિન આવી જશે. ત્યારે રાજ્યમાં ગુજરાત સરકાર કોરોના વોરિયર્સને પ્રથમ વેક્સિન આપશે. નાયબ મુખ્યમંત્રી નીતિન પટેલે વેક્સિનેશનની માહિતી આપી હતી. જેમાં તેમણે રાજ્યમાં તબક્કાવાર વેક્સિન આપવાનું જણાવ્યું હતું. પ્રથમ તબક્કામાં આરોગ્ય કર્મીઓ, બીજા તબક્કામાં […]
રાજ્યમાં કોરોના રસી માટે તૈયારીઓને આખરી ઓપ આપી દેવામાં આવ્યો છે. ગઈકાલે વડાપ્રધાન નરેન્દ્ર મોદીએ જાહેરાત કરી હતી કે અઠવાડિયામાં કોરોના વેક્સિન આવી જશે. ત્યારે રાજ્યમાં ગુજરાત સરકાર કોરોના વોરિયર્સને પ્રથમ વેક્સિન આપશે. નાયબ મુખ્યમંત્રી નીતિન પટેલે વેક્સિનેશનની માહિતી આપી હતી. જેમાં તેમણે રાજ્યમાં તબક્કાવાર વેક્સિન આપવાનું જણાવ્યું હતું. પ્રથમ તબક્કામાં આરોગ્ય કર્મીઓ, બીજા તબક્કામાં પોલીસ અને હોમ ગાર્ડ્સ તથા ત્યારબાદના તબક્કામાં 50 વર્ષથી વધુ ઉંમરના સિનિયર સિટિઝનને વેક્સિન આપશે તેમ જણાવ્યું હતું. રાજ્યમાં રસી કેવી રીતે આપવામાં આવશે તે અંગે નીતિન પટેલે માહિતી આપી હતી કે, રાજ્યમાં મતદાન મથકની જેમ રસીકરણ કેન્દ્રો ઉભા કરાશે. રાજ્યમાં 47 હજાર 796 રસી કેન્દ્રો ઉભા કરાશે. જેને રસી આપવાની છે તેને રાજ્ય સરકાર SMS મોકલશે. રાજ્ય સરકાર લાભાર્થીને રસી કેન્દ્ર અંગે સામેથી માહિતી આપશે.
નીતિન પટેલે જણાવ્યું હતું કે, વિશ્વમાં અલગ અલગ કંપનીઓ દ્વારા કોરોના માટે રસીઓ તૈયાર કરાઇ રહી છે. અને આ રસીઓની સાચવણી માટેના માપદંડ અલગ અલગ છે. નાયબ મુખ્યપ્રધાને માહિતી આપી હતી કે ભારત વિશ્વમાંથી એવી રસી જ ખરીદશે જે આપણા હવામાન અને આપણી ક્ષમતાને અનુરૂપ હોય. અંતમાં નાયબ મુખ્યપ્રધાને રાજ્યના લોકોને ખાતરી આપી હતી કે રાજ્યના દરેક નાગરિકને કોરોનાની રસી આપવામાં આવશે. પ્રારંભિક તબક્કાઓમાં કેન્દ્ર સરકાર દ્વારા નિર્ધારિત કરવામાં આવેલી લોકોને રસી આપવામાં આવશે અને ત્યાર બાદ સામાન્ય નાગરિકોને રસી આપવામાં આવશે. આ રસીનો ખર્ચ કેન્દ્ર સરકાર દ્વારા ઉઠાવવામાં આવશે. જોકે, નાયબ મુખ્યપ્રધાને ખાતરી આપી હતી કે રાજ્યના તમામ નાગરિકોને રસી આપવા માટે રાજ્ય સરકાર જરૂર પડ્યે પોતાના ખર્ચે પણ રસીઓ ખરીદશે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
Latest News Updates
