મોરબીના માળિયામાં જાહેરમાં ફાયરિંગની ઘટના સાથે ભાવનગરમાં લગ્નમાં બંદૂકની ગોળીથી એકનું મોત
મોરબી જિલ્લાના માળિયાના વાધરવા ગામે કાયદો વ્યવસ્થાના ધજાગરા ઉડાડતો વીડિયો વાયરલ થયો છે. વીડિયોમાં લગ્નના વરઘોડામાં ધડાધડ ફાયરિંગ થતાં જોવા મળે છે. જાહેરમાં 6થી 7 લોકો હથિયાર સાથે કાયદાની જરા પણ પરવા કર્યા વિના ફાયરિંગ કરતાં જોવા મળે છે. જેમાં અનેક વખત હવામાં ફાયરિંગ થતું દેખાય છે. વાયરલ વીડિયોમાં વરરાજા સત્યપાલસિંહ જાડેજા પણ ઘોડી પર […]
મોરબી જિલ્લાના માળિયાના વાધરવા ગામે કાયદો વ્યવસ્થાના ધજાગરા ઉડાડતો વીડિયો વાયરલ થયો છે. વીડિયોમાં લગ્નના વરઘોડામાં ધડાધડ ફાયરિંગ થતાં જોવા મળે છે. જાહેરમાં 6થી 7 લોકો હથિયાર સાથે કાયદાની જરા પણ પરવા કર્યા વિના ફાયરિંગ કરતાં જોવા મળે છે. જેમાં અનેક વખત હવામાં ફાયરિંગ થતું દેખાય છે. વાયરલ વીડિયોમાં વરરાજા સત્યપાલસિંહ જાડેજા પણ ઘોડી પર બેસી ફાયરિંગ કરતાં દેખાય છે. લગ્ન પ્રસંગમાં ફૂલેકા અને મંડપ પાસે હવામાં ફાયરીંગ કરતો વીડિયો વાયરલ થતાં પોલીસની કામગીરી પર પણ સવાલ ઉઠ્યા છે. ત્યારે હવે પોલીસે ફાયરિંગ કરનારાઓ સામે કાર્યવાહી કરશે કે નહીં તે સૌથી મોટો સવાલ છે.
ભાવનગરના વલ્લભીપુરમાં લગ્ન પ્રસંગમાં ફાયરિંગ દરમિયાન એકનું મોત થયું છે. ઘટના છે પચ્છેગામની. જ્યાં ગત રાત્રે રામદેવસિંહ તખુભા ગોહિલના પુત્ર ધમભા ગોહિલના લગ્ન હતા. લગ્ન પ્રસંગ નિમિત્તે દાંડિયા રાસ ચાલી રહ્યો હતો. લોકો રાસ રમવામાં મસ્ત હતા. તે દરમિયાન આમંત્રિત મહેમાનમાંથી કોઈ એક શખ્સે પોતાના હથિયાર વડે ફાયરિંગ કર્યું હતું. અને બંદૂકની ગોળી 20 વર્ષના યુવકને વાગી હતી. જેને સારવાર માટે તાત્કાલિક ભાવનગરની સરટી હોસ્પિટલમાં લઈ જવાયો હતો. જોકે સારવાર દરમિયાન તેનું મોત થયું છે. સમગ્ર મામલે પોલીસે વધુ તપાસ હાથ ધરી છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો