ડીસાનું ભીલડી ગામ વિકાસથી વંચિત, તાલુકામથક બનાવવા સ્થાનિકોની ઉગ્ર માગ
બનાસકાંઠા જિલ્લાના ડીસા તાલુકાના વિભાજન માટેની માંગણી ઉગ્ર બની છે. ભીલડી એ ડીસા તાલુકાનું જૂનામાં જૂનું ગામ છે. જેનો વિસ્તાર વધતા ગામના લોકો તાલુકાની માંગણી કરી રહ્યા છે. ભીલડી વેપારી મથક છે. આજુબાજુના 40થી વધુ ગામોમાં વસેલી 1 લાખ જેટલી વસ્તી ભીલડી પર નિર્ભર છે. આ તમામ ગામોને તાલુકા મથક ડીસા દૂર પડે છે. તેમજ […]
બનાસકાંઠા જિલ્લાના ડીસા તાલુકાના વિભાજન માટેની માંગણી ઉગ્ર બની છે. ભીલડી એ ડીસા તાલુકાનું જૂનામાં જૂનું ગામ છે. જેનો વિસ્તાર વધતા ગામના લોકો તાલુકાની માંગણી કરી રહ્યા છે. ભીલડી વેપારી મથક છે. આજુબાજુના 40થી વધુ ગામોમાં વસેલી 1 લાખ જેટલી વસ્તી ભીલડી પર નિર્ભર છે. આ તમામ ગામોને તાલુકા મથક ડીસા દૂર પડે છે. તેમજ નાના–મોટા સરકારી કામ અર્થે લોકોને ડીસા સુધી લાંબા થવું પડે છે. અગાઉ ભીલડીને તાલુકામથક જાહેર કરવા માટે સરકારે કામગીરી હાથ ધરી હતી. પરંતુ તે કામ અધૂરું જ રહ્યું છે. ભીલડીમાં રેલવે સ્ટેશન, નેશનલ હાઈવે, માર્કેટીંગ યાર્ડ, પોલીસ સ્ટેશન, બેંક અને વેપારીની મોટી દુકાનો હોવા છતાં ગ્રામ પંચાયત હોવાથી વિકાસથી વંચિત છે. સ્થાનિક લોકોની માંગ છે કે ભીલડીને સરકાર તાલુકા મથક જાહેર કરે. જેથી આ નગરનો વિકાસ વધુ વેગવંતો બને.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો