દેશમાં કોરોના વેક્સિન માટે હજુ રાહ જોવી પડશે ? વેક્સિન બનાવતી કંપનીઓએ ડેટા સબમિટ કરવા માગ્યો સમય
ભારતના લોકોએ હજુ કોરોના રસી માટે રાહ જોવી પડશે. દેશના ડ્રગ રેગ્યુલેટરની સબજેક્ટ એક્સપર્ટ કમિટિ (એસઈસી)ની રસી કંપનીઓ સાથે ફરીથી બેઠક અશક્ય લાગે છે. સરકારી અધિકારીઓએ કહ્યું છેકે કંપનીઓએ અપડેટ કરેલા ડેટા માટે થોડા અઠવાડિયાનો સમય માંગ્યો છે. જેને કારણે, સમયસર કોરોના રસી મળવાના એંધાણ નથી. એક ન્યુઝ અહેવાલ મુજબ, એક અધિકારીએ કહ્યું છેકે આ […]
ભારતના લોકોએ હજુ કોરોના રસી માટે રાહ જોવી પડશે. દેશના ડ્રગ રેગ્યુલેટરની સબજેક્ટ એક્સપર્ટ કમિટિ (એસઈસી)ની રસી કંપનીઓ સાથે ફરીથી બેઠક અશક્ય લાગે છે. સરકારી અધિકારીઓએ કહ્યું છેકે કંપનીઓએ અપડેટ કરેલા ડેટા માટે થોડા અઠવાડિયાનો સમય માંગ્યો છે. જેને કારણે, સમયસર કોરોના રસી મળવાના એંધાણ નથી.
એક ન્યુઝ અહેવાલ મુજબ, એક અધિકારીએ કહ્યું છેકે આ મામલો સંપૂર્ણ રીતે કંપનીઓ (સીરમ ઇન્સ્ટિટ્યૂટ ઓફ ઈન્ડિયા અને ભારત બાયોટેક)ના હાથમાં છે. તેઓએ સમિતિ સમક્ષ સંપૂર્ણ ડેટા પ્રદાન કરવો પડશે. અધિકારીના જણાવ્યા અનુસાર, “રસીના ટ્રાયલ ચાલી રહ્યા છે, અમને લાગે છે કે તેઓ ઓછામાં ઓછા થોડા અઠવાડિયા લેશે.” જ્યારે તેઓ ડેટા સબમિટ કરે છે. ત્યારે અમે એસઈસીની મીટિંગ અંગે નિર્ણય લઈ શકીએ છીએ” તેમણે એમપણ કહ્યું કે સમિતિ સાવધાનીપૂર્વક તમામ નિર્ણયો લેશે.
બુધવારે બેઠક દરમિયાન 10 સભ્યોની નિષ્ણાત પેનલે સીરમ ઇન્સ્ટિટ્યૂટ ઓફ ઈન્ડિયા અને ભારત બાયોટેકની કોવિડ-19 રસીના ઉપયોગ માટેની અરજીને મંજૂરી આપી ન હતી. સમિતિને અપડેટ કરવામાં આવી હતી. અને બંને કંપનીઓ પાસેથી વધુ ડેટાની માંગ કરવામાં આવી હતી. હજી સુધી, બંને કંપનીઓ તરફથી આવી કોઈ માહિતી આવી નથી.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો