VIDEO: અમદાવાદમાં જાહેરમાં થૂંક્યા તો 500 રૂપિયાનો દંડ, 300 ટીમ થૂંકનારા લોકોને દંડ ફટકારશે
કોરોના વાઈરસ સામે લડવા ગુજરાત સરકારે ઈન્ડિયન એપેડેમિક એક્ટ અમલમાં મૂક્યો છે. જે અંતર્ગત જાહેરમાં થૂંકનારા લોકોને 500 રૂપિયાનો દંડ ભોગવવા તૈયાર રહેવું પડશે. અમદાવાદમાં એક મહિલા રિક્ષા ચાલકને રસ્તા પર થૂંકતા 500 રૂપિયાનો દંડ ફટકારવામાં આવ્યો હતો. અમદાવાદ મ્યુનિસિપલ કમિશનર વિજય નહેરાએ સરકારના નિર્ણયના ચુસ્ત પાલન માટે પરિપત્ર જાહેર કર્યો છે. અમદાવાદના તમામ ઝોનના […]
કોરોના વાઈરસ સામે લડવા ગુજરાત સરકારે ઈન્ડિયન એપેડેમિક એક્ટ અમલમાં મૂક્યો છે. જે અંતર્ગત જાહેરમાં થૂંકનારા લોકોને 500 રૂપિયાનો દંડ ભોગવવા તૈયાર રહેવું પડશે. અમદાવાદમાં એક મહિલા રિક્ષા ચાલકને રસ્તા પર થૂંકતા 500 રૂપિયાનો દંડ ફટકારવામાં આવ્યો હતો. અમદાવાદ મ્યુનિસિપલ કમિશનર વિજય નહેરાએ સરકારના નિર્ણયના ચુસ્ત પાલન માટે પરિપત્ર જાહેર કર્યો છે. અમદાવાદના તમામ ઝોનના ડેપ્યુટી મ્યુનિસિપલ કમિશનરોને અલગ અલગ જવાબદારી સોંપી છે.
આ પણ વાંચો: કોરોનાને કારણે શેરબજારમાં કડાકો યથાવત, નિફ્ટીમાં 500 પોઈન્ટનું ગાબડું
આંગણવાડી માટે પ્રોગ્રામ ઓફિસર ICDSને શાળાઓ માટે શાસનાધિકારીને જવાબદારી સોંપાઈ છે. તો ટ્યુશન કલાસ, કોલેજ, મલ્ટીપ્લેકસ, સ્વિમિંગપુલ માટે જે તે ઝોનના ડેપ્યુટી મ્યુનિસિપલ કમિશનર જવાબદારી અપાઈ છે. અમદાવાદમાં પાનના ગલ્લા, ગાર્ડન, ST અને રેલવે સ્ટેશન પર તકેદારી રાખશે. મ્યુનિસિપલ કોર્પોરેશનના સોલિડ વેસ્ટ વિભાગ 300 ટીમ તૈનાત કરશે. આ દરેક ટીમમાં એક સેનેટરી ઈન્સ્પેક્ટર અને ચાર સફાઈ કામદાર મળીને 500 લોકો તૈનાત રહેશે. આ પૂર્વે 10 હજારનો દંડ ફટકારવાની વાત હતી. પરંતુ હવે સ્થળ પર જ 500 રૂપિયાનો દંડ ફટકારવામાં આવશે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો