ચીનનું સમગ્ર ભારતમાં જાસૂસી જાળું, શું છે ચીનના “જાસૂસી” હથકડાં ?

ચીન ભારતને પછાડવા અવનવા હથકડાં અજમાવી રહ્યું છે. ત્યારે, દોઢ મહિના પહેલા ઝડપાયેલ ચીની જાસુસ મહિલાની કિંગ-શીની પુછપરછમાં મોટા ખુલાસા થયા છે. હાલ, આ ચીની જાસૂસ મહિલા તિહાર જેલમાં કેદ છે.

ચીની જાસૂસ કોલકતાની એક પ્રભાવશાળી મહિલાના સંપર્કમાં હતી. કોલકતાની આ પ્રભાવશાળી મહિલા વિશે કોઇ જાણકારી મળી નથી. કોલકતાની મહિલા ચીની જાસૂસને ભારત વિશે કેટલાક ગુપ્તદસ્તાવેજો આપવાની હતી. ચીની જાસૂસ ગુપ્ત માહિતી ચીનના કોમ્યુનિસ્ટ પાર્ટીના નેતાની પ્રભાવશાળી પત્નીને આપવાની હતી.

Web Stories View more

30 લાખની હોમ લોન પર કેટલી EMI ચૂકવવી પડશે, જાણી લો ગણિત

વિરાટ કે રોહિત નહીં, આ છે કથાકાર જયા કિશોરીનો ફેવરિટ ક્રિકેટર

ઉનાળાની ગરમીમાં ટ્રીપ પ્લાન કરતાં પહેલા જાણી લો 7 ટિપ્સ, નહીં તો વધશે મુશ્કેલી

ઉનાળામાં ઘરમાં AC, પંખા અને કુલરનો ઉપયોગ કરવામાં આવે તો વીજળીનું બિલ કેટલું આવશે?

આ સરળ રીતે ઘરના કૂંડામાં જ ઉગાડો લીલા-પીળા લીંબુ, જાણો ટિપ્સ

દરેક લોકોનું પ્રિય ફળ કેરીના પાનનું સેવન છે ફાયદાકારક

કિંગ-શીની વધુ પુછપરછમાં ખુલ્યું છેકે ભારતની માહિતી આપવા માટે ચીની મહાબોધીના પ્રમુખ મોન્કે કોલકતાની મહિલાનો સંપર્ક કરાવ્યો હતો. અને, કોલકતાની મહિલા કેટલાક સરકારી દસ્તાવેજો કિંગ-શીને આપવાની હતી. આ દસ્તાવેજોને ચીની ભાષામાં ટ્રાન્સલેટ કરવાની જવાબદારી પણ કિંગ-શીને સોંપાઇ હતી.

ચીની જાસૂસ મહિલા PMO કાર્યાલયની માહિતી મેળવી રહી હતી. જેમાં તે કાર્યાલયમાં કામ કરતા મોટા અધિકારીઓની માહિતીઓ એકઠી કરી રહી હતી. PMO કાર્યાલયમાં કયો અધિકારી મહત્વનું પદ ધરાવે છે અને, આ અધિકારી PMOને કંઇ પ્રકારની મદદ કરે છે. જેવી વિવિધ માહિતી મેળવી હતી.

ભારતમાં ચીને જાસૂસી કરવા કેટલીક મલ્ટીનેશનલ કંપનીઓને પણ કામે લગાડી હોવાનું ખુલ્યું છે. જેમાં ચીન મોબાઇલ કંપનીઓ, ચીની એપ અને વેબસાઇટ થકી ભારતમાં જાસૂસીનું જાળું પાથર્યું છે. ભારતમાં ચીની મોબાઇલ સાથે સંકળાયેલા લોકોની સંખ્યા આશરે 6 કરોડ છે. એટલેકે, કરોડો ભારતીય લોકો થકી ગુપ્ત માહિતી એકઠી કરવાનું ષડયંત્ર છે.

ચીને કેટલાક ભારતીય પત્રકારોને પણ ફોડયા હોવાનું ખુલ્યું છે. જેમાં ચીની મહિલા જાસૂસ સાથે એક પત્રકાર પણ સાંઠગાંઠમાં હોવાનું ખુલ્યું છે. જેને લઇને પોલીસે દિલ્લીના પત્રકાર રાજીવ શર્મા સહિત તેના એક નેપાળી સાથી શેરસિંહને પણ દબોચી લીધો છે.