કેનેડામાં કિંગ મેકર જગમીત સિંહઃ જસ્ટીન ટ્રુડોને સરકાર રચવા આ શીખ નેતાને સાથે લેવા પડશે
કેનાડામાં ફરી વખત પ્રધાનમંત્રી બનવા માટે જસ્ટિન ટ્રુડોને ગઠબંધન માટે આ શીખ નેતાની જરૂર પડશે. જગમીત સિંહના નેતૃત્વમાં ન્યૂ ડેમોક્રેટિક પાર્ટીએ 24 બેઠક પર જીત મેળવી છે. અને આ જગમીતની પાર્ટીને 15.9 ટકા વોટ મળ્યા છે. તો લિબરલ પાર્ટીના ટ્રુડોને 157 બેઠક મળી છે. અને બહુમત માટે 20 સીટની જરૂર છે. આ પણ વાંચોઃ ગુટ […]
કેનાડામાં ફરી વખત પ્રધાનમંત્રી બનવા માટે જસ્ટિન ટ્રુડોને ગઠબંધન માટે આ શીખ નેતાની જરૂર પડશે. જગમીત સિંહના નેતૃત્વમાં ન્યૂ ડેમોક્રેટિક પાર્ટીએ 24 બેઠક પર જીત મેળવી છે. અને આ જગમીતની પાર્ટીને 15.9 ટકા વોટ મળ્યા છે. તો લિબરલ પાર્ટીના ટ્રુડોને 157 બેઠક મળી છે. અને બહુમત માટે 20 સીટની જરૂર છે.
338 બેઠકવાળી હાઉસ ઓફ કોમન્સમાં બહુમતી સાથે સત્તા પર આવવા જસ્ટિન ટ્રુડોને જગમીત સિંહના સહારાની જરૂર પડશે. કિંગમેકરની ભૂમિકાના અંદાઝમાં જગમીત સિંહે કહ્યું કે, ટ્રુડો એ વાતને માને છે કે અલ્પમતની સરકાર છે. જેથી અમારે સાથે મળીને કામ કરવું પડશે.
NDP નેતા જગમીત સિંહે પહેલા જ સ્પષ્ટતા કરી દીધી કે અલ્પમતની સરકાર બનવાની સ્થિતિમાં તેમની પ્રાથમિકતા શું હોઈ શકે. જેમાં હાઉસિંગમાં રોકાણ, વિદ્યાર્થીઓ માટે લોનની સમસ્યા, ફોન અને ઈન્ટરનેટના બિલમાં ઘટાડો, રાષ્ટ્રીય ફાર્માકેયર યોજનાને વેગ આપવા સાથે અમીર લોકો પર ટેક્સ વધારવાની યોજના છે.
જગમીત સિંહ કેનેડામાં ઓંટારિયો સિટીમાંથી સાંસદ ચૂંટાઈને આવ્યા છે. તેમનો પરિવાર વર્ષો પહેલા જ કેનેડામાં આવીને વસવાટ કર્યો હતો. તેમના પૂર્વજોનું ઘર પંજાબના બરનાલા જિલ્લામાં ઠીકરીવાલ ગામમાં છે. જગમીતનો જન્મ કેનેડામાં 2 જાન્યુઆરી 1979માં થયો હતો.
જગમીતે બાયોલોજીમાં Bscની ડિગ્રી લીધી છે. યોર્ક યુનિવર્સિટીમાંથી લોની ડિગ્રીના સમયે ટ્યુશન ફી વિરુદ્ધ આંદોલન શરૂ કર્યું હતું. 2006માં તેમણે કાઉન્સિલની સદસ્યતા પણ મેળવી હતી. જગમીત હંમેશા પ્રવાસીઓ અને શરણાર્થીઓના પક્ષમાં અવાજ ઉઠાવે છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
મહત્વનું છે કે, 2013માં જગમીત સિંહ અમૃતસર આવવા માગતા હતા. પરંતુ ભારત સરકારે વિઝા આપ્યા નહોતા. વિઝા ન મળવા માટેના કારણમાં જગમીતે કહ્યું કે, 1984ના શીખ રમખાણમાં પીડિતોને ન્યાય અપાવવાના મારા સમર્થનને કારણે ભારત સરકાર મારાથી નારાઝ છે. 1984એ બે સમુદાય વચ્ચે રમખાણ નહીં પણ રાજ્ય પ્રાયોજિત નરસંહાર હતું.
2011માં પોતાની રાજનીતિની શરૂઆત કરે છે અને પહેલી જ ચૂંટણી હારી જાય છે. 2015માં જગમીત સિંહ ઓન્ટેરિયો ન્યૂ ડેમોક્રેટિક પાર્ટીના નાયબ પ્રમુખ ચૂંટાયા હતા. 2017માં જગમીત સિંહે પોતાની પાર્ટીના રાષ્ટ્રીય અધ્યક્ષની ચૂંટણી લડ્યા અને 4 ઉમેદવાર વચ્ચે એક તરફી જીત મેળવી હતી. હાલમાં ચૂંટણી પ્રચાર માટે જગમીતે Tik-Tokના માધ્યમનો પણ ઉપયોગ કર્યો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો