કોંગ્રેસ-AAPની ગઠબંધનની વાતો વચ્ચે ભાજપે દિલ્હીની 4 બેઠક માટે કરી ઉમેદવારની જાહેરાત

કોંગ્રેસ-AAPની ગઠબંધનની વાતો વચ્ચે ભાજપે દિલ્હીની 4 બેઠક માટે કરી ઉમેદવારની જાહેરાત

કોંગ્રેસ અને આમ આદમી પાર્ટી વચ્ચે દિલ્હીમાં ગઠબંધનને લઈને ચર્ચાઓ ચાલી રહી છે ત્યારે ભાજપે દિલ્હીમાંથી 4 સીટો માટે ઉમેદવારોની ફાળવણી પણ કરી દીધી છે. 

ભાજપે દિલ્હી માટે પોતાના દિગ્ગજોની જાહેરાત કરી દીધી છે. ભાજપ દ્વારા જાહેર થયેલી યાદીમાં 4 ઉમેદવારનો ઉલ્લેખ કરવામાં આવ્યો છે. જેમાં ચાંદની ચોકથી ડૉ. હર્ષવર્ધન, નોર્થ ઈસ્ટ દિલ્હીથી મનોજ તિવારી, વેસ્ટ દિલ્હીથી પ્રવેશ શર્મા અને સાઉથ દિલ્હીમાંથી રમેશ બિધુરીને ટિકીટ આપી છે.

આ પણ વાંચો:  રાફેલ વિમાનના વિવાદના લીધે એક ગામના લોકો ત્રાહિમામ પોકારી ગયા છે જાણો કેમ?

આ ટિકીટની ફાળવણી સાથે પંજાબના અમૃતસર અને ઉત્તર પ્રદેશની ઘોસી સીટ માટે પણ ઉમેદવારો માટે જાહેરાત કરી દેવાઈ છે. અમૃતસરમાં હરદીપ પુરીને જ્યારે યુપીની ઘોસી સીટ પરથી હરિનારાયણ રાજભરને ટિકીટ આપવામાં આવી છે.

 

 

દિલ્હીમાં છેલ્લી ઉમેદવારી ભરવાની તારીખ 23 એપ્રિલ છે. કહેવામાં આવી રહ્યું હતું કે ભાજપ કોંગ્રેસના ઉમેદવાર જાહેર થાય તેની રાહ જોઈ રહી હતી પણ હવે ભાજપે જ પોતાના ઉમેદવારોની જાહેરાત પહેલા જ કરી દીધી છે. જો કે પાર્ટીને હજી 3 સીટના ઉમેદવારોની જાહેરાત કરવાની બાકી છે જેમાં નવી દિલ્હીની બેઠકનો પણ સમાવેશ થાય છે. આ સીટ પરથી પૂર્વ ક્રિકેટર ગૌતમ ગંભીરને ટિકીટ આપવામાં આવે તેવી અટકળો સેવાઈ રહી છે.

 

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=” Watch more interesting videos on TV9 Gujarati YouTube channel”]

Click on your DTH Provider to Add TV9 Gujarati