કોરોનાકાળમાં માસ્ક વિના ફરનારા સામે ભરૂચ પોલીસની લાલ આંખ, 22 હજાર લોકો પાસેથી 62 લાખનો દંડ વસુલ્યો

કોરોનની બીજી લહેર સાથે કોરોનાના વધતા કેસને ધ્યાને લઇ તંત્ર એકશનમાં આવી ગયું છે. ભરૂચ જિલ્લા પોલીસ અને નગર સેવા સદન દ્વારા શહેરના વિવિધ વિસ્તારોમાં માસ્ક વગર ફરતા લોકો સામે કડક હાથે કામ લેવામાં આવી રહ્યું છે. જિલ્લામાં હજારો લોકો સામે દંડાત્મક કાર્યવાહી હાથ ધરવામાં આવી છે. કોરોનાએ  દસ્તક દીધી ત્યારથી અત્યાર સુધીમાં જિલ્લા પોલીસે 62 લાખ રૂપિયા દંડ વસુલ્યો છે.

ડેડલી કોરોના વાયરસનો દેશમાં સેકંડ વેવ દેખાઈ રહ્યો છે અને કોરોનાનું સંક્રમણ ફરી વધી રહ્યું છે ત્યારે લોકો જીવલેણ રોગ સામે બચવા સાવચેતીના પગલાં ભરે  એ માટે તંત્ર દ્વારા ફરી એકવાર કમર કસવામાં આવી છે. લોકો માસ્ક પહેરે અને સોસીયલ ડિસ્ટન્સનુ પાલન કરે તે માટે અંકલેશ્વર નગર સેવા સદન દ્વારા ટીમ બનાવી શહેરના વિવિધ વિસ્તારમાં ચેકિંગ હાથ ધરવામાં આવ્યું હતું અને માસ્ક વગર ફરતા લોકો પાસે દંડની વસુલાત કરવામાં આવી હતી.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

ભરૂચ જિલ્લા  પોલીસ પણ એક્શનમાં છે . પોલીસ દ્વારા કડક વલણ અપનાવવામાં આવ્યું હતું. પોલીસ દ્વારા વિવિધ પોઈન્ટ પર માસ્ક વગર ફરતા લોકો પાસે દંડ વસુલ કરવામાં આવી રહ્યો છે. પોલીસે 22 હજાર કરતા વધુ લોકો પાસેથી દંડ વસુલ્યો છે. જિલ્લામાં માસ્ક ન પહેવાથી અટકાવનાર પોલીસને જોઈ નાસી જવાના પ્રયાસનો પણ એક ગુનો દાખલ કરવામાં આવ્યો છે. ભરૂચ પોલીસે જિલ્લામાં ૨૨૫૯૮ લોકો પાસથી 62 લાખ રૂપિયા ઉપરાંતનો દંડ અત્યારસુધીમાં વસુલ્યો છે.

લોકોની બેદરકારીને જોઈ ગુજરાત હાઈકોર્ટે માસ્ક વગર પકડતા લોકો પાસે કમ્યુનીટી સેવા એટલે કે કોવિડ સેન્ટરમાં સેવા કરાવવા સરકારને આદેશ કર્યો છે ત્યારે માસ્ક જ હવે એક માત્ર ઉપાય છે છતાં લાપરવાહ રહેનાર લોકો માસ્કને પોતાની જ જવાબદારી સમજી તેનો ઉપયોગ કરે એ સુનિશ્ચિત કરવા તંત્ર પ્રયાસ કરી રહ્યું છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો