અમેરિકામાં ટ્રમ્પ બાજી મારશે કે બાઇડન ટ્રમ્પને હરાવશે પર સૌ કોઈની નજર, ડોનાલ્ડ ટ્રમ્પના ખાતામાં અત્યાર સુધીમાં 8 રાજ્ય, મતદાનની ટકાવારી 67 ટકા રહી
અમેરિકામાં ટ્રમ્પ બાજી મારશે કે બાઇડન ટ્રમ્પને હરાવશે તેને લઇને મતોની ગણતરી ચાલી રહી છે, તાજા આંકડા અનુસાર બાઇડને 10 રાજ્યમાં જીત મેળવી લીધી છે તો ડોનાલ્ડ ટ્રમ્પના ખાતામાં અત્યાર સુધીમાં 8 રાજ્ય આવ્યા છે. આ વખતે 160 મિલિયન એટલે કે 16 કરોડ લોકોએ મત નાંખ્યા છે, મતદાનની ટકાવારી 67 ટકા રહી છે, જે એક […]
અમેરિકામાં ટ્રમ્પ બાજી મારશે કે બાઇડન ટ્રમ્પને હરાવશે તેને લઇને મતોની ગણતરી ચાલી રહી છે, તાજા આંકડા અનુસાર બાઇડને 10 રાજ્યમાં જીત મેળવી લીધી છે તો ડોનાલ્ડ ટ્રમ્પના ખાતામાં અત્યાર સુધીમાં 8 રાજ્ય આવ્યા છે. આ વખતે 160 મિલિયન એટલે કે 16 કરોડ લોકોએ મત નાંખ્યા છે, મતદાનની ટકાવારી 67 ટકા રહી છે, જે એક સદીનો સૌથી મોટો આંકડો છે, ટ્રમ્પ અને બાઇડન સતત લોકોને મતદાન કરવાની અપીલ કરી રહ્યાં હતા.
આપને કહી દઇએ કે અમેરિકામાં લગભગ 40 લાખ ભારતીય મૂળના લોકો છે, જેમાંથી 25 લાખ લોકો મતદાનના અધિકારી છે, 13 લાખથી વધુ ભારતીય અમેરિકી ટેક્સાસ, મિશિગન, ફ્લોરિડા અને પેનસિલ્વેનિયા જેવા રાજ્યોમાં મતદાન કરી રહ્યાં છે. મહત્વનું છે કે જો બાઇડને પણ જનતાને અપીલ કરી હતી કે જાઓ, મત આપો અમેરિકા. તેમણે ટ્વીટ કર્યું કે, ‘2008 અને 2012માં તમે આ દેશનું નેતૃત્વ કરવા માટે બરાક ઓબામાનો સાથ આપવા પર મારા પર ભરોસો મુક્યો. આજે ફરી એક વખત હું તમને વિશ્વાસ અપાવું છું કે મારા પર અને કમલા હેરિસ પર ભરોસો રાખો. અમે વચન આપીએ છીએ કે તમને નિરાશ નહીં કરીએ.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો