VIDEO: 16 વર્ષની દિકરીનું દર્દ અને પોલીસે પૂરું કર્યું સપનું, રાજકોટ પોલીસની સરાહનીય કામગીરી
શું તમે 16 વર્ષની યુવતીને પોલીસ અધિકારી તરીકે ફરજ બજાવતા જોઈ છે. રાજકોટમાં કંઇક આવું જ બન્યું, શહેરની 16 વર્ષની યુવતી મહિલા પોલીસ સ્ટેશનની ઇન્ચાર્જ અધિકારી બની છે. પરંતુ કેવી રીતે અને શા માટે તે સવાલ તમને ચોક્કસ થઈ રહ્યો હશે. કિશોરીની નાનપણની ઇચ્છા હતી કે, તે પોલીસ અધિકારી બને અને આખરે તેની ઇચ્છા પુરી […]
શું તમે 16 વર્ષની યુવતીને પોલીસ અધિકારી તરીકે ફરજ બજાવતા જોઈ છે. રાજકોટમાં કંઇક આવું જ બન્યું, શહેરની 16 વર્ષની યુવતી મહિલા પોલીસ સ્ટેશનની ઇન્ચાર્જ અધિકારી બની છે. પરંતુ કેવી રીતે અને શા માટે તે સવાલ તમને ચોક્કસ થઈ રહ્યો હશે. કિશોરીની નાનપણની ઇચ્છા હતી કે, તે પોલીસ અધિકારી બને અને આખરે તેની ઇચ્છા પુરી થતાં તેના મોં પર ખુશી જોવા મળી છે.
આ પણ વાંચોઃ VIDEO: સુરતમાં મોતનો થાંભલો, પુણાગામમાં વીજ થાંભલાને અડકી જતાં યુવતીનું ઘટનાસ્થળે જ મોત
કિશોરીના ચહેરાની ખૂશી પાછળ એક દર્દનાક કહાની પણ છે. કિશોરી જન્મથી એઇડ્સથી પીડિત છે. કુદરતની થપાટને કારણે કિશોરીની ઇચ્છા પુરી થાય તેને લઇને સવાલ હતો. જેથી એઇડ્સગ્રસ્ત લોકો માટે કામ કરતી સંસ્થા તેની વહારે આવી અને પોલીસ કમિશનરનો સંપર્ક કરી મંજૂરી લેવામાં આવી હતી. પોલીસ કમિશનરે તેને મહિલા પોલીસ સ્ટેશનના ઇન્ચાર્જ બનાવ્યા, લોકોની સમસ્યા પણ સાંભળી, તેનું ઉષ્માભર્યું સ્વાગત પણ કરાયું અને પોલીસ ઓફિસર ચાર્જ સંભાળે ત્યારે રાખવામાં આવતા અનુશાસનને પણ ધ્યાને રખાયું.
રોચક VIDEO જોવા માટે TV9 Gujaratiના YOUTUBE પેજને SUBSCRIBE કરો
કિશોરીના અંતિમ શ્વાસ પહેલા તેનું સ્વપ્ન પૂર્ણ થતાં કિશોરીની આંખમાં ચમક અને ચહેરા પર સ્મિત જોવા મળી છે. એઇડ્સગ્રસ્ત બાળકોના મનોબળને મજબૂત કરવાનો આ કિસ્સો સમાજ માટે પ્રેરણારૂપ છે. સાથે જ પોલીસ વિભાગે કરેલો આ પ્રયોગ પણ સરાહનીય છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો