અચાનક Bloodની જરુર પડી જાય તો ગભરાશો નહીં, અહીં મળી જશે તમને તાત્કાલિક Blood ડોનર, જાણો કેવી રીતે
ઘણી વખત દર્દીને યોગ્ય સમયે લોહી ન મળવાને કારણે તે સારવાર મેળવી શકતો નથી. આવી પરિસ્થિતિઓનો સામનો કરવા માટે ઘણી સંસ્થાઓ ચલાવવામાં આવી રહી છે. જ્યાં તમને આવા લાખો રક્તદાતાઓ સરળતાથી મળી જશે અને દરેક બ્લડ ગ્રુપનું બ્લડ સરળતાથી આપવામાં આવે છે.
ઘણી વખત કોઈને લોહીની જરુર હોય અને ન મળી શકે તો તેમની સારવાર થઈ શકતી નથી અને જીવ પણ જઈ શકે છે. કોઈનો અકસ્માત થાય કે કોઈને તાત્કાલિક લોહીની જરુર પડે ત્યારે પરિવાર જનો બ્લડની શોધમાં દોડા-દોડ કરી મુકે છે તેમ છત્તા ઘણી વખત બ્લડ મળી શકતુ નથી.આ અંગે લોકો વોટ્સ એપથી મેસેજ કરીને કે કોલ કરીને તેમના સ્નેહીજનો માટે મદદ માંગતા હોય છે. આપણે પણ ક્યારેક વોટ્સઅપના કોઈ ગ્રુપમાં આવા મેસેજ જોયા છે કે વ્યક્તિને લોહીની જરુર છે તમારું આ બ્લડ ગ્રુપ હોય તો કોલ કરી અમારી મદદ કરો.
આવા સંદેશાઓ વાંચ્યા પછી, તમે મદદ કરવા માંગો છો પરંતુ કેટલીકવાર આવી પરિસ્થિતિઓમાં તમે ઇચ્છો તો પણ મદદ કરી શકતા નથી. આવી સ્થિતિ કોઈપણ સમયે કોઈને પણ થઈ શકે છે અને ક્યારેક લોહી મળવું ખૂબ મુશ્કેલ બની જાય છે. ઘણી વખત તમે ઇચ્છો તો પણ મદદ માટે પરિવાર કે મિત્રો સુધી પહોંચી શકતા નથી. ત્યારે આ સમસ્યાનો હલ હવે મળી ગયો છે અહીં તમે દૂર રહીને પણ તમારા પ્રિયજનોની મદદ કરી શકો છો.
આ રીતે તમે તાત્કાલિક બ્લડ ડોનર શોધી શકશો
ઘણી વખત, માર્ગ અકસ્માતમાં ઘાયલ વ્યક્તિની સર્જરી થતી હોય અથવા પ્રસૂતિ દરમિયાન ગર્ભવતી મહિલાનું બ્લડ પ્રેશર ઓછું હોય, તો ડૉક્ટર તેને તાત્કાલિક લોહીની વ્યવસ્થા કરવા કહે છે. દર્દીને યોગ્ય સમયે લોહી ન મળવાને કારણે તે સારવાર મેળવી શકતો નથી. આવી પરિસ્થિતિઓનો સામનો કરવા માટે ઘણી સંસ્થાઓ ચલાવવામાં આવી રહી છે. જ્યાં તમને આવા લાખો રક્તદાતાઓ સરળતાથી મળી જશે અને દરેક બ્લડ ગ્રુપનું બ્લડ સરળતાથી આપવામાં આવે છે. એવી જ એક સાઈટ છે friends2support.org . આ એક એવી સંસ્થા છે જ્યાં તમે સરળતાથી લોહી મેળવી શકો છો. તો ચાલો તમને આખી વાત જણાવીએ…
શું છે Friends2Support જાણો અહીં
Friends2Support.org એ વિશ્વનું સૌથી મોટું સ્વૈચ્છિક રક્તદાતાઓનું ઓનલાઈન પ્લેટફોર્મ છે અને એક બિન-લાભકારી સંસ્થા છે જે તેની વેબસાઈટ અને મોબાઈલ એપ્લીકેશન્સથી ઓનલાઈન રક્તદાતાઓનો સંપર્ક કરવાની ઍક્સેસ પ્રદાન કરે છે. Friends2Support (F2S) પાસે 4,00,000 થી વધુ લોકો સ્વેચ્છાએ રક્તદાતા તરીકે નોંધાયેલા છે.
કેવી રીતે કરે છે કામ જાણો અહીં
friends2support.org વેબસાઇટ પર જાઓ અને તમારું બ્લડ ગ્રુપ પસંદ કરો. આ પછી, તે શહેરમાં તે બ્લડ ગ્રુપના તમામ લોકો, એટલે કે તમામ રક્તદાતાઓ, તેમના નામ અને નંબર તમારી સ્ક્રીન પર દેખાશે. આની મદદથી તમે તેમને મદદ માટે બોલાવી શકો છો અને તમારા પ્રિયજનોની મદદ કરી શકો છો.