પેટ્રોલ અને ડીઝલ પર નહીં ખર્ચાય વધારે રૂપિયા, આ ટિપ્સ વધારશે કારની માઈલેજ
જો તમારી કાર સારી માઇલેજ આપે છે (Car Mileage Tips), તો કારમાં વધુ ઇંધણ ખર્ચવાની જરૂર નથી. બસ આ ટીપ્સ અનુસરો, ખર્ચા બચી જશે.
પેટ્રોલ અને ડીઝલના ભાવ સામાન્ય માણસના ખિસ્સા પર ઊંડી અસર કરે છે. પરંતુ કેટલાક લોકો માટે કાર જરૂરિયાત બની ગઈ છે. આવી સ્થિતિમાં, ઘણીવાર એવું જોવા મળે છે કે શરૂઆતમાં દરેક વાહન ખૂબ સારી માઇલેજ આપે છે. જો તમારી કાર સારી માઇલેજ આપે છે, તો કારમાં વધુ ઇંધણ ખર્ચવાની જરૂર રહેશે નહીં. અમે તમને અહીં એવી જ કેટલીક ટિપ્સ જણાવી રહ્યા છીએ. જેના દ્વારા તમે તમારી કારની માઈલેજ વધારી શકો છો અને તેને પહેલા કરતા વધુ સારી બનાવી શકો છો.
સમય સમય પર કારની સર્વિસ કરાવો
ઘણીવાર એવું જોવા મળે છે કે લોકો કાર ખરીદે છે પરંતુ લાંબા સમય સુધી તેની સર્વિસ નથી કરાવતા. આ સ્થિતિમાં કારની માઈલેજ ઓછી થઈ જાય છે. સમય સમય પર તમારી કારની સર્વિસ કરાવો અથવા નિયમિત કારની તપાસ કરાવો અથવા તેની કાળજી લો. જો તમે આવું ન કરો તો તમારી કારમાં સમસ્યાઓ વધી શકે છે. જ્યારે પણ તમે ડેશબોર્ડ પર તમારી ચેક એન્જીન લાઇટ જુઓ, શક્ય તેટલી વહેલી તકે તેને તપાસો. આ સૌથી સહેલો રસ્તો છે, જેના દ્વારા તમે વાહનના એન્જિનનું એર ફિલ્ટર, ઓઈલ ફિલ્ટર સરળતાથી બદલી શકો છો.
ટાયરનું હવાનું દબાણ જાળવી રાખવું
જો તમારી કારની નિયમિત સર્વિસ કરવામાં આવતી નથી અથવા તમારી કાર ગંદા ફિલ્ટર અને ખરાબ પાર્ટ્સ પર ચાલી રહી છે, તો તે જરૂરી કરતાં વધુ ઇંધણ ખર્ચવા લાગે છે. જ્યારે ટાયરમાં હવાનું દબાણ ઓછું હોય, ત્યારે એન્જિનને વધુ કામ કરવું પડે છે, આવી સ્થિતિમાં, તમારે શક્ય તેટલી વહેલી તકે તેની તપાસ કરાવી લેવી જોઈએ. એર ફિલ્ટર, ઓઇલ ફિલ્ટર અને વિવિધ લુબ્રિકન્ટને બદલવું એ ખાતરી કરવાની ઝડપી રીત છે કે કાર યોગ્ય માત્રામાં ઇંધણનો વપરાશ કરી રહી છે.
કારના વ્હીલ્સ તપાસો
રોડ પર ખાડા અને સ્પીડ બ્રેકર છે. તેથી જો કાર રસ્તા પર એક તરફ વળતી હોય અથવા સ્ટીયરિંગ મુશ્કેલ બની રહી હોય, તો તે ફક્ત તમારા ટાયરને જ નહીં પરંતુ ઝડપથી બળતણનો ઉપયોગ કરશે. એટલા માટે સમયાંતરે વ્હીલ્સ તપાસતા રહો અને જો જરૂર હોય તો તેને ઠીક કરો અથવા બદલો.
ટ્રાફિકમાં કારનું એન્જિન બંધ કરો
રસ્તા પર વાહન ચલાવતી વખતે, જો ભારે ટ્રાફિક હોય, ભીડ હોય અથવા તમારે ટ્રાફિક સિગ્નલ પર લાંબા સમય સુધી રોકાવું પડે, તો તમારે તમારી કારનું એન્જિન બંધ કરી દેવું જોઈએ, આનાથી કારના ઇંધણનો વપરાશ ઓછો થાય છે.
ક્રુઝ કંન્ટ્રોલ ફિચરનો ઉપયોગ કરો
તમે હાઇવે પર અથવા લાંબી મુસાફરી પર ડ્રાઇવિંગ કરો છો, ત્યારે હંમેશા ક્રુઝ કંટ્રોલ ફીચરનો ઉપયોગ કરવાનો પ્રયાસ કરો. પરંતુ ધ્યાનમાં રાખો કે તમે જે રસ્તા પર કાર ચલાવી રહ્યા છો તે રસ્તા પર તમે તેનો ઉપયોગ કરી શકો છો કે નહીં, તે ધ્યાનમાં રાખો. આ ફીચરનો ઉપયોગ કરવાથી કારની માઈલેજ પણ ઘણી વધી જાય છે.