ઘરે બેઠા રેશનકાર્ડ માટે આ રીતે કરો ઓનલાઈન અરજી, આ છે સૌથી સરળ પ્રક્રિયા

રેશનકાર્ડ એક એવો ઉપયોગી દસ્તાવેજ છે. જેના દ્વારા દરેક જરૂરિયાતમંદ સરકારી યોજનાઓનો લાભ મેળવી શકે છે. સરકાર જરૂરિયાતમંદો માટે નવી નવી યોજનાઓ લાવે છે. આ તમામ યોજનાઓનો લાભ ત્યારે જ મળી શકે છે, જ્યારે તમારી પાસે રેશન કાર્ડ હોય. ત્યારે જે લોકોનું રેશનકાર્ડ હજી સુધી નથી બન્યું અને જરૂરિયાતમંદ છે. તેઓ પોતાના માટે રેશનકાર્ડ માટે અરજી કરી શકે છે. આ માટે તમારે ક્યાંય જવાની જરૂર નહીં પડે. આ માટે તમે ઘરે બેઠા ઓનલાઈન અરજી કરી શકો છો.

રેશનકાર્ડ માટેની ઓનલાઈન પ્રક્રિયા

• જો તમે રેશન કાર્ડ માટે ઓનલાઈન અરજી કરવા માંગો છો, તો તમારે જે રાજ્યમાં રહો છો તેના સરકારી પોર્ટલ પર જવું પડશે.
• આ (https://www.digitalgujarat.gov.in/frmMain1.aspx) પોર્ટલ પર તમને રેશન કાર્ડ બનાવવાનો વિકલ્પ મળશે.
• જેમાં તમારું નામ, સરનામું જેવી મહત્વપૂર્ણ માહિતી ભરો.
• તમારા બધા દસ્તાવેજો અપલોડ કરો. જેમકે આધાર કાર્ડ, મતદાર આઈડી, વીજ બિલ અથવા પાણીનું બિલ
• તમારી અરજી ફી ચૂકવો. દરેક રાજ્યમાં ફી અલગ અલગ હોય છે
• ત્યાર બાદ બધી ભરેલી માહિતી ધ્યાનથી વાંચો અને સબમિટ વિકલ્પ પર ક્લિક કરો
• તમારી અરજી સબમિટ કર્યા પછી, તમારી પાત્રતાની સમીક્ષા કરવામાં આવશે.
• જો તમે પાત્ર છો, તમારું રેશનકાર્ડ થોડા દિવસોમાં આવી જશે.

રેશન કાર્ડ બનાવવા માટે આ દસ્તાવેજો જરૂરી છે

રેશકાર્ડ ઓનલાઈન બનાવવા માટે તમારા એડ્રેસ પ્રૂફ માટે આધાર કાર્ડ/મતદાર આઈડી કાર્ડ, વીજળી બિલ અથવા યુટિલિટી બિલનો ઉપયોગ કરી શકો છો. આ સિવાય તમારી પાસે આવકનું પ્રમાણપત્ર હોવું જરૂરી છે. આ દસ્તાવેજ જરૂરી છે જેથી જેની જરૂર હોય તેમને જ તેનો લાભ મળી શકે.

આ પણ વાંચો તમને ફોન કે લેપટોપ પર Google Ads વારંવાર કરે છે પરેશાન? આ સરળ રીતે હંમેશા માટે કરી દો બંધ