T-20: દિલ્હી કેપીટલ્સ સામે હૈદરાબાદે 2 વિકેટ ગુમાવીને 219 રનનો દમદાર સ્કોર કર્યો, સહા અને વોર્નરના ઝડપી અર્ધશતક
ટી-20 લીગની 13 મી સિઝનની 47 મી મેચ દિલ્હી કેપિટલ્સ અને સનરાઇઝર્સ હૈદરાબાદ સામે રમાઇ રહી છે. દિલ્હીની ટીમે ટોસ જીતીને પ્રથમ બોલીંગ કરવાનો નિર્ણય કર્યો હતો. જોકે હૈદરાબાદે શરુઆત થી જ સારી રમત રમવાની શરુઆત ટોસ હારીને શરુ કરી હતી. બંને ઓપનરોએ ક્રિઝ પર જ જામી પડ્યા હતા. બંને ઓપનરોએ ઝડપી અર્ધ શતક સાથે […]
ટી-20 લીગની 13 મી સિઝનની 47 મી મેચ દિલ્હી કેપિટલ્સ અને સનરાઇઝર્સ હૈદરાબાદ સામે રમાઇ રહી છે. દિલ્હીની ટીમે ટોસ જીતીને પ્રથમ બોલીંગ કરવાનો નિર્ણય કર્યો હતો. જોકે હૈદરાબાદે શરુઆત થી જ સારી રમત રમવાની શરુઆત ટોસ હારીને શરુ કરી હતી. બંને ઓપનરોએ ક્રિઝ પર જ જામી પડ્યા હતા. બંને ઓપનરોએ ઝડપી અર્ધ શતક સાથે ઇનીંગને મજબુતી પુરી પાડી હતી. ટીમ હૈદરાબાદે 20 ઓવરની રમતના અંતે બે વિકેટ ગુમાવીને 219 રન કર્યા હતા.
હૈદરાબાદની બેટીંગ.
ટોસ હારીને હૈદરાબાદની ટીમ બેટીંગ કરવા માટે મેદાનમાં ઉતરી હતી. ટીમે શરુઆત થી જ બેટીંગમાં જમાવટ કરતી રમત દાખવી હતી. બંને બેટ્સમેનોએ જબર દસ્ત રમત દાખવી હતી. રિધ્ધીમાન સહા અને કેપ્ટન ડેવિડ વોર્નર બંનેએ ટીમની રમતની શરુઆત કરી હતી. બંને એ શાનદાર રીતે રમીને 107 ભાગીદારી રન કર્યા હતા. બંને ઓપનરોએ પ્રથમ બોલ થી જ આક્રમમક રુખ અપનાવ્યો હતો, બંનેએ અર્ધ શતક લગાવ્યા હતા. ટીમે પ્રથમ વિકેટ વોર્નરની ગુમાવી હતી, તે 34 બોલમાં 66 રન ફટકારીને આઉટ થયો હતો. બીજી વિકેટ સહાના રુપમાં ગુમાવી હતી, તેણે 45 બોલમાં 87 રન કર્યા હતા. આમ પ્રથમ વિકેટ 107 રનના સ્કોર પર અને બીજી વિકેટ 170 રનના સ્કોર પર હૈદરાબાદે ગુમાવી હતી. બાદમાં 31 બોલમાં 44 રન કરીને મનિશ પાંડે અને 11 રન કરીનેકેન વિલિયમસન બંને નોટ આઉટ રહ્યા હતા.
દિલ્હી કેપીટલ્સની બોલીંગ.
એનરીચ નોર્તઝે અને આર અશ્વિને એક એક વિકેટ ઝડપી હતી. બંને એ જોકે રન પણ પ્રમાણમાં વધુ લુટાવ્યા હતા. ત્રણ ઓવરમાં અશ્વિને 35 રન અને એનરીચે ચાર ઓવરમાં 37 રન ગુમાવ્યા હતા. કાગીસો રબાડા એ પણ આજે 13.50 ની ઇકોનોમી સાથે રન ગુમાવ્યા હતા. આમ દિલ્હીના બોલરોએ આજે રન લુટાવ્યા હતા પરંતુ વિકેટ માટે તરસવાનો દીવસ હતો.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો