Ukraine Crisis: US-UKએ યુક્રેનમાં શસ્ત્રો મોકલ્યા, તણાવ વધતાં રશિયાએ શરૂ કરી લશ્કરી કવાયત
Russia-Ukraine Tensions: યુક્રેનમાં વધતાં તણાવ વચ્ચે રશિયન રાષ્ટ્રપતિ વ્લાદિમીર પુતિને રશિયન સૈન્ય કવાયતને યોગ્ય ઠેરવી છે
રશિયા(Russia), જેણે યુક્રેન (Ukraine) સરહદ પર હજારો સૈનિકો તૈનાત કર્યા છે, તેણે શીત યુદ્ધ પછી તેની અને પશ્ચિમી શક્તિઓ વચ્ચેના સૌથી ગંભીર સુરક્ષા સંકટ વચ્ચે યુએસ અને તેના સાથી દેશોને આગામી પગલાં અંગે મૂંઝવણમાં મૂક્યા છે. યુક્રેન પર હુમલાની આશંકા વચ્ચે, રશિયાએ આ ક્ષેત્રમાં વધુ રશિયન સૈન્ય કવાયતની(Russian Military Drills) જાહેરાત કરીને પોતાનું વલણ કડક કર્યું છે. આનાથી યુદ્ધનું જોખમ વધી ગયું. તેણે કેરેબિયનમાં સૈન્ય તૈનાત કરવાના પગલાંને પણ નકારી કાઢ્યું છે અને પ્રમુખ વ્લાદિમીર પુતિને પશ્ચિમી સત્તાઓના વિરોધી દેશો સાથે સંપર્ક કરવાનો શરૂ કર્યો છે.
યુક્રેનમાં લશ્કરી દબાણ શીત યુદ્ધના(Cold War) અંત પછી નાટોના દાયકાઓ-લાંબા વિસ્તરણને રોકવાનો પ્રયાસ હોય તેવું દર્શાવી આવે છે. યુએસ સાથેની વાતચીત દરમિયાન, રશિયાએ કાનૂની બાંયધરી માંગી હતી કે નાટો યુક્રેન અથવા સોવિયત સંઘનો ભાગ હોય તેવા અન્ય કોઈ દેશને જોડશે નહીં અને ત્યાં શસ્ત્રો તૈનાત કરશે નહીં. તે એવું પણ ઇચ્છે છે કે નાટો મધ્ય અને પૂર્વ યુરોપના દેશોમાંથી તેની સેના પાછી ખેંચે જે 1990 ના દાયકામાં તેની સાથે જોડાયા હતા. પુતિને યુક્રેન અને અન્ય દેશોમાં નાટોના શસ્ત્રોની જમાવટને રશિયા માટે “એલાર્મ બેલ” ગણાવી હતી અને ચેતવણી આપી હતી કે જો રશિયાની માંગણીઓ સંતોષવામાં નહીં આવે તો તેઓ અનિશ્ચિત “લશ્કરી-તકનીકી પગલાં” નો આદેશ આપશે.
વધતા તણાવ વચ્ચે, યુક્રેનને મદદ કરવા માટે અમેરિકા દ્વારા મોકલવામાં આવેલી પ્રથમ સૈન્ય સહાય ક્યીવ(Kyiv) પહોંચી ગઈ છે. $200 મિલિયનના સુરક્ષા સહાય પેકેજના પ્રથમ તબક્કામાં યુક્રેનના ફ્રન્ટલાઈન ડિફેન્ડર્સ માટે દારૂગોળો સહાયમાં શામેલ છે. આ કન્સાઈનમેન્ટ યુક્રેનને મદદ માટે અમેરિકાની પ્રતિબદ્ધતા દર્શાવે છે. સાથે જ બ્રિટને પણ યુક્રેનને સૈન્ય સહાય મોકલવાનું શરૂ કરી દીધું છે. બ્રિટનના 30 શ્રેષ્ઠ સૈનિકો યુક્રેન પહોંચી ગયા છે, જેઓ યુક્રેનિયન સૈનિકોને તાલીમ આપશે. આ સિવાય યુક્રેનને 2000 એન્ટી ટેન્ક મિસાઈલ લોન્ચર પણ આપવામાં આવ્યા છે.
બીજી તરફ સૈન્ય કવાયતને યોગ્ય ઠેરવતા રશિયાના રાષ્ટ્રપતિ વ્લાદિમીર પુતિને કહ્યું કે, યુક્રેનની સેના સાથે નાટોની સૈન્ય કવાયત, બ્લેક શી માં દુશ્મનના યુદ્ધ જહાજો અને ક્રિમીઆ નજીક ઉડતા અમેરિકન બોમ્બરોને જોઈને રશિયાને તેની સુરક્ષા વધારવી પડશે. તેમણે કહ્યું કે ભલે યુક્રેન નાટોમાં સામેલ ન થાય, પરંતુ પશ્ચિમી દેશોની સેના અહીં પોતાનો અડ્ડો બનાવી શકે છે. પુતિને કહ્યું કે અમારી પાસે પીછેહઠ કરવાનો કોઈ રસ્તો નથી. પશ્ચિમી દેશોએ અમને એવા મુકામ સુધી પહોંચાડ્યા છે જ્યાં અમારે પાસે આ પગલાં સિવાય બીજો કોઈ રસ્તા નથી.
આ પણ વાંચો:
અમેરિકામાં 5G આવ્યા બાદ ફ્લાઇટ્સ કેમ થઇ રહી છે રદ, શું છે કારણ ?
આ પણ વાંચો: