અમેરિકાના વિદેશમંત્રી બ્લિંકનને કોરોના, રાષ્ટ્રપતિ બાઈડન સાથે વ્હાઈટ હાઉસના કાર્યક્રમમાં રહ્યા હતા હાજર
યુએસ સ્ટેટ ડિપાર્ટમેન્ટના પ્રવક્તા નેડ પ્રાઈસે જણાવ્યું કે, બુધવારે બપોરે કરવામાં આવેલા ઓપીસીઆર ટેસ્ટમાં સેક્રેટરી ઓફ સ્ટેટ એન્ટોની બ્લિંકન (Antony Blinken) પોઝિટિવ મળી આવ્યા છે.
અમેરિકાના વિદેશ મંત્રી એન્ટની બ્લિંકન (Antony Blinken) કોરોના વાયરસથી સંક્રમિત થયા છે. અમેરિકી વિદેશ મંત્રાલયે આ માહિતી આપી છે. સ્ટેટ ડિપાર્ટમેન્ટે જણાવ્યું હતું કે, એન્ટની બ્લિંકન સપ્તાહના અંતે વ્હાઇટ હાઉસ કોરસપોન્ડન્ટ ડિનર અને અન્ય કાર્યક્રમોમાં હાજરી આપ્યા બાદ કોવિડ પોઝિટિવ બન્યા છે. આ કાર્યક્રમમાં અમેરિકાના રાષ્ટ્રપતિ જો બાઈડન (Joe Biden) પણ હાજર રહ્યા હતા. યુએસ સ્ટેટ ડિપાર્ટમેન્ટના પ્રવક્તા નેડ પ્રાઈસે જણાવ્યું હતું કે બુધવારે બપોરે કરવામાં આવેલા ઓપીસીઆર (OPCR ) ટેસ્ટમાં બ્લિંકન પોઝિટિવ (Antony Blinken Covid Positive) જોવા મળ્યો છે. પ્રાઈસે કહ્યું કે વિદેશ મંત્રીને સંપૂર્ણ રસી આપવામાં આવી છે અને કોવિડના હળવા લક્ષણો જોવા મળ્યા છે.
એન્ટની બ્લિંકન મંગળવારે કોરોના ટેસ્ટમાં નેગેટિવ આવ્યા હતા અને બુધવારે સવારે થયેલા ટેસ્ટમાં તેમનો રિપોર્ટ પણ નેગેટિવ આવ્યો હતો. જોકે, બ્લિંકન છેલ્લા કેટલાક દિવસોથી રાષ્ટ્રપતિ બાઈડન સાથે મળ્યા ન હતા. આ જ કારણ છે કે તેને બાઈડનના નજીકના સંપર્ક તરીકે જોવામાં નથી આવી રહ્યા. બ્લિંકને બુધવારે સ્ટેટ ડિપાર્ટમેન્ટમાં સ્વીડનના વિદેશ મંત્રી સાથે મુલાકાત કરી હતી. અમેરિકાના વિદેશ મંત્રી ગુરુવારે બાઈડન વહીવટીતંત્રની ચીન નીતિ પર ભાષણ આપવાના હતા. પરંતુ હવે પ્રાઇસે કહ્યું કે ભાષણ હવે પછીથી આપવામાં આવશે. પ્રાઈસે જણાવ્યું હતું કે બ્લિંકન પોતાને ઘરે અલગથી રાખશે અને ક્વોરોન્ટાઈનનો સમયગાળો પૂરો ના થાય ત્યાં સુધી ઘરેથી જ કામ કરશે.
કમલા હેરિસને પણ કોવિડ થયો હતો
યુએસ સરકારના અગ્રણી નેતાઓમાં, બ્લિંકન કોવિડ પોઝિટિવ નેતા છે. થોડા દિવસો પહેલા અમેરિકાના ઉપરાષ્ટ્રપતિ કમલા હેરિસ પણ કોવિડથી સંક્રમિત થયા હતા. વ્હાઇટ હાઉસે જણાવ્યું હતું કે રેપીડ અને પીસીઆર બંને ટેસ્ટમાં હેરિસને ચેપ લાગ્યો હોવાની પુષ્ટિ થઈ છે. જો કે, તેઓમાં કોરોના રોગના કોઈ લક્ષણો જોવા મળ્યા ન હતા. એવું કહેવામાં આવ્યું હતું કે હેરિસ તેમના નિવાસસ્થાને એકલા રહેશે અને કામ કરવાનું ચાલુ રાખશે. કોરોના સંક્રમણથી મુક્ત થયા પછી જ વ્હાઇટ હાઉસ પરત ફરશે. હેરિસને પણ કોરોના વિરોધી સંપૂર્ણ રસી આપવામાં આવી હતી અને તેમણે બૂસ્ટર ડોઝ પણ લીધો હતો. કોવિડમાંથી સાજા થયા બાદ તેઓ મંગળવારે વ્હાઇટ હાઉસ પરત આવ્યા હતા.
અમેરિકામાં કોરોના બાળકોનો શિકાર બની રહ્યો છે
અમેરિકામાં બાળકો પણ કોરોનાનો શિકાર બન્યા છે. અમેરિકન એકેડેમી ઓફ પેડિયાટ્રિક્સ (AAP) અને ચિલ્ડ્રન્સ હોસ્પિટલ એસોસિએશનના તાજેતરના અહેવાલ મુજબ, યુ.એસ.એ.માં લગભગ 13 મિલિયન બાળકોએ રોગચાળાની શરૂઆતથી COVID-19 માટે સકારાત્મક પરીક્ષણ કર્યું છે. તેમાંથી, છેલ્લા ચાર અઠવાડિયામાં લગભગ 1.5 લાખ કેસ નોંધાયા છે. માત્ર 2022માં જ 50 લાખ કેસ નોંધાયા છે. રિપોર્ટમાં કહેવામાં આવ્યું છે કે અમેરિકામાં નોંધાયેલા કુલ કેસોમાં બાળકોનો હિસ્સો 19 ટકા છે.
Latest News Updates
