તાજેતરનાંજ એક અભ્યાસનો હવાલો આપતા રીડે કહ્યું કે પાકિસ્તાનમાં તાલિબાનને સુરક્ષિત જગ્યા મળી રહેવી અને ISI- ઈન્ટર સર્વિસિઝ ઈન્ટેલિજન્સ જેવા સંગઠનોનાં માધ્યમથી ત્યાંની સરકારમાં સમર્થન મળવું તાલિબાનનાં યુદ્ધને યથાવત રાખવા જરૂરી છે અને તેના સુરક્ષિત આ ઠેકાણાને નષ્ટ નહી કરી શકવાની નિષ્ફળતા વોશીંગ્ટનની સૌથી મોટી ભૂલ છે.
તેમણે એમ પણ જણાવ્યું કે જેવું અફઘાન સ્ટડીએ જણાવ્યું કે આતંકવાદ માટે આશ્રયસ્થાન જરૂરી છે. એ સિવાય પાકિસ્તાનની ISI એ મોકાનો લાભ ઉઠાવવા માટે અમેરિકા સાથે સહયોગ કરીને તાલિબાનોની મદદ કરી હતી.
રીડે કહ્યું કે 2018નાં આંકલન પ્રમાણે પાકિસ્તાને પ્રત્યક્ષ સેના અને ખાનગી સહયોગ પ્રદાન કર્યા કે જેના નતીજા સ્વરૂપે અમેરિકાનાં સૈનિકો, અફઘાન સુરક્ષા બળનાં જવાનો અને નાગરિકો માર્યા ગયા અને અફઘાનિસ્તાનમાં ઘણી મોટી ખુંવારી પણ થઈ. તેમણે એમ પણ કહ્યું કે તાલિબાનોને આ સમર્થન પાકિસ્તાન દ્વારા અમેરિકાને સહયોગથી વિરોધાભાસી છે. તેમણે પોતાના હવાઈ માર્ગ અને અન્ય સામગ્રીને વાપરવાની પરવાનગી આપી જેના માટે અમેરિકાએ મોટી આર્થિક મદદ કરી હતી.
રીડે જણાવ્યું કે અફઘાન સ્ટડી સેન્ટર પ્રમાણે પાકિસ્તાને બંને તરફ લાભ લેવાની કોશિશ કરી છે. પાકિસ્તાન હાલમાં પોતે કમજોર બની રહ્યું છે અને પરમાણું હથિયાર હોવાને લઈ તે ખતરનાક પણ સાબિત થઈ શકે છે. રીડનાં જણાવ્યા પ્રમાણે આ બધા વચ્ચે પાકિસ્તાનનું પોતાના પડોશી દેશ ભારત સાથે લાંબા સમયથી સંઘર્ષ પણ ચાલી રહ્યો છે. ભારત પોતે પણ પરમાણું સંપન્ન દેશ છે.
જણાવવું રહ્યું કે જો બાઈડેને દેશને નામ આપેલા ટેલીવિઝન સંદેશમાં જોહેરાત કરી હતી કે સંઘર્ષ પ્રભાવિત અફઘાનિસ્તાનમાંથી 11 સપ્ટેમ્બર સુધીમાં અમેરિકન સેનાને પાછી બોલાવી લેવામાં આવશે અને અમેરિકાનાં સૌથી લાંબા સંઘર્ષનો અંત લાવવામાં આવશે.