Ukraine Breaking News: બાળકોની શાળા પાસે હેલિકોપ્ટર ક્રેશ, ગૃહમંત્રી સહિત 18નાં મોતથી શોકનું મોજુ
યુક્રેનની સુરક્ષા વિશેષજ્ઞ મારિયા એવડિવાએ ટ્વીટ કર્યું હતું કે, હેલિકોપ્ટર દુર્ઘટનામાં યુક્રેનના આંતરિક બાબતોના મંત્રી અને નાયબ મંત્રીનું મૃત્યુ થયું છે. આ અકસ્માત ત્યારે થયો જ્યારે ઈમરજન્સી સર્વિસ હેલિકોપ્ટર બાળકોની શાળા (સ્થાનિક કિન્ડરગાર્ડન) પાસે પડ્યું. જેમાં 2 બાળકો સહિત 16ના મોત થયા છે.
યુક્રેન પર રશિયન લશ્કરી હુમલાઓ વચ્ચે રાજધાની કિવ નજીકના બ્રોવરી શહેરમાં બુધવારે એક મોટી હેલિકોપ્ટર દુર્ઘટનામાં સ્થાનિક ગૃહ પ્રધાન સહિત ઓછામાં ઓછા 18 લોકો માર્યા ગયા હોવાના અહેવાલ છે. મૃતકોમાં ઘણા બાળકો પણ સામેલ છે. યુક્રેનના ગૃહ મંત્રાલય દ્વારા કહેવામાં આવ્યું છે કે આ દુર્ઘટનામાં ષડયંત્રની શક્યતાને નકારી શકાય નહીં. રહેણાંક વિસ્તારમાં થયેલા અકસ્માતમાં 10 બાળકો સહિત બે ડઝનથી વધુ લોકો ઘાયલ થયા છે, જેમને હોસ્પિટલમાં દાખલ કરવામાં આવ્યા છે.
યુક્રેનની સુરક્ષા વિશેષજ્ઞ મારિયા એવડિવાએ ટ્વીટ કર્યું હતું કે, હેલિકોપ્ટર દુર્ઘટનામાં યુક્રેનના આંતરિક બાબતોના મંત્રી અને નાયબ મંત્રીનું મૃત્યુ થયું છે. આ અકસ્માત ત્યારે થયો જ્યારે ઈમરજન્સી સર્વિસ હેલિકોપ્ટર બાળકોની શાળા (સ્થાનિક કિન્ડરગાર્ડન) પાસે પડ્યું. જેમાં 2 બાળકો સહિત 16ના મોત થયા છે.
As a result of a helicopter crash in Brovary Minister and Deputy Minister of Internal Affairs of Ukraine died. Emergency Service helicopter crashed at local kindergarten. 16 dead, two of them children. Terrible tragedy. pic.twitter.com/KiKR5ItDoI
— Maria Avdeeva (@maria_avdv) January 18, 2023
અકસ્માત બાદ ભીષણ આગ
હેલિકોપ્ટર બ્રોવરી શહેરમાં રહેણાંક મકાન નજીક ક્રેશ થયું હતું. અકસ્માત બાદ બિલ્ડિંગ પાસે ભીષણ આગ ફાટી નીકળી હતી. કહેવામાં આવી રહ્યું છે કે આ ઈમારતમાં બાળકો સહિત ઘણા લોકો ફસાયેલા છે. આ દુર્ઘટનામાં બે લોકોના મોતની પુષ્ટિ કરવામાં આવી છે. હાલ ફાયર બ્રિગેડની ટીમ ઘટનાસ્થળે બચાવ કામગીરીમાં લાગેલી છે.
રાષ્ટ્રપતિના એક સહાયકે કહ્યું કે મૃતકોની સંખ્યા નક્કી કરવામાં આવી રહી છે. સળગતી ઇમારતની અંદર હજુ પણ બાળકો હાજર છે. અમે સંજોગો વિશે માહિતી મેળવી રહ્યા છીએ. આ ઘટના બાદ સોશિયલ મીડિયા પર એક વીડિયો ઝડપથી વાયરલ થઈ રહ્યો છે. આ વીડિયોમાં એક સળગતી ઈમારત દેખાઈ રહી છે. અકસ્માત કેવી રીતે થયો, તેની માહિતી હાલમાં મળી નથી. વિડિયોમાં એક રમતનું મેદાન જ્વાળાઓમાં લપેટાયેલું અને હેલિકોપ્ટરના કાટમાળમાં ઢંકાયેલું જોવા મળે છે.
Footage of the consequences of a helicopter crash in the Kiev region appeared.#ukrainewar #kyiv #kiev #ukraine pic.twitter.com/wdY1pAYexV
— hem_day (@hem_day) January 18, 2023
રશિયન હુમલામાં પાંચ બાળકો સહિત 44 લોકો માર્યા ગયા હતા
દક્ષિણ-પૂર્વ યુક્રેનમાં એક રહેણાંક મકાન પર રશિયા દ્વારા કરવામાં આવેલા મિસાઈલ હુમલામાં પાંચ બાળકો સહિત કુલ 44 લોકો માર્યા ગયા હતા. અધિકારીઓએ મંગળવારે જણાવ્યું હતું કે આજે કાટમાળમાંથી એક બાળકનો મૃતદેહ મળી આવ્યો હતો.એક જગ્યાએ એકઠા થયેલા નાગરિકોની સંખ્યાના હિસાબે નીપ્રો શહેરમાં થયેલો હુમલો સૌથી ઘાતક હતો.
યુક્રેનના રાષ્ટ્રપતિ કાર્યાલયના ડેપ્યુટી હેડ કિરિલો ટિમોશેન્કોએ જણાવ્યું હતું કે શનિવારના હુમલામાં પાંચ બાળકો સહિત 44 લોકો માર્યા ગયા હતા, જ્યારે 79 ઘાયલ થયા હતા. બહુમાળી ઇમારતમાં લગભગ 1,700 લોકો રહેતા હતા અને અંતિમ મૃત્યુઆંકમાં હુમલા પછી ગુમ થયેલા બે ડઝન લોકોનો સમાવેશ થાય છે, એમ તેમણે જણાવ્યું હતું.
Latest News Updates
