UK Train Collision: બ્રિટનમાં ટ્રેન અકસ્માત, પહેલા ટ્રેન પાટા પરથી ઉતરી, પછી બીજી ટ્રેન સાથે ટકરાઈ, અનેક લોકો ઘાયલ
UK Train Collision:ઈંગ્લેન્ડના સેલિસ્બરી શહેરમાં ટ્રેન અકસ્માત થયો છે. અહીં એક ટ્રેન પાટા પરથી ઉતરી ગઈ હતી. જે પછી તે બીજી ટ્રેન સાથે અથડાઈ હતી. આ ઘટનામાં કેટલાય લોકો ઘાયલ થયા હોવાના અહેવાલ છે.
UK Train Crash: બ્રિટનમાં એક મોટી ટ્રેન દુર્ઘટના બની છે. ઈંગ્લેન્ડના દક્ષિણી શહેર સેલિસ્બરીમાં એક ટ્રેન પાટા પરથી ઉતરી અને બીજી ટ્રેન સાથે અથડાઈ હતી. આ ઘટનામાં કેટલાય લોકો ઘાયલ થયા છે. અધિકારીઓએ રવિવારે આ જાણકારી આપી છે.
નેટવર્ક રેલે જણાવ્યું હતું કે, પેસેન્જર ટ્રેનનો પાછળનો ડબ્બો લંડનના દક્ષિણ-પશ્ચિમમાં લગભગ 70 માઇલ એટલે કે 113 કિમી દૂર સેલિસ્બરી સ્ટેશનની નજીક પહોંચતા કોઈ વસ્તુ ટકરાયા બાદ ટ્રેનનો પાછળનો ડબ્બો પાટા પરથી ઉતરી ગયો હતો. ટ્રેન પાટા પરથી ઉતરી જવાને કારણે આ વિસ્તારના તમામ સિગ્નલો ઠપ્પ થઈ ગયા હતા, જેના કારણે બીજી ટ્રેન અકસ્માતગ્રસ્ત ટ્રેન સાથે અથડાઈ હતી.
નેટવર્ક રેલે જણાવ્યું હતું કે, કેટલાક લોકો ઘાયલ થયાની ખબર છે અને ઈમરજન્સી સેવાઓ સ્થળ પર છે.” બ્રિટનની ટ્રાન્સપોર્ટ પોલીસે જણાવ્યું હતું કે અકસ્માતમાં કોઈનું મૃત્યુ થયું નથી. પોલીસે કહ્યું કે “ઘણા લોકો ઘાયલ થયા છે”, પરંતુ વિગતો આપી નથી. ડોર્સેટ અને વિલ્ટશાયર ફાયર એન્ડ રેસ્ક્યુ સર્વિસે જણાવ્યું હતું કે લગભગ 50 ફાયર ગાડીઓ ઘટનાસ્થળે છે. ટ્રાન્સપોર્ટ સેક્રેટરી ગ્રાન્ટ શૅપ્સે ટ્વીટ કર્યું કે આ ઘટનાની તપાસ કરવામાં આવશે.
17 લોકો ઘાયલ
મળતી માહિતી મુજબ, આ અકસ્માતમાં એક ટ્રેનનો ડ્રાઈવર અંદર ફસાઈ ગયો હતો, જેને બહાર કાઢીને સારવાર માટે હોસ્પિટલમાં મોકલવામાં આવ્યો હતો. આ અકસ્માતમાં 17 લોકો ઘાયલ થયા હોવાના અહેવાલ છે. ટ્રેનમાં પેસેન્જર એન્જેલા મેટિંગલી કહે છે, ‘તે સંપૂર્ણ અંધારું હતું અને ત્યાં લાલ ફ્લેશ લાઇટ હતી . અચાનક ત્યાં ઘણી બધી ધક્કા-મુક્કી થઇ હતી. સામાન અહીં-ત્યાં ફેંકાઈ રહ્યો હતો. થોડીક સેકન્ડો સુધી તો ખબર જ ન પડી કે શું થઈ રહ્યું છે.
લોકોને બહાર કાઢવામાં આવ્યા હતા અન્ય પેસેન્જર લ્યુસી ગ્રેગરીએ જણાવ્યું હતું કે, ‘અમને સેલિસબરી સ્ટેશન પર ઉતારવામાં આવી રહ્યા હતા. ગભરાટનો માહોલ હતો. હું હમણાં જ ઉભી થઇ મારો કોટ લીધોહતો. ફોન મારા ખિસ્સામાં મૂક્યો અને પછી દીવાલની બીજી બાજુ પડી ગઈ હતી. અમને ફરીથી બારીઓમાંથી બહાર કાઢવામાં આવ્યા હતા.’
51 વર્ષીય કેરિના એન્ડરસન પણ લંડનના વોટરલૂથી સેલિસબરી જતી ટ્રેનમાં હતી. તે કહે છે, ‘મને અચાનક આગળ ધકેલી દેવામાં આવી હતી.મને સૌ પહેલા તો ચિંતા થઇ રહી હતી કે કોઈને ઇજા તો નથી થઇ ને. મેં પ્રાથમિક સારવારની તાલીમ લીધી છે અને હું મદદ કરવા માંગુ છું.
આ પણ વાંચો : Gold Price Today : દિવાળી દરમ્યાન સસ્તું સોનું ખરીદવાની મળી રહી છે તક, જાણો આજના 1 તોલા સોનાના લેટેસ્ટ રેટ