H-1B વિઝા ફી વધારવાના ડોલાન્ડ ટ્રમ્પના નિર્ણયને અમેરિકાની કોર્ટમાં પડકાર્યો
ડોનાલ્ડ ટ્રમ્પ વહીવટીતંત્રે H-1B વિઝા ફીમાં નોંધપાત્ર વધારો કરીને આશરે રૂપિયા 88 લાખ (100,000 અમેરિકન ડોલર) કરી દીધી છે. ટ્રમ્પના આ નિર્ણયને અમેરિકા સ્થિત આરોગ્ય, શિક્ષણ અને ધાર્મિક સંગઠનો સહિત અનેક જૂથોએ યુએસ ફેડરલ કોર્ટમાં દાવો દાખલ કર્યો છે. તેમનો દલીલ છે કે ટ્રમ્પ સરકારના આવા નિર્ણયથી હજારો કર્મચારીઓ અને નોકરીદાતાઓ માટે મુશ્કેલીઓ ઊભી કરશે.
યુએસ પ્રમુખ ડોનાલ્ડ ટ્રમ્પે તાજેતરમાં H-1B વિઝામાં મોટા ફેરફારો કર્યા છે. ટ્રમ્પ વહીવટીતંત્રે H-1B વિઝા ફી વધારીને રૂપિયા 8.8 મિલિયન કરી છે. નવી H-1B વિઝા અરજીઓ પર ₹8.8 મિલિયન ફી લાદવાની યોજના સામે, શુક્રવારે યુએસમાં મોટી કાનૂની કાર્યવાહી કરવામાં આવી હતી. આરોગ્ય ક્ષેત્ર સાથે સંકળાયેલ સંસ્થાઓ, ધાર્મિક સંગઠનો, યુનિવર્સિટી પ્રોફેસરો અને અન્ય જૂથોના બનેલા ગઠબંધને H-1B વિઝા ફિ વધારવા અંગે ફેડરલ કોર્ટમાં દાવો દાખલ કર્યો હતો, જેમાં આરોપ લગાવવામાં આવ્યો હતો કે, ફી વધારવાની યોજનાએ નોકરીદાતાઓ, કર્મચારીઓ અને ફેડરલ એજન્સીઓ માટે અરાજકતા ઊભી કરી છે.
ટ્રમ્પે આ ફેરફારો કેમ કર્યા
રાષ્ટ્રપતિ ડોનાલ્ડ ટ્રમ્પે 19 સપ્ટેમ્બરના રોજ એક ઘોષણાપત્ર પર હસ્તાક્ષર કર્યા, જેમાં આ નવી ફી ફરજિયાત કરવામાં આવી. તેમણે દાવો કર્યો હતો કે H-1B વિઝા કાર્યક્રમનો ઇરાદાપૂર્વક દુરુપયોગ અમેરિકન કામદારોને સસ્તા, ઓછા કુશળ વિદેશી મજૂરો સાથે બદલવા માટે કરવામાં આવી રહ્યો છે. આ આદેશ 36 કલાકની અંદર અમલમાં આવવાનો હતો, જેના કારણે નોકરીદાતાઓમાં ગભરાટ ફેલાયો હતો.
કેસ દાખલ
સાન ફ્રાન્સિસ્કોની ફેડરલ કોર્ટમાં દાખલ કરાયેલા મુકદ્દમામાં જણાવાયું છે કે H-1B કાર્યક્રમ યુનાઇટેડ સ્ટેટ્સમાં આરોગ્યસંભાળ કાર્યકરો અને શિક્ષકોની ભરતી માટે એક મહત્વપૂર્ણ માર્ગ છે. તે યુનાઇટેડ સ્ટેટ્સમાં નવીનતા અને આર્થિક વિકાસને પ્રોત્સાહન આપે છે અને વિશિષ્ટ ક્ષેત્રોમાં કર્મચારીઓને નોકરી આપવામાં મદદ કરે છે.
ડેમોક્રેસી ફોરવર્ડ ફાઉન્ડેશન અને જસ્ટિસ એક્શન સેન્ટરે જણાવ્યું હતું કે જો વિઝા રાહત આપવામાં નહીં આવે, તો હોસ્પિટલો ડોકટરો ગુમાવશે, ચર્ચો તેમના પાદરીઓ ગુમાવશે, વર્ગખંડો તેમના શિક્ષકો-પ્રોફેસર ગુમાવશે અને દેશભરના ઉદ્યોગો મુખ્ય નવીનતાઓને ગુમાવવાનું જોખમ લેશે. તેમણે કોર્ટને તાત્કાલિક અસરથી ફી વધારવાના આદેશને રોકવા અને નોકરીદાતાઓ અને કર્મચારીઓ માટે સામાન્યતા પુનઃસ્થાપિત કરવા વિનંતી કરી. તેમણે આ નવી ફી ટ્રમ્પની નવીનતમ ઇમિગ્રેશન વિરોધી યુક્તિ ગણાવી.
દર વર્ષે 65,000 વિઝા ઈસ્યું કરવામાં આવે છે, જેમાં વધારાના 20,000 એડવાન્સ્ડ ડિગ્રી ધારકો માટે અનામત રાખવામાં આવે છે. આ સામાન્ય રીતે ત્રણથી છ વર્ષ માટે માન્ય હોય છે. સરકારી માહિતી અનુસાર, ભારત આ કાર્યક્રમમાં સૌથી આગળ છે, ગયા વર્ષે 71% મંજૂરીઓ મળી હતી, જ્યારે ચીનમાં આ સંખ્યા 11.7% હતી. નોકરીદાતાઓ પહેલાથી જ કંપનીના કદ અને અન્ય પરિબળોના આધારે $2,000 થી $5,000 સુધીની ફી ચૂકવે છે. ટ્રમ્પના આદેશથી દરેક નવા H-1B ભરતી માટે આ ખર્ચ $8.8 મિલિયન થશે
આ પણ વાંચોઃ દબાણ સામે પીએમ મોદી ક્યારેય નહીં ઝૂકે, ટ્રમ્પ ટેરિફ મુદ્દે મોદીના આકરા વલણના વખાણ કરતા પુતિન
