તળાવના પાણી પર તરતા ઘર, 4 હજાર લોકો રહે છે આ માનવસર્જિત ટાપુ પર, જાણો વિગત
દક્ષિણ આફ્રિકામાં આવેલા સૌથી મોટા તળાવ ટિટિકાકામાં (Titicaca) લોકો જાતે ટાપુ બનાવીને રહે છે. જી હા તરતા ઘર બનાવતા આ લોકોની વસ્તી અત્યારે 4000 થઇ ગઈ છે.
દક્ષિણ આફ્રિકામાં આવેલા સૌથી મોટા તળાવ ટિટિકાકા વિષે ભાગ્યે જ તમે સાંભળ્યું હશે. જી હા તમને ખબર નહીં હોય કે આ તળાવમાં તરતી વસાહતો બનાવવામાં આવી રહી છે. આ તળાવની સપાટી સમુદ્રતટથી 12,500 ફૂટ ઊંચાઈ પર છે. આ તળાવમાં 70 અઈલેન્ડ આવેલા છે. તેમજ આ ઘરોમાં લગભગ 4000 લોકો રહે છે. અહીંયા માનવ નિર્મિત નાના નાના દ્વીપ જોવા મળે છે. દ્વીપની આ ખાસિયતના કારણે અહિયાં આબાદી સતત વધી રહી છે.
પેરુ અને બોલિવિયાના લોકોએ તળાવમાં નાના ટાપુઓ બનાવવાનું શરૂ કર્યું છે. વર્લ્ડ લેન્ડફોરમના અહેવાલ મુજબ તળાવમાં આ વધી રહેલા રહેઠાણ આવનારા દિવસોમાં મુશ્કેલી ઉભી કરી શકે છે. કારણ કે વધતી વસ્તીને કારણે પ્રદૂષણ વધી રહ્યું છે. તેમજ તળાવને નુકસાન થઇ રહ્યું છે.
માનવસર્જિત ટાપુઓ
શેનાથી બનેલા છે આ ટાપુઓ આ ટાપુઓનો ટોટોરા રીડ્સની જાડી શીટ પર બનાવવામાં આવે છે. બાદમાં આ શીટ પર હલકા લાકડા અને ટોટોરા રીડથી ઘર બનાવવામાં આવે છે. જેને કારણે તેઓ પાણી પર તરી શકે છે. ટોટોરા રીડ્સ જળચર વિસ્તારોમાં જોવા મળતું લાકડું છે. આ લાકડાનો ઉપયોગ કરીને કેટલાક માછીમારો તેની બોટ પણ બનાવે છે.
Latest News Updates
