ગરીબ દેશમાં આપવામાં આવતા ડોઝ કરતા અમિર દેશમાં 6 ગણા વધારે આપવામાં આવે છે બુસ્ટર ડોઝ : WHO
WHO દ્વારા ઈ-મેલ દ્વારા આપવામાં આવેલી માહિતીમાં જણાવ્યું હતું કે, 92 દેશોએ બૂસ્ટર ડોઝની લગાડવાની પુષ્ટિ કરી છે અને તેમાંથી કોઈ પણ ઓછી આવક ધરાવતો દેશ નથી. એજન્સી અનુસાર, વિશ્વભરમાં દરરોજ કોરોના રસીના 2.85 કરોડ ડોઝ આપવામાં આવે છે.
વિશ્વભરમાં કોરોના રસીકરણ (Corona vaccination) પુરજોશમાં ચાલી રહ્યું છે. એકલા ભારતમાં જ 111 ડોઝ આપવામાં આવ્યા છે. તો અમુક દેશમાં બુસ્ટર ડોઝ પણ આપવામાં આવી રહ્યા છે. વર્લ્ડ હેલ્થ ઓર્ગેનાઈઝેશન (WHO ) ના મહાનિર્દેશક ડો. ટેડ્રોસ એડનોમ ઘેબ્રેયેસે (Tedros Adhnom Ghebresyus) અમીર દેશોમાં લગાવવામાં આવી રહેલા કોરોના બૂસ્ટર ડોઝ પર ચિંતા વ્યક્ત કરી છે.
તેમણે કહ્યું કે ગરીબ દેશોના લોકોને દરરોજ જેટલે ડોઝ આપવામાં આવી રહ્યા છે તેનાથી છ ગણા વધુ બૂસ્ટર ડોઝ દુનિયાભરમાં આપવામાં આવે છે. આ અસમાનતાને કૌભાંડ ગણાવતા તેમણે કહ્યું કે તે બંધ થવું જોઈએ.
ડો. ટેડ્રોસની સાથે સાથે, ડબ્લ્યુએચઓ અધિકારીઓએ સમૃદ્ધ દેશો દ્વારા એન્ટી-કોરોના રસીના સંગ્રહની ટીકા કરી છે. જેના કારણે ઓછી આવક ધરાવતા દેશોમાં વૃદ્ધો, આરોગ્ય સંભાળ કાર્યકરો, ફ્રન્ટલાઈન વર્કર્સ અને ગરીબ અને ઉચ્ચ જોખમ ધરાવતા જૂથો માટે કોઈ રસી નથી મળી શકતી. ઓગસ્ટમાં, ડબ્લ્યુએચઓ ડિરેક્ટર-જનરલએ બૂસ્ટર ડોઝ પર મોરેટોરિયમ માટે હાકલ કરી હતી જે બાદમાં તેમણે આ વર્ષના અંત સુધી લંબાવી હતી. જો કે, જર્મની, ઇઝરાયેલ, કેનેડા અને અમેરિકા જેવા દેશોએ બૂસ્ટર ડોઝ લાગુ કરવાનો કાર્યક્રમ ચાલુ રાખ્યો.
WHO એ ઈ-મેલ દ્વારા આપવામાં આવેલી માહિતીમાં કહ્યું છે કે 92 દેશોએ બૂસ્ટર ડોઝની રજૂઆતની પુષ્ટિ કરી છે અને તેમાંથી કોઈ પણ ઓછી આવક ધરાવતો દેશ નથી. એજન્સી અનુસાર, વિશ્વભરમાં દરરોજ -કોરોના રસીના 2.85 કરોડ ડોઝ આપવામાં આવે છે. આમાંથી લગભગ 69 લાખ બૂસ્ટર ડોઝ છે. જ્યારે ઓછી આવક ધરાવતા દેશો દરરોજ માત્ર 11 લાખ પ્રાથમિક ડોઝ મેળવે છે.
Every day, there are 6 times more boosters administered globally than primary #COVID19 vaccine doses in low-income countries. This is a scandal that must stop now. https://t.co/6in6FNlmBD #VaccinEquity pic.twitter.com/YDt8mVocZC
— Tedros Adhanom Ghebreyesus (@DrTedros) November 13, 2021
ઉલ્લેખનીય છે કે અમેરિકામાં 65 વર્ષથી વધુ ઉંમરના મોટાભાગના લોકોને કોરાના વેક્સીનનો બૂસ્ટર ડોઝ આપવામાં આવ્યો છે. ત્રણમાંથી એક અમેરિકન નિવૃત્ત સૈનિકોએ COVID-19 માટે બૂસ્ટર શૉટ લીધો છે. આ આંકડો શુક્રવારે યુએસ સેન્ટર ફોર ડિસીઝ કંટ્રોલ એન્ડ પ્રિવેન્શન દ્વારા જાહેર કરવામાં આવ્યો છે.
WHOએ મંજૂર કરેલી 8 કોરોના રસીમાં મોડર્ના, ફાઈઝર-બાયોએનટેક, જોન્સન એન્ડ જોન્સન, ઓક્સફોર્ડ એસ્ટ્રાજેનિકા, કોવિશિલ્ડ, સિનોફાર્મ, સિનોવાક અને કોવેક્સિનનો સમાવેશ થાય છે.
આ પણ વાંચો : Zika Virus in Kanpur: કાનપુરમાં ઝીકા વાયરસનો કહેર યથાવત, 15 નવા કેસ બાદ વહીવટીતંત્ર એલર્ટ પર
Latest News Updates
