ફ્રાન્સમાં ભયંકર તોફાન, ઘરોની છત ઉડી, વૃક્ષો પડી ગયા, જુઓ તબાહીના VIDEO
ઉત્તર ફ્રાન્સમાં (France) આ વાવાઝોડાને કારણે થયેલા નુકસાનનો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં તોફાનની તીવ્રતા દેખાઈ રહી છે. આખું આકાશ કાળા વાદળોથી ઘેરાયેલું જોવા મળે છે. તેમજ સમગ્ર વિસ્તારમાં માત્ર તૂટેલા મકાનોનો કાટમાળ જ દેખાય છે.
રવિવારે ઉત્તરી ફ્રાન્સમાં (France) ખૂબ જ જોરદાર વાવાઝોડું (Tornado) ત્રાટક્યું હતું. તે એટલું ઝડપી હતું કે ફ્રાન્સના કેલાઈસ નજીક સ્થિત બિહુકોર્ટ ગામમાં સર્વત્ર વિનાશના દ્રશ્યો જોવા મળી રહ્યા છે. ગામમાં મકાનોના છાપરા ઉડી ગયા છે. કેટલાક મકાનો સંપૂર્ણપણે ધરાશાયી થઈ ગયા છે. વીજ થાંભલા અને વૃક્ષો ધરાશાયી થયા છે. જેના કારણે લોકોને ભારે હાલાકીનો સામનો કરવો પડી રહ્યો છે. જો કે વાવાઝોડા પહેલા જ લોકોને બહાર કાઢવામાં આવ્યા હતા. નેધરલેન્ડ અને બેલ્જિયમમાં પણ ભારે તોફાની પવનો ફૂંકાયા છે.
ઉત્તર ફ્રાન્સમાં આ વાવાઝોડાને કારણે થયેલા નુકસાનનો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં તોફાનની તીવ્રતા દેખાઈ રહી છે. આખું આકાશ કાળા વાદળોથી ઘેરાયેલું જોવા મળે છે. તેમજ સમગ્ર વિસ્તારમાં માત્ર તૂટેલા મકાનોનો કાટમાળ જ દેખાય છે. સ્થાનિક અધિકારીઓનું કહેવું છે કે આ તોફાનમાં એક વ્યક્તિને સામાન્ય ઈજા થઈ છે. આ સાથે આ વિસ્તારમાં મોટા પાયે મકાનોને નુકસાન થયું છે.
🚨 La commune de #Bihucourt (Pas-de-Calais) a subit de très importants dégâts suite au passage de la #tornade ! Il pourrait s’agir là de la plus violente tornade à avoir frappé le sol français depuis plusieurs années. #orages #MSGU pic.twitter.com/2TF3L1EHXH
— Nahel Belgherze (@WxNB_) October 23, 2022
🚨TORNADE confirmée ! Première vidéo du phénomène impactant la commune de Buhicourt dans le Pas-De-Calais. D’importants dégâts sont signalés. #France #orages #Tornade
Credit: Robin G. pic.twitter.com/89wAGa15w2
— Nahel Belgherze (@WxNB_) October 23, 2022
150થી વધુ લોકોને બચાવી લેવાયા
કેટલાક લોકોએ સોશિયલ મીડિયા પર વીડિયો શેર કર્યો અને લખ્યું કે તાજેતરના વર્ષોમાં ફ્રાન્સમાં આ સૌથી શક્તિશાળી તોફાન છે. તેમના મતે છેલ્લા ઘણા વર્ષોમાં ફ્રાન્સમાં આવું તોફાન જોવા મળ્યું નથી. સ્થાનિક અધિકારીઓનું કહેવું છે કે પાસ ડી કલાઈસ વિસ્તારમાંથી તોફાનની સંભાવનાને ધ્યાનમાં રાખીને, 150 થી વધુ લોકોને બહાર કાઢીને સુરક્ષિત સ્થાન પર લઈ જવામાં આવ્યા છે. કેટલાક વીડિયોમાં એવું પણ જોવા મળે છે કે વાવાઝોડાને કારણે ઘણી વસ્તુઓ હવામાં ઉડી રહી છે.
🚨Nouvelles images des importants dégâts à Bihucourt (Pas-de-Calais) ! Une TORNADE de forte intensité à durement touché la commune en fin d’après-midi. #France #orages #Tornade
Credit: Anthony Choquet pic.twitter.com/OrL9uvegqF
— Nahel Belgherze (@WxNB_) October 23, 2022
વાવાઝોડાએ હાહાકાર મચાવ્યો
વાવાઝોડાએ ગામમાં ચર્ચની છતને સંપૂર્ણપણે નુકસાન પહોંચાડ્યું હતું. વાવાઝોડાને કારણે ચર્ચના બેલ ટાવરને પણ નુકસાન થયું છે. તૂટેલા વૃક્ષો અને વીજ થાંભલા અને વાયરો ગામના રસ્તાઓ પર પથરાયેલા છે. અગ્નિશમન દળના જવાનો પૂરેપૂરી તત્પરતા સાથે ગામમાં રાહત કાર્ય કરી રહ્યા છે. આ વાવાઝોડાને કારણે દક્ષિણમાં 70 કિમી સુધીના 60 મકાનો ધરાશાયી થયા છે અને ઘણી ઇમારતો નાશ પામી હતી.