Japanની શાળાઓના વિચિત્ર આદેશ, વિદ્યાર્થીઓએ પોતાના વાળ કુદરતી છે તે સાબિત કરવુ પડશે

જાપાનની (Japan) સ્કૂલોમાં વિદ્યાર્થીઓને એક વિચિત્ર આદેશ કરવામાં આવ્યો છે. બાળકોએ હવે પોતાના વાળ આર્ટીફિશીયલ (Artificial) નથી તે સાબિત કરવા માટે પ્રમાણ પત્ર આપવા પડશે.

Bhavyata Gadkari | Edited By: Kunjan Shukal | Updated on: Feb 26, 2021 | 4:34 PM

જાપાનની (Japan) સ્કૂલોમાં વિદ્યાર્થીઓને એક વિચિત્ર આદેશ કરવામાં આવ્યો છે. બાળકોએ હવે પોતાના વાળ આર્ટીફિશીયલ (Artificial) નથી તે સાબિત કરવા માટે પ્રમાણ પત્ર આપવા પડશે. મોટેભાગે ભારતની શાળાઓમાં ડિસીપ્લીન જાળવવા બાળકોને ઓવર સ્ટાઈલિંગ માટે ખીજવવામાં આવે છે. પરંતુ જાપાનમાં હવે પોતાના વાળ નેચરલ છે કે નહીં તે સાબિત કરવુ પડશે. જેને કારણે જાપાનમાં જેમના વાળ જન્મથી કાળા નથી તેમને મુશ્કેલીઓનો સામનો કરવો પડી રહ્યો છે.

ટોક્યોની લગભગ અડધી શાળાઓમાં આદેશ જાહેર થઈ ચૂક્યો છે કે જો કોઈ વિદ્યાર્થીના વાળ કાળા નહીં હોય કે વેવી હશે તો તેમણે સાબિત કરવું પડશે કે તેમના વાળ કુદરતી છે અને કલર કરેલા નથી. શહેરની 177 શાળાઓમાંથી 79 શાળાઓએ આ આદેશ કર્યો છે. તમને જણાવી દઈએ કે જાપાનની ઘણી શાળાઓમાં વાળનો રંગ, મેકઅપ, યુનિફોર્મ અને વિદ્યાર્થીનીઓના સ્કર્ટની લંબાઈને લઈને પણ નિયમો ચુસ્ત છે.

Web Stories View more