Pakistan: ગેસ લીકની ઘટનામાં 4 બાળકો સહિત 16 લોકોના મોત, ડઝનથી વધારે લોકો ઘાયલ
Pakistan: પોલીસે જણાવ્યું કે બાળકો સૂતા હતા ત્યારે રૂમમાં ગેસ ભરાઈ ગયો અને વિસ્ફોટ થયો, જેના કારણે ઘરની દિવાલો પડી ગઈ. એક અલગ ઘટનામાં, ક્વેટાના અન્ય વિસ્તારમાં એક પોલીસ સબ ઇન્સ્પેક્ટરનું તેના રૂમમાં ગેસ શ્વાસમાં લેવાથી મૃત્યુ થયું.
પાકિસ્તાનના દક્ષિણ પશ્ચિમ બલૂચિસ્તાન પ્રાંતના ક્વેટા શહેરમાં છેલ્લા એક સપ્તાહમાં ગેસ લીકની ઘટનાઓમાં બાળકો સહિત ઓછામાં ઓછા 16 લોકોના મોત થયા છે. પોલીસે આ માહિતી આપી હતી. પોલીસે જણાવ્યું કે, બુધવારે ક્વેટાના કિલ્લી બડેઝાઈ વિસ્તારમાં તેમના માટીની દીવાલોવાળા ઘરની અંદર ગેસ લીક થવાથી એક પરિવારના ચાર બાળકોના મોત થયા હતા. આ ઘટનામાં બે મહિલાઓને ઈજા થઈ હતી. આંતરરાષ્ટ્રીય સમાચાર અહીં વાંચો.
પોલીસે જણાવ્યું કે બાળકો સૂતા હતા ત્યારે રૂમમાં ગેસ ભરાઈ ગયો અને વિસ્ફોટ થયો, જેના કારણે ઘરની દિવાલો પડી ગઈ. એક અલગ ઘટનામાં, ક્વેટાના અન્ય વિસ્તારમાં એક પોલીસ સબ ઇન્સ્પેક્ટરનું તેના રૂમમાં ગેસ શ્વાસમાં લેવાથી મૃત્યુ થયું.
ગેસ લીક થવાથી ડઝનબંધ લોકો બેહોશ થઈ ગયા
એક વરિષ્ઠ પોલીસ અધિકારીએ પુષ્ટિ આપી છે કે છેલ્લા અઠવાડિયાથી રોજિંદા ધોરણે ઘણા કેસ નોંધાયા છે, જેમાં એક ડઝનથી વધુ લોકોના મોત થયા છે અને ડઝનેક લોકો તેમના ઘરોમાં ગેસ લીકેજને કારણે બેહોશ થઈ ગયા છે. બલૂચિસ્તાન હાલમાં છેલ્લા એક મહિનાથી તીવ્ર ઠંડીની ઝપેટમાં છે.
કોર્ટમાં બધાની સામે ગોળી મારી
ઓનર કિલિંગ માત્ર ભારતમાં જ નહીં પરંતુ પાકિસ્તાનમાં પણ મોટી સમસ્યા છે. અહીં અવારનવાર ઓનર કિલિંગના કિસ્સાઓ સામે આવ્યા છે. આવો જ એક નવો કિસ્સો સામે આવ્યો જેણે બધાને ચોંકાવી દીધા કારણ કે ગુસ્સે થયેલા પિતાએ કોર્ટમાં જ દીકરીની હત્યા કરી નાખી. સ્થાનિક પોલીસે આ ઘટનાને દેશની નવી ભયાનક ઓનર કિલિંગ ગણાવી છે.
પિતાની ગોળી મારી હત્યા
પાકિસ્તાનના બંદર શહેર કરાચીમાં સોમવારે એક નવવિવાહિત મહિલાને તેના પિતાએ ગોળી મારીને હત્યા કરી દીધી હતી. પોલીસે જણાવ્યું કે આ ઘટના ત્યારે બની જ્યારે કરાચીના પીરાબાદની રહેવાસી મહિલા કરાચી શહેરની કોર્ટમાં પોતાનું નિવેદન નોંધવા આવી અને તેણે સ્વીકાર્યું કે તેણે પોતાની મરજીથી લગ્ન કર્યા છે.
(ઇનપુટ-ભાષાંતર)
Latest News Updates
