Kabul: આત્મઘાતી હુમલામાં તાલિબાની લીડર રહીમુલ્લાહ હક્કાનીનું મોત
રહીમુલ્લાહ હક્કાની પર આ પહેલા પણ હુમલો થયો હતો, જેમાં તે ગંભીર રીતે ઘાયલ થયો હતો. તેના પર આ હુમલો ઓક્ટોબર 2020માં થયો હતો. જો કે, હક્કાની પર આ હુમલો ત્રીજી વખત થયો છે.
કાબુલમાં (Kabul) આત્મઘાતી હુમલામાં તાલિબાનનો રહીમુલ્લાહ હક્કાની (Rahimullah Hakkani) માર્યો ગયો છે. સૂત્રો પાસેથી મળેલી માહિતી મુજબ આત્મઘાતી હુમલો થયો ત્યારે હક્કાની કાબુલની એક મદરેસામાં હદીસ વાંચી રહ્યો હતો. જો કે તાલિબાને સત્તાવાર રીતે આ વાતની પુષ્ટિ કરી નથી. એવું કહેવામાં આવી રહ્યું છે કે હક્કાનીને મારવાનું સંપૂર્ણ કાવતરું હતું, જેના અંતર્ગત આ આત્મઘાતી હુમલો થયો, જેમાં તેનું મોત થયું. જોકે, એ સ્પષ્ટ નથી થયું કે તાલિબાનના રહીમુલ્લાહનું મોત આંતરિક દુશ્મનાવટના કારણે થયું છે કે કેમ.
Sheikh Rahimullah Haqqani, top Afghan Taliban leader killed in suicide explosion in Kabul : Reports
— Tv9 Gujarati (@tv9gujarati) August 11, 2022
રહીમુલ્લાહ હક્કાની પર આ પહેલા પણ હુમલો થયો હતો, જેમાં તે ગંભીર રીતે ઘાયલ થયો હતો. તેના પર આ હુમલો ઓક્ટોબર 2020માં થયો હતો. જો કે, હક્કાની પર આ હુમલો ત્રીજી વખત થયો છે. 2013માં પેશાવરના રિંગ રોડ પર બંદૂકધારીઓ દ્વારા તેમના કાફલા પર હુમલો કરવામાં આવ્યો હતો, પરંતુ તે સુરક્ષિત રીતે ભાગવામાં સફળ રહ્યો હતો.
શેખ રહીમુલ્લાહ હક્કાની પાકિસ્તાન સરહદ પાસે આવેલા નાંગરહાર પ્રાંતના પચીર અવ આગમ જિલ્લાનો રહેવાસી હતો. હક્કાની હદીસના સારી રીતે જાણકાર હતા અને તેમણે સ્વાબી અને અકોરા ખટ્ટકના દેવબંદી મદ્રેસાઓમાંથી અભ્યાસ પૂર્ણ કર્યો હતો. એક અસ્પષ્ટ સ્થાનિક મીડિયાના અહેવાલ મુજબ રહીમુલ્લાહ નાંગરહાર પ્રાંતમાં તાલિબાન લશ્કરી કમિશનનો સભ્ય પણ રહી ચૂક્યો છે. બાદમાં યુએસ આર્મી દ્વારા તેની ધરપકડ કરવામાં આવી હતી અને ઘણા વર્ષો સુધી બગ્રામ જેલમાં કેદ હતા. સ્થાનિક મીડિયાના અહેવાલો અનુસાર તે 9 વર્ષથી પાકિસ્તાનમાં રહેતો હતો. તેણે થોડા વર્ષો પહેલા મદરેસા ઝુબેરીની સ્થાપના કરી હતી, જ્યાં સેંકડો વિદ્યાર્થીઓ અને શિક્ષકો છે.
રહીમુલ્લાહ હક્કાનીનું એક ફેસબુક પેજ પણ હતું જ્યાં તે હદીસ વિશે વાત કરતો હતો. તેની પાસે એક યુટ્યુબ ચેનલ પણ હતી, જ્યાં તેણે હદીસ અને હનાફી અને દેવબંદીનો પ્રચાર કર્યો. પાકિસ્તાન અને અફઘાનિસ્તાનમાં તેના ઘણા ફોલોઅર્સ હતા.