રશિયાએ અફઘાનિસ્તાન મુદ્દે બોલાવી બેઠક, તાલિબાન અને ભારત સહિત 10 દેશો રહેશે હાજર, આ મહત્વના મુદ્દાઓ પર ચર્ચા થશે
Russia Meeting on Afghanistan: રશિયાએ મંગળવારે કહ્યું હતું કે, અફઘાનિસ્તાનના મુદ્દે મોસ્કોમાં યોજાનારી બેઠકમાં 10 દેશોના પ્રતિનિધિઓ અને ઉચ્ચ સ્તરીય તાલિબાન પ્રતિનિધિમંડળ ભાગ લેશે.
Russia Meeting on Afghanistan: રશિયાએ મંગળવારે કહ્યું હતું કે, અફઘાનિસ્તાનના મુદ્દે મોસ્કોમાં યોજાનારી બેઠકમાં 10 દેશોના પ્રતિનિધિઓ અને ઉચ્ચ સ્તરીય તાલિબાન પ્રતિનિધિમંડળ ભાગ લેશે. રશિયાએ બુધવારે એટલે કે 20 ઓક્ટોબરે (Moscow Format Meeting) બેઠક બોલાવી છે. તે અફઘાનિસ્તાનમાં લશ્કરી અને રાજકીય પરિસ્થિતિ, એક સર્વસમાવેશક સરકારની રચના અને દેશને માનવીય સંકટમાંથી બચાવવા આંતરરાષ્ટ્રીય પ્રયાસો અંગે ચર્ચા કરવામાં આવશે.
રશિયાના વિદેશ મંત્રાલયે એક નિવેદન જાહેર કરીને કહ્યું છે કે, ’20 ઓક્ટોબરે અફઘાનિસ્તાન પર વાતચીત માટે મોસ્કો ફોર્મેટની ત્રીજી બેઠક મળશે. એવી અપેક્ષા છે કે, તેમાં આ ક્ષેત્રના 10 દેશોના પ્રતિનિધિઓ તેમજ અફઘાનિસ્તાનનું પ્રતિનિધિમંડળ (Russia on Afghanistan Situation) નું પ્રતિનિધિમંડળ સામેલ થશે. રશિયન વિદેશ મંત્રી લવરોવ પ્રતિનિધિઓને સંબોધિત કરશે. બેઠક દરમિયાન અફઘાનિસ્તાનમાં લશ્કરી-રાજકીય પરિસ્થિતિના વિકાસ અને સમાવેશી સરકારની રચનાની સંભાવનાઓ અંગે ચર્ચા કરવાનું આયોજન છે.
સંયુક્ત નિવેદન જાહેર થઈ શકે છે
વિદેશ મંત્રાલયે કહ્યું, ‘બેઠકમાં તમામ પ્રતિનિધિઓ આ દેશમાં માનવીય કટોકટી (Russia Stance on Afghanistan) રોકવા માટે આંતરરાષ્ટ્રીય સમુદાયના પ્રયત્નોને મજબૂત કરવાના મુદ્દાઓ પર પણ ચર્ચા કરશે. એક સંયુક્ત નિવેદન અપનાવવાનું આયોજન છે. જ્યારે તાલિબાન પ્રતિનિધિમંડળનું નેતૃત્વ વચગાળાની અફઘાન સરકારના નાયબ વડાપ્રધાન અબ્દુલ સલામ હનાફી કરશે.
આ માહિતી અફઘાનિસ્તાનના વિદેશ મંત્રાલયના પ્રવક્તા અબ્દુલ કહાર બલ્ખીએ ટ્વિટર પર આપી હતી. બાલ્ખીના નિવેદન મુજબ તાલિબાન પ્રતિનિધિઓ મોસ્કોની મુલાકાત દરમિયાન વિવિધ દેશોના પ્રતિનિધિઓ સાથે સામાન્ય હિતના મુદ્દાઓ પર વાતચીત કરશે.
ભારત પણ બેઠકમાં ભાગ લેશે
મોસ્કો ફોર્મેટની શરુઆત વર્ષ 2017 માં છ પક્ષોના મિકેનિઝમના આધારે શરૂ થયું હતું. જે અંતર્ગત રશિયા, અફઘાનિસ્તાન, ચીન, પાકિસ્તાન, ઈરાન અને ભારતના વિશેષ પ્રતિનિધિઓ વચ્ચે પરામર્શ યોજાય છે. બીજી બાજુ ભારતે પણ પુષ્ટિ કરી છે કે, તે મંત્રણામાં ભાગ લઈ રહ્યો છે (Russian Meet on Afghanistan). વિદેશ મંત્રાલયે એક દિવસ પહેલા જણાવ્યું હતું કે, ભારતને 20 ઓક્ટોબરે અફઘાનિસ્તાન મોસ્કો ફોર્મેટની બેઠકમાં ભાગ લેવા માટે આમંત્રણ આપવામાં આવ્યું છે અને તેમાં ભાગ લેશે.