FIFA વર્લ્ડ કપ સમારોહમાં ભાગેડુ ઝાકિર નાયક ? કતારે કહ્યું કે આ દેશ જૂઠાણું ફેલાવે છે

કટ્ટર ઇસ્લામિક વક્તા ઝાકિર નાયકને કતારમાં ચાલી રહેલા FIFA વર્લ્ડ કપમાં આમંત્રણ આપવામાં આવ્યું હતું, જેના પર ભારતે વાંધો ઉઠાવ્યો હતો. હવે આ અંગે સ્પષ્ટતા આપતાં કતારે કહ્યું કે નાયકને 20 નવેમ્બરે આયોજિત ઉદ્ઘાટન સમારોહમાં આમંત્રણ આપવામાં આવ્યું ન હતું.

FIFA વર્લ્ડ કપ સમારોહમાં ભાગેડુ ઝાકિર નાયક ? કતારે કહ્યું કે આ દેશ જૂઠાણું ફેલાવે છે
જાકીરનો જન્મ 18 ઓક્ટોબર 1965 મુંબઈમાં થયો
Image Credit source: Twitter
TV9 GUJARATI

| Edited By: Utpal Patel

Nov 23, 2022 | 3:03 PM

ભાગેડુ ઈસ્લામિક ઉપદેશક ઝાકિર નાયકને ફિફા વર્લ્ડ કપ માટે આમંત્રણ આપવા પર થયેલા હોબાળા બાદ હવે કતરે યુ-ટર્ન લીધો છે. કતારે રાજદ્વારી ચેનલ દ્વારા ભારતને કહ્યું છે કે ઝાકિર નાયકને 20 નવેમ્બરે ઉદ્ઘાટન સમારોહમાં આમંત્રણ આપવામાં આવ્યું ન હતું. કતારે સ્પષ્ટતા કરી છે કે કોઈ ત્રીજા દેશે બંને દેશોના સંબંધો બગાડવા માટે આ ખોટા સમાચાર ફેલાવ્યા છે. આંતરરાષ્ટ્રીય સમાચાર અહીં વાંચો.

દોહામાં ચાલી રહેલા ફીફા ફૂટબોલ વર્લ્ડ કપનું ઉદ્ઘાટન 20 નવેમ્બરે થયું હતું, જેમાં ઇસ્લામિક કટ્ટરપંથી ઝાકિર નાયક જોવા મળ્યો હતો. તમને જણાવી દઇએ કે એવો દાવો કરવામાં આવ્યો હતો કે ઝાકિર નાયકને ઉદ્ઘાટન સમારોહ માટે કતાર દ્વારા ઔપચારિક રીતે આમંત્રણ આપવામાં આવ્યું હતું. જે બાદ ભારતે કહ્યું કે જો કતારએ જાણી જોઈને ઝાકિર નાયકને આમંત્રણ આપ્યું છે તો ભારતના ઉપરાષ્ટ્રપતિ જગદીપ ધનખડને તેમની મુલાકાત રદ કરવાની ફરજ પડશે. વાઇસ પ્રેસિડેન્ટ ધનકરે 20 નવેમ્બરના રોજ ફિફાના ઉદઘાટન સમારોહમાં ભાગ લીધો હતો.

વાત ક્યાંથી શરૂ થઈ

વાસ્તવમાં, અમેરિકાના વોશિંગ્ટનની એક સંસ્થા મિડલ ઈસ્ટ મીડિયા રિસર્ચ ઈન્સ્ટિટ્યૂટે અહેવાલ આપ્યો હતો કે કતારે ઝાકિર નાઈકને દાવા સંબંધિત ઈસ્લામિક ધાર્મિક પ્રવચન માટે આમંત્રણ આપ્યું છે. નોંધનીય છે કે દાવા એક ઇસ્લામિક પ્રથા છે જેમાં બિન-મુસ્લિમોનું ધર્માંતરણ કરવામાં આવે છે અને લોકોને ઇસ્લામ અપનાવવા માટે પ્રોત્સાહિત કરવામાં આવે છે. હવે કતાર પર આરોપો લગાવવામાં આવી રહ્યા છે કે કતાર આ ફીફા ઈવેન્ટ દ્વારા દાવાને બિન-મુસ્લિમોમાં ફેલાવવાનો પ્રયાસ કરી રહ્યું છે. ઝાકિર નાયક સાથે કતારના શાહી પરિવારની તસવીરો પણ સોશિયલ મીડિયા પર વાયરલ થઈ રહી છે. સમારોહની વધુ તસવીરો સોશિયલ મીડિયા પર વાયરલ થઈ રહી છે જેમાં ઝાકિર નાયક જોઈ શકાય છે.

ભારતમાં ભાગેડુ ઘોષિત છે ઝાકિર નાયક

ભારતે 2017માં ઝાકિર નાઈકને ભાગેડુ જાહેર કરીને તેના પર પ્રતિબંધ લગાવ્યો હતો. ઝાકિર પર બિન-મુસ્લિમો વિરુદ્ધ નફરત ફેલાવવાનો અને મની લોન્ડરિંગનો આરોપ છે, જેના પછી ભારતીય તપાસ એજન્સીઓ તેને શોધી રહી છે. નાઈક ​​આ દિવસોમાં મલેશિયામાં શરણ લઈ રહ્યો છે. કેનેડા અને બ્રિટનની સરકારો દ્વારા ઝાકિર નાઈક પર પહેલાથી જ તેમના દેશમાં પ્રવેશવા પર પ્રતિબંધ લગાવી દેવામાં આવ્યો છે.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati