PM Modi US visit : અમેરિકાના ઉપરાષ્ટ્રપતિ કમલા હેરિસને મળ્યા પીએમ મોદી, પાકિસ્તાન પર આતંકવાદી પ્રવૃત્તિઓને લઇને સાધ્યુ નિશાન

બંને નેતાઓ વચ્ચેની ચર્ચાએ ઘણા ક્ષેત્રોને આવરી લીધા હતા જેમાં કોવિડ -19, આબોહવા પરિવર્તન, આતંકવાદ મુદ્દો, સાયબર સુરક્ષા, અવકાશ વગેરેમાં સહયોગ સહિત ટેકનોલોજી ક્ષેત્રમાં સહકારનો સમાવેશ થાય છે.

PM Narendra Modi meets US Vice President Kamala Harris

TV9 Gujarati | Edited By: Bhavyata Gadkari | Updated on: Sep 24, 2021 | 7:47 AM

વડાપ્રધાન નરેન્દ્ર મોદી (Prime Minister Narendra Modi) ત્રણ દિવસની મુલાકાતે અમેરિકાના વોશિંગ્ટનમાં હાજર છે. આ વર્ષે માર્ચમાં બાંગ્લાદેશની મુલાકાત બાદ તેમની આ પ્રથમ વિદેશ યાત્રા છે. આ દરમિયાન તેઓ અમેરિકાના ઉપરાષ્ટ્રપતિ કમલા હેરિસને (Vice President Kamala Harris) મળ્યા. બેઠક દરમિયાન, કમલા હેરિસે આતંકવાદના સંબંધમાં પાકિસ્તાનની ભૂમિકાની નોંધ લીધી અને આતંકવાદી જૂથો માટે ઇસ્લામાબાદના સમર્થનને રોકવા અને તેની નજીકથી દેખરેખ રાખવાની જરૂરિયાત પર સંમત થયા.

વિદેશ સચિવે ખાસ બ્રીફિંગ દરમિયાન કહ્યું કે હેરિસે પાકિસ્તાનમાં આતંકવાદી જૂથોની હાજરીનો સ્વીકાર કર્યો. જ્યારે તેમને પૂછવામાં આવ્યું કે શું પીએમ મોદી અને અમેરિકી ઉપરાષ્ટ્રપતિ વચ્ચેની ચર્ચા દરમિયાન તાલિબાનને પ્રોત્સાહન આપવાનો મુદ્દો ઉઠ્યો હતો. તો સચિવે કહ્યું કે બેઠકમાં ઉપરાષ્ટ્રપતિએ તે સંદર્ભમાં પાકિસ્તાનની ભૂમિકાનો ઉલ્લેખ કર્યો. હેરિસે કહ્યું કે આતંકવાદી જૂથો ત્યાં કાર્યરત છે. આપણે પાકિસ્તાન પર કાર્યવાહી કરવી પડશે જેથી આ જૂથ અમેરિકા અને ભારતની સુરક્ષાને અસર ન કરે.

શ્રીંગલાએ કહ્યું કે ઉપરાષ્ટ્રપતિ કમલા હેરિસ સરહદ પારના આતંકવાદની હકીકત પર પ્રધાનમંત્રીની બ્રીફિંગ સાથે સંમત છે અને માને છે કે ભારત ઘણા દાયકાઓથી આતંકવાદનો શિકાર છે. આવા આતંકવાદી જૂથો માટે પાકિસ્તાનનાં સમર્થનને કાબૂમાં લેવાની અને નજીકથી દેખરેખ રાખવાની જરૂર છે. તે જાણીતું છે કે પાકિસ્તાન પર તાલિબાનને સમર્થન આપવાનો આરોપ લાગ્યો છે. આ મહિનાની શરૂઆતમાં, અમેરિકાના વિદેશ મંત્રી એન્ટોની બ્લિન્કેને કહ્યું હતું કે પાકિસ્તાને આતંકવાદીઓ સહિત તાલિબાનના સભ્યોને “આશ્રય” આપ્યો છે.

Web Stories View more

IPL વચ્ચે ક્રિકેટર મલિંગાએ પત્ની સાથે શેર કર્યો રોમેન્ટિક વીડિયો, જુઓ

પ્રેમાનંદ મહારાજ વૃંદાવન કેમ છોડતા નથી? જણાવ્યું મોટું રહસ્ય

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

તે જ સમયે, ત્રણ દિવસની મુલાકાતે અમેરિકા આવેલા પીએમ મોદી દિવસની શરૂઆતમાં હેરિસને મળ્યા હતા. શ્રિંગલાએ કહ્યું કે “બંને નેતાઓ વચ્ચેની ચર્ચાઓ નોંધપાત્ર હતી અને તે એક કલાકથી વધુ સમય સુધી ચાલી હતી”. શૃંગલાએ કહ્યું, “મીટિંગમાં હૂંફ અને સૌહાર્દ પ્રતિબિંબિત થયો. બંને નેતાઓ વચ્ચેની ચર્ચાએ ઘણા ક્ષેત્રોને આવરી લીધા હતા જેમાં કોવિડ -19, આબોહવા પરિવર્તન, આતંકવાદ મુદ્દો, સાયબર સુરક્ષા, અવકાશ વગેરેમાં સહયોગ સહિત ટેકનોલોજી ક્ષેત્રમાં સહકારનો સમાવેશ થાય છે.

આ પણ વાંચો –