China Mysterious Disappearance : જૈક મા, ફાન બિગબિંગ, હવે પેગ શુંઆઈ… સૌથી મોટો સવાલ, ચીનમાં અચાનક કેમ ગાયબ થઇ જાય છે જાણીતા લોકો ?
ચીનમાં પ્રખ્યાત લોકોનું ગાયબ થવું સામાન્ય બાબત બની ગઈ છે. તાજેતરનો મામલો ટેનિસ ખેલાડી પેંગ શુઆઇનો છે. જેનો કોઈ અતોપતો નથી.
China Mysterious Disappearance: ચીનમાં (china) લોકોના ગુમ થવાનો સિલસિલો ચાલુ છે. તાજેતરનો મામલો ટેનિસ ખેલાડી પેંગ શુઆઈનો (Peng Shuai) છે.જેના છેલ્લા કેટલાક સમયથી કોઈ સમાચાર નથી. તેણે કમ્યુનિસ્ટ પાર્ટીના ભૂતપૂર્વ ટોચના કાર્યકારી સામે જાતીય સતામણીનો આરોપ મૂક્યો હતો. ચીનમાં આવા ઘણા કિસ્સાઓ સામે આવ્યા છે.
જેમાં રાજકીય અસંતુષ્ટો, મનોરંજન જગતના લોકો, ઉદ્યોગપતિઓ અને અધિકારીઓની વાત ન સાંભળનારા લોકો અચાનક ગાયબ થઈ ગયા. પેંગ શુઈને લઈને સોશિયલ મીડિયા પર એક અભિયાન પણ ચલાવવામાં આવી રહ્યું છે. લોકો ચીનને પૂછે છે કે તેણે પેંગ સાથે શું કર્યું છે.
પેંગ શુઆઈનું શું થયું? ટેનિસ વિશ્વ અને વૈશ્વિક મીડિયામાં આક્રોશ પછી ચીની સત્તાવાળાઓએ લગભગ બે અઠવાડિયા પહેલા ગ્રાન્ડ સ્લેમ ડબલ્સ ચેમ્પિયન પેંગના ઑનલાઇન આરોપો પર સીધું ધ્યાન આપ્યું ન હતું. પેંગે કહ્યું કે પાર્ટીની સૌથી શક્તિશાળી પોલિટબ્યુરો સ્ટેન્ડિંગ કમિટીના ભૂતપૂર્વ ઉપાધ્યક્ષ અને સભ્ય ઝાંગ ગાઓલી દ્વારા તેણીનું યૌન શોષણ કરવામાં આવ્યું હતું. ભૂતપૂર્વ વર્લ્ડ નંબર વન પેંગ (35). જેણે 2013માં વિમ્બલ્ડનમાં મહિલા ડબલ્સ અને 2014માં ફ્રેન્ચ ઓપન જીતી હતી. તેણે પણ ત્રણ વખત ઓલિમ્પિકમાં ભાગ લીધો છે.
4 ફેબ્રુઆરીથી બેઇજિંગમાં વિન્ટર ગેમ્સ શરૂ થવાની છે અને આ સંદર્ભમાં પેંગના ગાયબ થવાની વધુ ચર્ચા થઈ રહી છે. પેંગે 2 નવેમ્બરના રોજ એક લાંબી સોશિયલ મીડિયા પોસ્ટમાં લખ્યું હતું કે ઝાંગે ત્રણ વર્ષ પહેલા તેની સાથે બળજબરીથી સેક્સ કરવાનો પ્રયાસ કર્યો હતો જ્યારે તેણીએ વારંવાર ઇનકાર કર્યો હતો. સોશિયલ મીડિયા પ્લેટફોર્મ Weibo પરના તેના વેરિફાઈડ એકાઉન્ટમાંથી પોસ્ટને ટૂંક સમયમાં હટાવી દેવામાં આવી હતી. જો કે, આ સનસનાટીભર્યા ઘટસ્ફોટના સ્ક્રીનશોટ ચીનમાં ઈન્ટરનેટ પર ફેલાઈ ગયા.
ચીનમાં લોકોના ગાયબ થવા પાછળનું કારણ શું છે? કહેવા માટે કે ચીન ‘કાયદા દ્વારા ચાલતો’ દેશ છે, પરંતુ આખરે દેશની પકડ કમ્યુનિસ્ટ પાર્ટી પાસે છે અને અમલીકરણના ઘણા ઘેરા ક્ષેત્રો છે. પ્રેસ અને સોશિયલ મીડિયા પર નિયંત્રણ અધિકારીઓ માટે બંધ દરવાજા પાછળ ગુમ થયેલા લોકોના અહેવાલો રાખવાનું શક્ય બનાવે છે. પેંગ પહેલા પણ, ઘણા પ્રખ્યાત લોકો અચાનક ગાયબ થઈ ગયા, જેમાં બિઝનેસ લીડર જેક મા અને લોકપ્રિય અભિનેત્રી ફેન બિંગબિંગનો સમાવેશ થાય છે.
વિશ્વની સૌથી મોટી ઈ-કોમર્સ કંપની અલીબાબા ગ્રુપના સ્થાપક જેક માએ ઓક્ટોબર 2020માં એક ભાષણમાં નિયમનકારોને ખૂબ રૂઢિચુસ્ત ગણાવ્યા હતા અને ત્યારથી તેઓ જાહેરમાં જોવા મળ્યા નથી. બે મહિના પછી જાન્યુઆરી 2020 માં તે અલીબાબા દ્વારા બહાર પાડવામાં આવેલ એક વીડિયોમાં દેખાયો હતો પરંતુ તેણે તેના ગુમ થવા વિશે કંઈપણ જણાવ્યું ન હતું.
ગાયબ થયા પછી ફેન બિંગબિંગ પર કાર્યવાહી કરવામાં આવી ટેક્સ અધિકારીઓએ તેણીને અને તેણીની કંપનીઓને 13 કરોડ ડોલર કર અને દંડ ચૂકવવા માટે કહ્યું હતું તેવા સમાચાર વહેતા થયા પછી પણ ત્રણ મહિના માટે ગુમ થાઓ ગઈ હતી. તેવી જ રીતે બિઝનેસ વુમન ડુઆન વેઈહાંગ પણ 2017માં ગુમ થઈ ગઈ હતી.
તેના પતિએ જણાવ્યું કે ચાર વર્ષ પછી જ્યારે તે ચીનના ધનિક વર્ગમાં ભ્રષ્ટાચારનો પર્દાફાશ કરતું પુસ્તક પ્રકાશિત કરવાની તૈયારી કરી રહ્યો હતો ત્યારે તેને તેની પત્નીનો ફોન આવ્યો. જેમાં તેમણે કહ્યું હતું કે, પુસ્તક પ્રકાશિત ન કરાવો.
રિયલ એસ્ટેટ ઉદ્યોગપતિ રેન ઝિકિયાંગ માર્ચ 2020 માં રાષ્ટ્રપતિ શી જિનપિંગની તેમના કોરોનાવાયરસના સંચાલન માટે ટીકા કર્યા પછી ગાયબ થઈ ગયા હતા. પાછળથી તે જ વર્ષે તેમને ભ્રષ્ટાચાર માટે 18 વર્ષની જેલની સજા ફટકારવામાં આવી હતી. આવા ઘણા કિસ્સાઓ છે, જેણે વિશ્વને ચીન પર સવાલ ઉઠાવવા મજબૂર કર્યા છે.
મતલબ સ્પષ્ટ છે કે, જે કોઈ સરકારની ખરાબી કરશે તો તે અદૃશ્ય થઈ જશે. ત્યારપછી થોડા દિવસો બાદ તે જ વ્યક્તિ સામે કોઈક પ્રકારની કાયદેસરની કાર્યવાહી કરવામાં આવશે. ઉપરાંત, જે વ્યક્તિ ગાયબ થઈ ગઈ છે તે કહેશે નહીં કે તે ક્યારે પાછો આવશે, તેની સાથે શું થયું અને તે આટલા લાંબા સમયથી ક્યાં ગુમ હતો.
આ પણ વાંચો : Earthquake: રાજસ્થાનના જાલોરમાં મોડી રાત્રે ભૂકંપના આંચકા, રિક્ટર સ્કેલ પર 4.6ની તીવ્રતા