PAKનું ઓપરેશન હની ટ્રેપ નિષ્ફળ, જવાનો સાથે આ રીતે રમાય છે બ્લેકમેલિંગની ગેમ
ISI દ્વારા ભારતીય અધિકારીઓના સોશિયલ મીડિયા આઈડી આ મહિલાઓ સાથે શેર કરવામાં આવ્યા હતા. અધિકારીઓને પોતાની જાળમાં ફસાવવા માટે આ મહિલાઓને હની ટ્રેપની તાલીમ આપવામાં આવી હતી.
Honey Trap : પાકિસ્તાન (Pakistan )દ્વારા ભારતને અસ્થિર કરવાનો સતત પ્રયાસ કરવામાં આવી રહ્યો છે, પરંતુ દેશના સતર્ક સુરક્ષા દળોએ તેના દરેક પ્રયાસને નિષ્ફળ બનાવી દીધા છે. પાડોશી દેશનો નાપાક પ્રયાસ ફરી એકવાર સફળ થયો છે. પાકિસ્તાની ગુપ્તચર એજન્સી (Pakistani intelligence agency) ISI અને પાક આર્મીનું ઓપરેશન હની ટ્રેપ નિષ્ફળ ગયું છે. એલર્ટ ભારતીય ગુપ્તચર એજન્સી (Indian Intelligence Agency)એ ISIના આ પ્રયાસને ફરી નિષ્ફળ બનાવ્યો છે.પાકિસ્તાની ગુપ્તચર એજન્સી ISI દ્વારા સરહદની સુરક્ષા સાથે જોડાયેલા દેશની સેના અને સુરક્ષા દળોને નિશાન બનાવવા માટે મહિલા બ્રિગેડની રચના કરવામાં આવી હતી.
આ મહિલા બ્રિગેડમાં લગભગ 50 થી 70 મહિલાઓનો સમાવેશ કરવામાં આવ્યો હતો જેમાં વ્યૂહાત્મક સુરક્ષાના દૃષ્ટિકોણથી સંવેદનશીલ સ્થળોએ તૈનાત સેના અને સીમા સુરક્ષા દળના અધિકારીઓ હતા.
ભારતીય અધિકારીઓને હની ટ્રેપમાં ફસાવવાની ટ્રેનિંગ
ISI દ્વારા ભારતીય અધિકારીઓના સોશિયલ મીડિયા આઈડી પણ આ મહિલાઓ સાથે શેર કરવામાં આવ્યા હતા. આ મહિલાઓને સોશિયલ મીડિયા દ્વારા ભારતીય અધિકારીઓને હની ટ્રેપમાં ફસાવવાની ટ્રેનિંગ આપવામાં આવી હતી.આ ટ્રેનિંગ પાકિસ્તાન આર્મીની ઈન્ટેલિજન્સ વિંગના સિંધના 412 હૈદરાબાદમાંથી આપવામાં આવી રહી હતી. ત્યાંથી લશ્કરી અધિકારીઓને ફસાવવા માટે આખું કાવતરું ઘડવામાં આવ્યું હતું.
કેવી રીતે આ યુવતીઓ ફસાવવાનું કામ કરતી હતી
હની ટ્રેપમાં ફસાવવા માટે આ યુવતીઓ પહેલા ફેક ફોટો દ્વારા સોશિયલ મીડિયા પ્રોફાઈલ બનાવે છે, પછી ટાર્ગેટને ફ્રેન્ડ રિક્વેસ્ટ મોકલીને અશ્લીલ વસ્તુઓના જાળામાં ફસાવે છે. જ્યારે તેઓ તેમની જાળમાં ફસાઈ જાય છે, ત્યારે તેમની પાસેથી સેના સંબંધિત કેટલીક મહત્વપૂર્ણ માહિતી લેવામાં આવે છે. પછી ચેટ શરૂ થતાની સાથે જ ISI તેની રમત શરૂ કરે છે. આ પછી શરૂ થાય છે બ્લેકમેલિંગનો ખેલ.
આઈએસઆઈ અને પાક સેના બંન્ને સાથે મળીને આ ટ્રેનિંગ કેપ છેલ્લા કેટલાક વર્ષોથી શરુ કરી રહી છે. ખાસ વાત એ છે કે, આ ટ્રેનિંગ કેમ્પની ભરતી કરાયેલી મહિલાઓ પાસે માત્ર 2 થી 3 વર્ષ સુધી કામ કરાવવાનું આવતું હતુ. પાકિસ્તાની દ્વારા લાંબા સમથી ભારતીય અધિકારીઓને હની ટ્રેપમાં ફસાવવાનું શ્રડયંત્ર રચવામાં આવતું હતુ. કેટલીક વખત ભારતીય સેના સાથે જોડાયેલા લોકો હની ટ્રૈપનો શિકાર પણ બનતા હતા, આ વાત જલ્દી ખુફિયા અધિકારીઓની નજરમાં આવતા તેની યોજના લાંબા સમય સુધી સફળ રહી શકી નહિ.