પાકિસ્તાન બની રહ્યુ છે કંગાળ, ઈમરાનખાનના રાજમાં 1 ડૉલરની કિંમત 177 રૂપિયા પર પહોંચી

પાકિસ્તાનના પીએમ ઈમરાન ખાનની (Imran Khan) વર્તમાન સરકારના રાજમાં છેલ્લા ત્રણ વર્ષ અને ચાર મહિનામાં અમેરિકી ડોલર સામે પાકિસ્તાની રૂપિયામાં 30.5 ટકાનો ઘટાડો થયો છે.

Pakistani rupee, US dollar

TV9 Gujarati | Edited By: Bipin Prajapati | Updated on: Dec 28, 2021 | 7:48 PM

પાકિસ્તાની રૂપિયાની (Pakistani rupee) હાલત ખરાબ છે. વર્ષ 2021માં પાકિસ્તાની રૂપિયો વિશ્વની સૌથી ખરાબ પ્રદર્શન કરનારા ચલણમાં (currency) સામેલ થયો છે. પાકિસ્તાની રૂપિયામાં 2021ની શરૂઆતથી 12 ટકાથી વધુનો ઘટાડો જોવા મળ્યો છે અને મેના મધ્યમાં 152.50ની નીચી સપાટીએથી 17 ટકા વધુનો ઘટાડો થયો છે. અમેરિકાના એક ડોલરની (dollar) સામે પાકિસ્તાનના 177 રૂપિયે કિંમત પહોચી ગઈ છે. જે પાકિસ્તાનની અતિ ખરાબ અર્થવ્યવસ્થા સાબિત કરે છે.

પાકિસ્તાની મીડિયા રિપોર્ટ્સમાં કહેવામાં આવ્યું છે કે 2021ના અંત સુધીમાં પાકિસ્તાન સરકારને અર્થવ્યવસ્થાને સ્થિર કરવા માટે ફરી એકવાર ઇન્ટરનેશનલ મોનેટરી ફંડ ( International Monetary Fund – IMF) તરફ વળવું પડશે. પાકિસ્તાનના અગ્રણી અખબારના અહેવાલ મુજબ, સ્ટેટ બેંક ઑફ પાકિસ્તાને રૂપિયાને સ્થિર કરવા માટે ઘણા આર્થિક પગલાં લીધા છે. ફેડરલ ઇન્વેસ્ટિગેશન એજન્સી (FIA) યુએસ ચલણના પ્રવાહને મર્યાદિત કરવા અને તેની માંગ ઘટાડવા માટે સંગ્રહખોરો અને દાણચોરો પર સતત કાર્યવાહી કરી રહી છે.

ઈમરાન સરકારના કાર્યકાળમાં અત્યાર સુધી 30.5 ટકાનો ઘટાડો થયો છે પાકિસ્તાનના પીએમ ઈમરાન ખાનની (Imran Khan) વર્તમાન સરકાર હેઠળ છેલ્લા ત્રણ વર્ષ અને ચાર મહિનામાં અમેરિકી ડોલર સામે પાકિસ્તાની રૂપિયામાં 30.5 ટકાનો ઘટાડો થયો છે. પાકિસ્તાની રૂપિયાનું મૂલ્ય ઓગસ્ટ 2018માં ડૉલર સામે 123 રૂપિયાથી ઘટીને ડિસેમ્બર 2021માં 177 રૂપિયા થઈ ગયું છે. છેલ્લા 40 મહિનામાં પાકિસ્તાનના રૂપિયાના આંતરરાષ્ટ્રીય મુલ્યમાં 30.5 % નો ઘટાડો છે. આ પાકિસ્તાન દેશના ઇતિહાસમાં ચલણના અવમૂલ્યનમાં સૌથી વધુ છે.

Web Stories View more

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

આ પહેલા, લગભગ 50 વર્ષ પહેલા જ્યારે પશ્ચિમ પાકિસ્તાન સ્વતંત્ર બાંગ્લાદેશ બન્યું ત્યારે પાકિસ્તાનના ચલણનું આજે ટકાવારીની દ્રષ્ટિએ જેટલુ અવમૂલ્યન થયુ છે એટલુ અવમૂલ્યન ત્યારે થયું હતું. તે સમયે, પાકિસ્તાની રૂપિયો અમેરિકી ડોલર સામે રૂ. 4.6 થી રૂ. 11.1 પર એટલે કે 58 ટકા ઘટ્યો હતો.

પાકિસ્તાનના ચલણની કથળતી સ્થિતિ અંગે પાકિસ્તાનના ભૂતપૂર્વ આર્થિક સલાહકાર ડૉ. અશફાક હસન ખાને કહ્યું છે કે, દેશનું નાણાકીય વર્ષ ભૌતિક નીતિ અને વિનિમય દર નીતિઓને આધિન બની ગયું હોવાથી આર્થિક નીતિ નિર્માણ સંપૂર્ણપણે પડી ભાંગ્યું છે. તેમણે વધુમાં કહ્યું છે કે જાહેર દેવા સહિતના કારણે પાકિસ્તાનની આર્થિક સ્થિતિ વધુ ખરાબ થઈ છે.

આ પણ વાંચોઃ