નેપાળનો ચીનને ઝટકો !! ત્રણ ચાઇનીઝ કંપનીઓને કરી બ્લેકલિસ્ટ, જાણો કેમ લીધો આ નિર્ણય
ચીની કંપનીઓને માત્ર બ્લેકલિસ્ટ નથી કરવામાં આવી, પરંતુ તેમને નેપાળના એરપોર્ટ ઈન્ફ્રાસ્ટ્રક્ચર ડેવલપમેન્ટ પ્રોજેક્ટમાં ભાગ લેવાથી પણ પ્રતિબંધિત કરવામાં આવી છે.
ભારતમાં (India) ઘુસણખોરીનો પ્રયાસ કરી રહેલા ચીનને (China) નેપાળે (Nepal) જોરદાર ઝટકો આપ્યો છે. વાસ્તવમાં એશિયન ડેવલપમેન્ટ બેંકે ચીનની કંપનીઓ સામે મોટી કાર્યવાહી કરતા નેપાળે ત્રણ ટોચની ચીની કન્સ્ટ્રક્શન કંપનીઓને બ્લેકલિસ્ટ કરી છે. એક રિપોર્ટ અનુસાર, ચીને અખંડિતતાના નિયમોનું ઉલ્લંઘન કર્યું છે, જેના બદલામાં એશિયન ડેવલપમેન્ટ બેંક દ્વારા આ કાર્યવાહી કરવામાં આવી છે.
અહેવાલ મુજબ, ઘણા સૂત્રોએ માહિતી આપી છે કે ચીની કંપનીઓને માત્ર બ્લેકલિસ્ટ નથી કરવામાં આવી, પરંતુ તેમને નેપાળના એરપોર્ટ ઈન્ફ્રાસ્ટ્રક્ચર ડેવલપમેન્ટ પ્રોજેક્ટમાં ભાગ લેવાથી પણ પ્રતિબંધિત કરવામાં આવી છે. ADBની ભ્રષ્ટાચાર વિરોધી કચેરી પાસે ત્રણ અલગ-અલગ ચીન સમર્થિત કંપનીઓ છે – ચાઇના CMC એન્જિનિયરિંગ કંપની, નોર્થવેસ્ટ સિવિલ એવિએશન એરપોર્ટ કન્સ્ટ્રક્શન ગ્રૂપ અને ચાઇના હાર્બર એન્જિનિયરિંગ કંપની વિવિધ ગુનાઓમાં સંડોવાયેલા હોવાનું બહાર આવ્યા બાદ બ્લેકલિસ્ટ કરવામાં આવી છે.
રિપોર્ટમાં કહેવામાં આવ્યું છે કે લગભગ બે ડઝન કંપનીઓએ 10 અબજ રૂપિયાની બોલી લગાવીને નેપાળના કાઠમંડુમાં ત્રિભુવન ઇન્ટરનેશનલ એરપોર્ટના વિકાસ પ્રોજેક્ટ માટે દસ્તાવેજો ખરીદ્યા હતા. પરંતુ માત્ર ચાર ચાઈનીઝ કંપનીઓએ તેમના દસ્તાવેજો ફાઈલ કર્યા હતા. નેપાળની સિવિલ એવિએશન ઓથોરિટીના ટોચના અધિકારીએ જણાવ્યું કે ચારમાંથી બે કંપનીઓને મનીલા સ્થિત બહુપક્ષીય ભંડોળ એજન્સી દ્વારા બ્લેકલિસ્ટ કરવામાં આવી છે. ચાઇના સીએમસી એન્જિનિયરિંગ કંપની અને ચાઇના હાર્બર એન્જિનિયરિંગ કંપનીનો સમાવેશ થાય છે.
ચાઇના સીએમસી એન્જિનિયરિંગ કંપની, જે હાલમાં પોખરા ઇન્ટરનેશનલ એરપોર્ટનું નિર્માણ કરી રહી છે. એપ્રિલ 2022 સુધી ADBની પ્રતિબંધોની યાદીમાં મૂકવામાં આવ્યું છે. આ પેઢીને પાકિસ્તાનમાં ADB દ્વારા ભંડોળ પૂરું પાડવામાં આવેલ પ્રોજેક્ટમાં બ્લેકલિસ્ટ કરવામાં આવી છે. ચાઇના સીએમસી એન્જિનિયરિંગે મે 2014માં પોખરા એરપોર્ટ પ્રોજેક્ટ માટે કન્સ્ટ્રક્શન કોન્ટ્રાક્ટ જીત્યો હતો અને જુલાઈ 2017માં તેના પર કામ શરૂ થયું હતું. એન્જિનિયરિંગ પ્રાપ્તિ અને બાંધકામ પર બનેલા એરપોર્ટને ફંડ આપવા માટે સરકારે માર્ચ 2016માં ચાઇના એક્ઝિમ બેંક સાથે $215.96 મિલિયનના સોફ્ટ લોન કરાર પર હસ્તાક્ષર કર્યા હતા.
આ પણ વાંચો –
Gir somnath Result: ઊનાના દેલવાડા ગામે સાસુ વહુ વચ્ચે ખરાખરીનો જંગ, ટુંક સમયમાં ખબર પડશે કે કોણે બાજી મારી
આ પણ વાંચો –
Delhi Teachers University: દિલ્હીમાં ટીચર્સ યુનિવર્સિટીની કરવામાં આવશે સ્થાપના, 2022-23 માટે પ્રવેશ ટૂંક સમયમાં થશે શરૂ
આ પણ વાંચો –