Saudi Arabia: કિંગ સલમાન બિન અબ્દુલ અઝીઝની તબિયત લથડી, હોસ્પિટલમાં દાખલ કરવામાં આવ્યા
કિંગ સલમાન વર્ષ 2015માં સાઉદી અરેબિયાની ગાદી પર બેઠા હતા. તેઓ 16 જૂન 2012થી 23 જાન્યુઆરી 2015 સુધી સાઉદી અરેબિયાના ક્રાઉન પ્રિન્સ હતા. ત્યારપછી તેમણે તેમના 36 વર્ષીય પુત્ર ક્રાઉન પ્રિન્સ મોહમ્મદ બિન સલમાનને તેમના અનુગામી તરીકે નિયુક્ત કર્યા.
King of Saudi Arabia Salman Bin Abdul aziz Image Credit source: PTI
સાઉદી અરેબિયાના (Saudi Arabia) કિંગ સલમાન બિન અબ્દુલ અઝીઝને (Salman Bin Abdul Aziz) હોસ્પિટલમાં દાખલ કરવામાં આવ્યા છે. સાઉદી પ્રેસ એજન્સીએ આ જાણકારી આપી છે. નિવેદનમાં કહેવામાં આવ્યું છે કે સલમાનને મેડિકલ ટેસ્ટ માટે જેદ્દાહના રેડ સી શહેરની એક હોસ્પિટલમાં દાખલ કરવામાં આવ્યા છે. ખલીજ ટાઈમ્સના અહેવાલ મુજબ 86 વર્ષના રાજા સલમાને વર્ષ 2020માં પિત્તાશયની (Gall Bladder) સર્જરી કરાવી હતી.
King of Saudi Arabia admitted to hospital for medical tests
મળતી માહિતી મુજબ 86 વર્ષીય બાદશાહને સાઉદી બંદરીય શહેર જેદ્દાહની કિંગ ફૈઝલ સ્પેશિયાલિસ્ટ હોસ્પિટલમાં દાખલ કરવામાં આવ્યા છે. બાદશાહના સ્વાસ્થ્ય પર ચાંપતી નજર રાખવામાં આવી રહી છે. કિંગ સલમાન વર્ષ 2015માં સાઉદી અરેબિયાની ગાદી પર બેઠા હતા. તેઓ 16 જૂન 2012થી 23 જાન્યુઆરી 2015 સુધી સાઉદી અરેબિયાના ક્રાઉન પ્રિન્સ હતા. ત્યારપછી તેમણે તેમના 36 વર્ષીય પુત્ર ક્રાઉન પ્રિન્સ મોહમ્મદ બિન સલમાનને તેમના અનુગામી તરીકે નિયુક્ત કર્યા.
પિત્તાશયની સર્જરી કરવામાં આવી હતી
આ વર્ષની શરૂઆતમાં સ્થાનિક મીડિયાએ અહેવાલ આપ્યો હતો કે કિંગ સલમાનને તેમના હૃદયની પેસમેકરની બેટરી બદલવા માટે હોસ્પિટલમાં દાખલ કરવામાં આવ્યા હતા. વર્ષ 2020માં તેણે હોસ્પિટલમાં સ્ટેન્ટ પછી પિત્તાશયની સર્જરી કરાવી. હવે ફરીથી કિંગ્સ ગાલ બ્લેડરમાં સોજાની ફરિયાદ સામે આવી છે. જે બાદ તેમને મેડિકલ ટેસ્ટ માટે હોસ્પિટલમાં લઈ જવામાં આવ્યા છે.
SBI પાસેથી 25 વર્ષ માટે 50 લાખની હોમ લોન પર EMI કેટલી આવે?
