North Korea: કિમ જોંગ ઉને ઘટાડ્યુ વજન, તસવીરોમાં ઓળખવા થયા મુશ્કેલ

North Korea: કિમ જોંગ ઉને ઘટાડ્યુ વજન, તસવીરોમાં ઓળખવા થયા મુશ્કેલ
Kim Jong Un

વર્કર્સ પાર્ટીની બેઠકમાં કિમ જોંગ ઉને આવતા વર્ષ માટે પોતાની યોજના જણાવી. આ બેઠક સોમવારે થઈ હતી. આ બેઠકમાં તમામ ઉચ્ચ સરકારી અધિકારીઓ અને સેનાના જનરલો હાજર રહ્યા હતા.

TV9 GUJARATI

| Edited By: Bhavyata Gadkari

Dec 30, 2021 | 6:01 PM

ઉત્તર કોરિયાના (North Korea) નેતા કિમ જોંગ ઉને (Kim Jong Un) આ અઠવાડિયે શાસક પક્ષની વાર્ષિક બેઠકમાં હાજરી આપી હતી. આ દરમિયાન કિમ પહેલા કરતા ખૂબ જ પાતળા દેખાઈ રહ્યા હતા. 37 વર્ષીય કિમ તેના વધતા વજન સાથે ઘણીવાર જોવા મળે છે. પરંતુ જ્યારે કિમ જોંગ ઉને કોરિયાની વર્કર્સ પાર્ટીની (Workers’ Party of Korea) 8મી સેન્ટ્રલ કમિટીની ચોથી બેઠકમાં ભાગ લીધો, ત્યારે તેઓ ખૂબ જ પાતળા જોવા મળ્યા. મહિનાની શરૂઆતમાં તેમના કાકાના મૃત્યુ પછી આ તેમની પ્રથમ જાહેર ઉપસ્થિતી હતી.

આ વર્ષની શરૂઆતમાં મીડિયા અહેવાલોમાં કહેવામાં આવ્યું હતું કે સરમુખત્યાર લગભગ 44 પાઉન્ડ વજન ઉતારી ચૂક્યા છે. એવું માનવામાં આવતું હતું કે ગયા વર્ષે કિમનું વજન લગભગ 140 કિલો હતું. કિમની ઊંચાઈ પાંચ ફૂટ સાત ઈંચ છે. વધારે વજનને કારણે તેની મુશ્કેલીઓ વધી રહી હતી. અહેવાલો અનુસાર કિમને સ્વિસ ચીઝ પસંદ છે. આ ઉપરાંત લોબસ્ટર પણ તેના પ્રિય ખોરાકમાંથી એક છે. અહીં નોંધનીય બાબત એ છે કે જ્યાં ઉત્તર કોરિયાના લોકો ભૂખમરો અને ગરીબીનો સામનો કરી રહ્યા છે. બીજી તરફ કિમ જોંગ ઉન પોતાનું જીવન લક્ઝુરિયસ રીતે જીવી રહ્યા છે.

વર્કર્સ પાર્ટીની બેઠકમાં કિમે આગામી વર્ષ માટે પોતાની યોજના જણાવી. આ બેઠક સોમવારે થઈ હતી. આ બેઠકમાં તમામ ઉચ્ચ સરકારી અધિકારીઓ અને સેનાના જનરલો હાજર રહ્યા હતા. મીટિંગમાં અત્યાર સુધી શું બન્યું તેની વિગતો આવવી મુશ્કેલ છે.

જો કે અહેવાલ અનુસાર બેઠકમાં દેશમાં ખાદ્યપદાર્થોની અછત પર ચર્ચા કરવામાં આવી હતી અને તેને ઉકેલવા માટે મધ્યમ અને લાંબા ગાળાની વિકાસ વ્યૂહરચના લાગુ કરવામાં આવી હતી. સમાજવાદી ગ્રામીણ નિર્માણ પર કેન્દ્રીત એક નવો કાર્યક્રમ શરૂ કરવામાં આવ્યો હતો, જે આ સમસ્યાને હલ કરશે.

દેશના નેતા કિમ જોંગ ઉન સૈન્યના સર્વોચ્ચ કમાન્ડર બનવાની 10મી વર્ષગાંઠ પર ઉત્તર કોરિયાએ તેના 1.2 મિલિયન સૈનિકોને ટોચના નેતાની તાકાત બનવા અને તેમના જીવ સાથે પણ તેમની સુરક્ષા કરવા માટે આહ્વાન કર્યું.

આ પણ વાંચો –

અમેરીકા સાથે પરમાણુ ડીલને લઇને તણાવ વચ્ચે ઇરાને લોન્ચ કર્યુ રોકેટ, અંતરિક્ષમાં મોકલ્યા ત્રણ ડિવાઇસ

આ પણ વાંચો –

Corona case in china : ચીનને કોરોના મુક્ત માટે કડક પ્રતિબંધ, નિયમોનો ભંગ કરવા બદલ ફટકારવામાં આવી છે આ સજા

Follow us on

Related Stories

Most Read Stories

Click on your DTH Provider to Add TV9 Gujarati