‘દુશ્મનના વિસ્તારમાં ઘૂસીને મારીશું’ જાપાનના વડાપ્રધાનની ચીન અને ઉત્તર કોરિયાને ચેતવણી, કહ્યું પોતાની સેનાને બનાવશે મજબૂત
જાપાનના વડાપ્રધાન ફ્યુમિયો કિશિદાએ શનિવારે પોતાના નિવેદનથી દુનિયાને ચોંકાવી દીધી હતી. ચીન અને ઉત્તર કોરિયાના ખતરા પર વાત કરતા તેમણે કહ્યું કે, દેશની સંરક્ષણ ક્ષમતાને વધુ મજબૂત કરવામાં આવશે.
Japan PM on China-North Korea Threat: જાપાનના વડાપ્રધાન ફ્યુમિયો કિશિદાએ (Fumio Kishida) શનિવારે પોતાના નિવેદનથી દુનિયાને ચોંકાવી દીધી હતી. ચીન અને ઉત્તર કોરિયાના ખતરા પર વાત કરતા તેમણે કહ્યું કે, દેશની સંરક્ષણ ક્ષમતાને વધુ મજબૂત કરવામાં આવશે.
જાપાન ગ્રાઉન્ડ સેલ્ફ ડિફેન્સ ફોર્સ કેમ્પ /અસલા ખાતે 800 સૈનિકોની સામે કિશિદાએ કહ્યું કે, જાપાનની આસપાસની સુરક્ષાની સ્થિતિ ઝડપથી બદલાઈ રહી છે. અમારી સંરક્ષણ ક્ષમતાને મજબૂત કરવા માટે, અમે દુશ્મનના સ્થળો પર હુમલો કરવાની ક્ષમતા જેવા વિકલ્પોને નકારી શકીએ નહીં.
ફ્યુમિયો કિશિદાએ જણાવ્યું કે, આ માટેની તૈયારીઓ શરૂ થઈ ગઈ છે. તેમણે કહ્યું કે, તેમણે જાપાનના મધ્યમ ગાળાના સુરક્ષા કાર્યક્રમ તેમજ રાષ્ટ્રીય સુરક્ષા અને સંરક્ષણ સંબંધિત માર્ગદર્શિકાની સમીક્ષા કરવાનો આદેશ આપ્યો છે. વાસ્તવમાં, ઉત્તર કોરિયાએ તાજેતરમાં ઘણા અદ્યતન રોકેટ અને મિસાઇલોનું પરીક્ષણ કર્યું છે. જેના કારણે ડર વધી ગયો છે કે જાપાનની મિસાઈલ ડિફેન્સ તેની આગળ કામ નહીં કરે. જેના કારણે સરકાર હવે અન્ય વિકલ્પો પર વિચાર કરી રહી છે.
જાપાનની સુરક્ષા માટેના નવા વિકલ્પોમાં સરકારે દુશ્મનના પ્રદેશમાં મિસાઈલ છોડવાની ક્ષમતાનો સમાવેશ કર્યો છે. જાપાનનું શાંતિવાદી બંધારણ માત્ર સ્વ-બચાવ માટે આવી ક્ષમતાઓ વિકસાવવાની મંજૂરી આપે છે. કોઈપણ કારણ વગર હુમલાઓ પ્રતિબંધિત છે (સ્વરક્ષણ પર જાપાન). સરકાર હાલમાં જે વિકલ્પોની વાત કરી રહી છે તેનો ઉપયોગ ત્યારે જ થશે જ્યારે તે સ્પષ્ટ થશે કે હુમલો જાપાન પર છે.
આનો અર્થ એ છે કે સંરક્ષણના આ પગલાં જાપાન પર હુમલાની સ્થિતિમાં જ અપનાવવામાં આવશે. કિશિદાએ કહ્યું કે, તેઓ એ વાતનો ઇન્કાર કરી શકતા નથી કે ઉત્તર કોરિયાએ નવી ટેક્નોલોજી વિકસાવી છે, જેમ કે હાઇપરસોનિક શસ્ત્રો અને ટ્રેજેક્ટરી ટ્રાન્સફરિંગ મિસાઇલો.
ચીન પણ પોતાની સૈન્ય તાકાત વધારી રહ્યું છે, જેમાં બિલકુલ પારદર્શિતા નથી. ટોક્યો અને સૈતામા પ્રાંત વચ્ચેના આ શિબિરમાં ભાષણ આપતી વખતે, જાપાનના વડા પ્રધાને ચીન (Japan PM on China Threat) પર ચિંતા વ્યક્ત કરી હતી. તેમણે કહ્યું કે પારદર્શિતાની ગેરહાજરીમાં ચીન પોતાની સૈન્ય શક્તિને મજબૂત કરવાની સાથે એકતરફી યથાસ્થિતિ બદલવાનો પ્રયાસ કરી રહ્યું છે. કિશિદાએ કહ્યું કે, આપણા સશસ્ત્ર દળોની સૌથી મહત્વપૂર્ણ ફરજ જાપાનની જમીન, જળ અને એરસ્પેસની મજબૂતીથી રક્ષા કરવી અને દેશવાસીઓની સંપત્તિ અને જીવનની સુરક્ષા કરવી છે.
આ પણ વાંચો: ખુશખબર : ઈન્ડિયન એરફોર્સમાં જોડાવા માગતા ઉમેદવારો માટે ઉતમ તક, જાણો ભરતીની સમગ્ર પ્રક્રિયા