Iran: ઈરાને 15થી વધુ અમેરિકી અધિકારીઓ પર આતંકવાદી સંગઠનોને ટેકો આપવાનો આરોપ મૂક્યો

Iran Sactions on US Officials: ઈરાને (Iran) આર્મી ચીફ જ્યોર્જ કેસી અને ભૂતપૂર્વ અમેરિકી રાષ્ટ્રપતિ ડોનાલ્ડ ટ્રમ્પ (Former US President Donald Trump)ના એટર્ની રૂડી ગિયુલિયાની સહિત 15થી વધુ અમેરિકી અધિકારીઓ પર પ્રતિબંધો લગાવ્યા છે. તેણે આ પગલું એવા સમયે ઉઠાવ્યું છે જ્યારે 2015ના પરમાણુ કરાર (Iran Nuclear Deal)ને પુનઃસ્થાપિત કરવા માટે મહિનાઓથી ચાલી રહેલી પરમાણુ વાટાઘાટો ફરી એકવાર અટવાઈ ગઈ છે. પ્રતિબંધોની યાદીમાં સામેલ મોટાભાગના અધિકારીઓ ટ્રમ્પ વહીવટીતંત્રમાં કામ કરતા હતા.

ત્યારબાદ અમેરિકાએ પણ ઈરાનના અધિકારીઓ, નેતાઓ અને કંપનીઓ પર પ્રતિબંધો લગાવ્યા હતા. આ સાથે ટ્રમ્પે અમેરિકાને ઈરાન પરમાણુ કરારમાંથી બહાર કાઢ્યું હતું. સ્થાનિક મીડિયા અનુસાર ઈરાનના વિદેશ મંત્રાલયે એક નિવેદનમાં આરોપ લગાવ્યો છે કે અમેરિકી અધિકારીઓ ઈરાન વિરુદ્ધ “આતંકવાદી સંગઠનો અને આતંકવાદી ગતિવિધિઓને સમર્થન” કરી રહ્યા છે. તેણે યુએસ અધિકારીઓ પર આ ક્ષેત્રમાં પેલેસ્ટિનિયનો વિરુદ્ધ ઇઝરાયેલની “દમનકારી પ્રવૃત્તિઓ” ને સમર્થન આપવાનો આરોપ લગાવ્યો.

11 મહિના સુધી વિયેનામાં વાતચીત થઈ

વિયેનામાં 11 મહિનાથી ચાલી રહેલી ઈરાન અને અમેરિકા વચ્ચેની આડકતરી વાતચીત અચાનક બંધ થઈ ગઈ. બંને પક્ષોએ કહ્યું છે કે તેહરાન અને વોશિંગ્ટનને બાકી રહેલા મુદ્દાઓને ઉકેલવા માટે રાજકીય નિર્ણયો લેવાની જરૂર છે. તેના નવા પ્રતિબંધો દ્વારા ઈરાને ભૂતપૂર્વ યુએસ લશ્કરી કમાન્ડર જનરલ ઓસ્ટિન સ્કોટ મિલર, ભૂતપૂર્વ યુએસ વાણિજ્ય સચિવ વિલ્બલ રોઝ અને અન્ય અધિકારીઓ સહિત ઘણા ભૂતપૂર્વ રાજદૂતોને નિશાન બનાવ્યા છે.

Web Stories View more

પ્રેમાનંદ મહારાજ વૃંદાવન કેમ છોડતા નથી? જણાવ્યું મોટું રહસ્ય

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

જાન્યુઆરીમાં 51 અધિકારીઓ પર પ્રતિબંધ મૂક્યો હતો

આ પહેલા જાન્યુઆરીમાં ઈરાને 51 અમેરિકનો પર પ્રતિબંધો લગાવ્યા હતા. જેમાંથી મોટાભાગના યુએસ આર્મીના છે. આ પ્રતિબંધો વર્ષ 2020માં ઈરાકમાં ડ્રોન હુમલામાં જનરલ કાસિમ સુલેમાનીના મોત બાદ લગાવવામાં આવ્યા હતા. આ સિવાય ટ્રમ્પ અને અમેરિકાના ઘણા વરિષ્ઠ અધિકારીઓ પર પણ ગયા વર્ષે પ્રતિબંધ મૂકવામાં આવ્યો હતો. સુલેમાનીના મોત બાદ ઈરાન અને અમેરિકા વચ્ચે તણાવ ઘણો વધી ગયો છે. ઈરાનમાં પણ અમેરિકા સામે ભારે વિરોધ પ્રદર્શન થઈ રહ્યા છે. જ્યારે યુએસએ 2018માં કરારમાંથી બહાર નીકળ્યું, ત્યારે ઈરાને પણ તેનું ઉલ્લંઘન કરવાની જાહેરાત કરી હતી.

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-

આ પણ વાંચો : લાઉડસ્પીકર વિવાદ યથાવત : MNSએ શિવસેના ભવનની બહાર હનુમાન ચાલીસાના પાઠ કર્યા, મોટી સંખ્યામાં પોલીસ ફોર્સ તૈનાત