પાકિસ્તાનમાં આવી ગઈ ભુખ્યા મરવાની નોબત, બ્રેડથી લઈને ચા સુધીનું દેશમાં મોટુ સંકટ
પાકિસ્તાનના વડાપ્રધાન શાહબાઝ શરીફે પેટ્રોલ અને ડીઝલની કિંમતો પર ટ્વીટ કરીને આ માટે અગાઉની સરકારને જવાબદાર ગણાવી છે. તેમણે કહ્યું કે ગત સરકાર દરમિયાન થયેલી IMF ડીલને કારણે વર્તમાન સરકારે આ નિર્ણય લેવો પડ્યો.
પાકિસ્તાનની (Pakistan) આર્થિક સ્થિતિને લઈને ઘણા સમયથી ચર્ચા ચાલી રહી છે. પાકિસ્તાનની સ્થિતિ શ્રીલંકા (Sri lanka) જેવી બનશે કે કેમ તે અંગે અટકળો લગાવવામાં આવી રહી છે. પાકિસ્તાનના શાસકો એટલે કે શાસન વ્યવસ્થા ચલાવનારાઓ આ વાતને નકારી રહ્યા છે. તેઓ દાવો કરી રહ્યા છે કે બધું સુધરશે, બધું સારું થઈ જશે. પરંતુ શું તે ખરેખર એટલું સરળ છે? તે પણ જ્યારે દેશમાં પેટ્રોલ અને ડીઝલના (Petrol Diesel Price) ભાવ આસમાને પહોંચ્યા છે, ત્યારે લાંબા સમય સુધી પાવર કટ છે અને વધુ લોકોને ઓછી ચા પીવા માટે કહેવામાં આવ્યું છે.
તમને જણાવી દઈએ કે એક ડોલરની કિંમત 207 પાકિસ્તાની રૂપિયાને પાર કરી ગઈ છે. અમેરિકી ડૉલર સામે પાકિસ્તાનનો રૂપિયો જેટલો નબળો પડતો જાય છે તેટલુ જ આર્થિક સંકટ વધુ ઊંડું થાય છે. કારણ કે પાકિસ્તાનમાં વિદેશમાંથી ઘણી વસ્તુઓ આયાત કરવામાં આવે છે અને આ આયાતી ચીજવસ્તુઓની કિંમત ડોલરમાં ચૂકવવામાં આવે છે. એટલે કે વધુ ડોલર માટે વધુ પાકિસ્તાની રૂપિયા ચૂકવવા પડશે. આના કારણે ત્યાં મોંઘવારીનો પારો ઊંચો જશે તે સ્પષ્ટ છે.
પાકિસ્તાનમાં પેટ્રોલના ભાવમાં વધારો
પાકિસ્તાનમાં આ વખતે પેટ્રોલના ભાવમાં રૂપિયા 24થી વધુનો વધારો થયો છે. ત્યાં પેટ્રોલનો ભાવ 233 રૂપિયા અને ડીઝલનો ભાવ 263 રૂપિયા છે. જ્યારે પણ પેટ્રોલિયમ ઉત્પાદનોમાં વધારો થાય છે, ત્યારે દરેક વસ્તુના ભાવ વધી જાય છે. પછી તે FMCG ઉત્પાદનો હોય કે શાકભાજીના ભાવ. એટલે કે હવે પાકિસ્તાનમાં મોંઘવારીનો બોમ્બ ફૂટવાનો છે અને જ્યારે આવું થશે તો ચોક્કસ ત્યાંની સ્થિતિ પણ શ્રીલંકા જેવી થઈ શકે છે.
આ બહુ જૂની વાત નથી, જ્યારે શ્રીલંકાથી આવી જ તસવીરો અને સમાચારો સામે આવી રહ્યા હતા, જેમાં કહેવામાં આવી રહ્યું હતું કે હવે ત્યાં એક કપ દૂધ પણ નથી મળતું અથવા તો તેની કિંમત એટલી વધી ગઈ છે કે લોકો પોતાના બાળકોને ભૂખે મારે સૂવાની ફરજ પડી છે. ત્યાં પણ પેટ્રોલ અને ડીઝલના ભાવમાં બેફામ વધારો થયો અને પછી મોંઘવારીએ જાણે પગ ઉખેડી નાખ્યા. આખરે શ્રીલંકા નાદાર થઈ ગયું. પરંતુ શું પાકિસ્તાન સામે પણ આવી જ સ્થિતિ છે?
પાકિસ્તાનના વડાપ્રધાન શાહબાઝ શરીફે પેટ્રોલ અને ડીઝલની કિંમતો પર ટ્વીટ કરીને આ માટે અગાઉની સરકારને જવાબદાર ગણાવી છે. તેમણે કહ્યું કે ગત સરકાર દરમિયાન થયેલી IMF ડીલને કારણે વર્તમાન સરકારે આ નિર્ણય લેવો પડ્યો. તમને જણાવી દઈએ કે છેલ્લા 20 દિવસમાં પાકિસ્તાનમાં ત્રણ વખત પેટ્રોલ અને ડીઝલના ભાવમાં વધારો કરવામાં આવ્યો છે.
પાકિસ્તાનના શહેરોમાં 10થી 12 કલાક માટે પાવર કટ
એવું નથી કે પાકિસ્તાનનું સંકટ માત્ર પેટ્રોલ અને ડીઝલ પૂરતું જ સીમિત છે. ત્યાંના લોકો માટે વીજળીની કટોકટી પણ મોટી સમસ્યા બની ગઈ છે. ત્યાં ઘણા વિસ્તારોમાં રાત્ર પડતા જ એટલે કે સાડા આઠ થતાં જ વીજળી ગુલ થઈ જાય છે. ઘણા શહેરોમાં 10થી 12 કલાક સુધી પાવર કટ છે. લગ્નો, પાર્ટીઓ અને અન્ય ફંક્શનો પણ ઓછા અથવા ઓછી વીજળી સાથે થાય છે. સરકારી કર્મચારીઓને શનિવારની પાળીમાંથી રજા આપવામાં આવી છે. તાજેતરમાં ઘણા વિસ્તારોમાં મોબાઈલ ટાવર ચલાવવા માટે પણ વીજળી નથી. એટલે કે ઘણા વિસ્તારોમાં મોબાઈલ નેટવર્ક પણ ગાયબ થઈ ગયું છે.
પાકિસ્તાનની આર્થિક સ્થિતિ કેટલી ખરાબ થઈ ગઈ છે તેનું એક લક્ષણ આયોજન મંત્રીનું નિવેદન ગણી શકાય, જેમાં તેમણે ઓછી ચા પીવાનું કહ્યું છે. આયોજન મંત્રી અહેસાન ઈકબાલે કહ્યું કે અમે જે ચા પી રહ્યા છીએ તે તેઓ પણ ઉધારના પૈસાથી પી રહ્યા છે. હું જનતાને અપીલ કરું છું કે ચાનો કપ ઓછો કરો. પાકિસ્તાન જે 5 વસ્તુઓ આયાત કરે છે, તેમાં ચા ટોપ 5માં સામેલ છે.
પાકિસ્તાની અખબાર ડૉનમાં પ્રકાશિત અહેવાલમાં જણાવાયું છે કે પેશાવરમાં બ્રેડ વેચનારાઓ, જેમને ત્યાંની સ્થાનિક ભાષામાં નાનબાઈ કહેવામાં આવે છે, તે બુધવાર 15 જૂને હડતાળ પર ઉતરી ગયા હતા. તેમની માંગ હતી કે રોટલીના ભાવમાં વધારો થવો જોઈએ. આખરે પ્રશાસને રોટલીના ભાવમાં 5 રૂપિયાનો વધારો કર્યો અને પછી હડતાળનો અંત આવ્યો. હવે 135 ગ્રામ રોટલીનો ભાવ 15 રૂપિયા થઈ ગયો છે. રિપોર્ટમાં કહેવામાં આવ્યું છે કે 2018માં 85 કિલો લોટની બોરીની કિંમત 3,600 રૂપિયા હતી જે હવે વધીને 2022માં 7,300 થઈ ગઈ છે. ત્યારે પણ રોટલીની કિંમત માત્ર 10 રૂપિયા હતી અને અત્યારે પણ એટલી જ કિંમત છે. જેની સામે નાનબાઈ સંગઠન હડતાળ પર ઉતર્યું હતું.
એટલે કે બ્રેડથી લઈને ચા સુધી પાકિસ્તાનમાં વિજળીથી લઈને પેટ્રોલ સુધીની સમસ્યાઓ છે, સંકટ ઘેરું થતું જોવા મળી રહ્યું છે. આવી સ્થિતિમાં પાકિસ્તાનના શાસકો, તેના શાસકો, તેના નેતાઓ અને ત્યાંની સરકાર આ સંકટને કેટલો સમય સહન કરી શકશે, કેટલો સમય આ સમસ્યાનો સામનો કરી શકશે, તે જોવાનું રહેશે.