શ્રીલંકાને મદદ કરવા ભારતે ફરી હાથ લંબાવ્યો, 40 હજાર ટન ડીઝલનો જથ્થો મોકલ્યો
Sri Lanka Crisis: ભારતે આ વર્ષે અત્યાર સુધીમાં શ્રીલંકા (Sri Lanka)ને 3.5 બિલિયન ડોલરની મદદ કરી છે. ભારતે શ્રીલંકાને 40 હજાર ટન ડીઝલનો વધુ એક જથ્થો મોકલ્યો છે. અગાઉ, 23 મેના રોજ, ભારતે શ્રીલંકાને લગભગ 40,000 ટન પેટ્રોલ મોકલ્યું હતું.
ભારત તેના પાડોશી દેશ શ્રીલંકાને સતત મદદ કરી રહ્યું છે (India Sri-Lanka relations). ભારતે મંગળવારે કહ્યું કે તેણે 40,000 ટન ડીઝલનો બીજો માલ શ્રીલંકાને મોકલ્યો છે. પાડોશી દેશ શ્રીલંકા ખૂબ જ મુશ્કેલ આર્થિક સંકટમાંથી પસાર થઈ રહ્યું છે અને ત્યાંના લોકો ઈંધણની તીવ્ર અછતનો સામનો કરી રહ્યા છે. ગયા મહિને ભારતે શ્રીલંકા (Sri-Lanka)ને ઇંધણની આયાત કરવા માટે વધારાની 500 મિલિયન ડોલરની ક્રેડિટની જાહેરાત કરી હતી. આ રકમનો ઉપયોગ શ્રીલંકાને ઈંધણ સપ્લાય માટે કરવાનો છે. શ્રીલંકા આવશ્યક ચીજવસ્તુઓની આયાત માટે ચૂકવણી કરવા માટે સંઘર્ષ કરી રહ્યું છે કારણ કે તેના વિદેશી હૂંડિયામણના ભંડાર મોટા પ્રમાણમાં ઘટી ગયા છે. આ કારણે તેની કરન્સીની કિંમત ઘટી છે અને મોંઘવારી ઘણી વધી ગઈ છે. ભારતે 23 મેના રોજ લગભગ 40,000 ટન પેટ્રોલ શ્રીલંકાને મોકલ્યું હતું.
ભારતીય હાઈ કમિશને ટ્વિટર પર એક સંદેશમાં જણાવ્યું હતું કે, ભારતની મદદ હેઠળ સોમવારે સાંજે 40,000 ટન ડીઝલનો કન્સાઈનમેન્ટ કોલંબો પહોંચ્યો હતો. 2 ફેબ્રુઆરી, 2022ના રોજ, ભારતે પેટ્રોલિયમ ઉત્પાદનોની ખરીદી માટે પડોશી દેશને 500 મિલિયન ડોલરની લાઇન ઓફ ક્રેડિટ પ્રદાન કરવા માટે કરાર પર હસ્તાક્ષર કર્યા. ભારતની મદદથી માર્ચ અને એપ્રિલમાં શ્રીલંકાને વિવિધ પ્રકારનું લગભગ 400,000 ટન ઇંધણ પૂરું પાડવામાં આવ્યું છે.
આ વર્ષે અત્યાર સુધીમાં 3.5 બિલિયન ડોલર સપોર્ટ
ભારત તેના પડોશી દેશો માટે હંમેશા તૈયાર છે. આ વર્ષે ભારતે શ્રીલંકાને વિવિધ માધ્યમો દ્વારા 3.5 બિલિયન ડોલરનું સમર્થન આપ્યું છે. મીડિયા રિપોર્ટ્સ અનુસાર, શ્રીલંકાએ ભારત પાસેથી વધુ 500 મિલિયન ડોલરની ક્રેડિટની માંગ કરી છે. ગયા અઠવાડિયે શ્રીલંકાના હાઈ કમિશનર નાણામંત્રી નિર્મલા સીતારમણને મળ્યા હતા. આ દરમિયાન, તેણે વધારાની ક્રેડિટ લાઇન સપોર્ટની માંગ કરી હતી.
ફોરેક્સ રિઝર્વ સંપૂર્ણપણે ખાલી છે
શ્રીલંકા હાલમાં 1948માં આઝાદી બાદ તેના સૌથી ખરાબ આર્થિક તબક્કામાંથી પસાર થઈ રહ્યું છે. વિદેશી હૂંડિયામણનો ભંડાર સાવ ખતમ થઈ ગયો છે. જેના કારણે ત્યાંની સરકાર આવશ્યક ચીજવસ્તુઓ ખરીદી શકતી નથી. શ્રીલંકાના વડા પ્રધાન રાનિલ વિક્રમસિંઘે ભૂતકાળમાં ભારત તરફથી મળેલી મદદના કારણે ભારતની ઉગ્ર પ્રશંસા કરી હતી. આ સાથે તેમણે બંને દેશો વચ્ચેના સંબંધોને વધુ મજબૂત કરવાની હિમાયત કરી હતી.
25 ટન મેડિકલ સપ્લાય પણ કરવામાં આવ્યો છે
ભારતે શ્રીલંકાને 25 ટન દવાની નિકાસ પણ કરી, જેની કિંમત આશરે 260 મિલિયન શ્રીલંકન રૂપિયા છે. સમગ્ર દેશમાંથી શ્રીલંકાને મદદનો હાથ લંબાવવામાં આવ્યો હતો. વિવિધ સંસ્થાઓ અને હોસ્પિટલો દ્વારા આપવામાં આવેલા દાન પછી, ભારતે 25 ટન તબીબી પુરવઠો પૂરો પાડ્યો હતો.
Latest News Updates
