Gunmen Attack in Mali: માલીમાં બંદૂકધારીઓનો ‘આતંક’! ટ્રકમાં જઈ રહેલા નિર્દોષ લોકો પર હુમલો, 31ના મોત
માલીમાં (Mali) બંદૂકધારીઓએ નાગરિકોને લઈ જતી ટ્રક પર હુમલો કર્યો હતો. આ હુમલામાં 31 લોકોના મોત થયા હતા.
માલીમાં (Mali) બંદૂકધારીઓએ નાગરિકોને લઈ જતી ટ્રક પર હુમલો (Gunmen Attack in Mali) કર્યો હતો. આ હુમલામાં 31 લોકોના મોત થયા હતા. એક સ્થાનિક અધિકારીએ શનિવારે આ જાણકારી આપી. બાંદિયાગરાના મેયર હોસેની સાઈએ જણાવ્યું હતું કે, ટ્રકમાં લગભગ 50 નાગરિકો હતા.
શુક્રવારે શહેરની બહાર લગભગ 10 કિમી દૂર બંદૂકધારીઓએ વાહન પર હુમલો કર્યો હતો. માલીની ટ્રાન્ઝિશનલ પાર્લામેન્ટના સભ્ય અને મેયર સાઈએ જણાવ્યું હતું કે, ગોળીબારના કારણે ટ્રકમાં આગ લાગી હતી અને 31 લોકો માર્યા ગયા હતા. જેના કારણે મોટાભાગના લોકો બળીને મૃત્યુ પામ્યા હતા.
હોસૈની સાઈએ કહ્યું કે, હુમલામાં ઘણા લોકો ઘાયલ થયા છે અને બે લાપતા છે. અત્યાર સુધી આ હુમલાની જવાબદારી કોઈએ લીધી નથી. પરંતુ તે અલ-કાયદા સાથે જોડાયેલા સ્થાનિક સશસ્ત્ર જૂથો દ્વારા હાથ ધરવામાં આવી શકે છે. રક્તપાત મધ્ય માલીમાં સમુદાયો વચ્ચે તણાવ વધારી શકે છે. જેના કારણે આ વિસ્તારમાં હિંસા વધુ વધી શકે છે. અલ-કાયદા સાથે જોડાયેલા સશસ્ત્ર જૂથો દ્વારા માલિયન સૈન્ય સામે હુમલા 2015 માં શરૂ થયા હતા. માલીમાં નાગરિકો અને સંયુક્ત રાષ્ટ્રના શાંતિ સૈનિકો પર હુમલાને કારણે અસુરક્ષા વધી છે.
સેનાના કાફલાને બંદૂકધારીઓએ નિશાન બનાવ્યો
ઓગસ્ટની શરૂઆતમાં, બંદૂકધારીઓએ માલીમાં સેનાના કાફલા પર હુમલો કર્યો હતો. આ હુમલામાં 15 જવાનો શહીદ થયા હતા. થોડા દિવસો પહેલા જ દેશના ઉત્તર ભાગમાં થયેલા અન્ય હુમલામાં ડઝનબંધ નાગરિકો માર્યા ગયા હતા. માલીની સેનાએ એક નિવેદનમાં જણાવ્યું હતું કે, સૈનિકો ડુએન્ટઝા શહેરથી બોની જઈ રહ્યા હતા. આ દરમિયાન તેમની પાસેથી પસાર થઈ રહેલા એક વાહનમાં વિસ્ફોટ થયો હતો. આ પછી ભીષણ ગોળીબાર શરૂ થયો. હુમલાની જવાબદારી કોઈએ લીધી નથી, પરંતુ તેની પાછળ અલ-કાયદાનો હાથ હતો. 2012 માં, ઇસ્લામી આતંકવાદીઓએ ઉત્તરી માલીના મુખ્ય શહેરો પર કબજો મેળવ્યો.
નાઇઝરમાં જોવા મળ્યો બંદૂકધારીઓનો આતંક
આ પહેલા નાઈજરમાં બંદૂકધારીઓના હુમલામાં (Gunmen attack in Niger) મેયર સહિત ઓછામાં ઓછા 69 લોકો માર્યા ગયા હતા. સરકારે આ હુમલાની પુષ્ટિ કરી હતી. આ હુમલો નાઈજરની બુર્કિના ફાસો (Burkina Faso) અને માલીની (Mali) સરહદ નજીક થયો હતો. આ વિસ્તાર એક અસ્થિર પ્રદેશ છે, જે આફ્રિકાના સાહેલ પ્રદેશના પશ્ચિમ ભાગમાં દેશના સુરક્ષા દળો અને ઈસ્લામિક સ્ટેટ અને અલ-કાયદા સાથે જોડાયેલા સશસ્ત્ર જૂથો વચ્ચે વર્ષોથી લડાઈ ચાલી રહી છે. સંઘર્ષનું કેન્દ્ર રહ્યું છે.
આ પણ વાંચો: Ayush Ministry Recruitment 2021: આયુષ મંત્રાલયમાં નોકરી મેળવવાની તક, 10 ડિસેમ્બર સુધી કરી શકો છો અરજી
આ પણ વાંચો: NHB Recruitment 2021: બેંકમાં નોકરી મેળવવાની તક, આસિસ્ટન્ટ મેનેજર સહિત અનેક જગ્યાઓ માટે ભરતી, જુઓ વિગતો