ખ્રિસ્તીઓ પર અત્યાચારના મુદ્દે ડોનાલ્ડ ટ્રમ્પે નાઈજીરીયા ઉપર હુમલો કરવાની આપી ધમકી
અમેરિકાના રાષ્ટ્રપતિ ડોનાલ્ડ ટ્રમ્પે નાઇજીરીયાને ઇસ્લામિક આતંકવાદ અને ખ્રિસ્તીઓની હત્યા વિશે ચેતવણી આપી છે. તેમણે કહ્યું કે જો ખ્રિસ્તીઓનો નરસંહાર બંધ નહીં થાય, તો તેમની બંદૂકો ગર્જના કરવા માટે તૈયાર છે.
યુએસ રાષ્ટ્રપતિ ડોનાલ્ડ ટ્રમ્પે પશ્ચિમ આફ્રિકન દેશ નાઇજીરીયાને ચેતવણી આપતા કહ્યું છે કે, જો હવે વધુ ખ્રિસ્તીઓનો નરસંહાર કરવામાં આવશે, તો યુએસ સૈન્ય હુમલો કરશે. ગઈકાલ શનિવારે, ડોનાલ્ડ ટ્રમ્પે કહ્યું કે, તેમણે સંરક્ષણ વિભાગને ઝડપી લશ્કરી કાર્યવાહી માટે તૈયાર રહેવા સૂચના આપી છે. તેમણે કહ્યું કે યુએસ તાત્કાલિક અસરથી નાઇજીરીયાને આપવામાં આવતી તમામ સહાય સ્થગિત કરી રહ્યું છે.
ટ્રમ્પે નાઇજીરીયાની સરકારને કહ્યું છે કે, જો તેઓ ખ્રિસ્તીઓને બચાવવામાં અસમર્થ રહેશે, તો અમેરિકાની બંદૂકો તેમના પર ગર્જના કરવા માટે તૈયાર છે. યુએસ ઇસ્લામિક આતંકવાદને જડમૂળથી ખતમ કરવા માટે પ્રતિબદ્ધ છે. ટ્રમ્પે કહ્યું, “જો અમે હુમલો કરીશું, તો તે ઝડપી, ભયાનક અને નિર્ણાયક સ્તરનો હશે. આ હુમલો એવો હશે જેમ આતંકવાદીઓ અમારા પ્રિય ખ્રિસ્તીઓ પર હુમલો કરે છે. નાઇજીરીયાની સરકારે તાત્કાલિક કાર્યવાહી કરવી જોઈએ.
યુએસ સંરક્ષણ સચિવ પીટ હેગસેથે જણાવ્યું હતું કે, તેઓ કાર્યવાહી માટે તૈયારી કરી રહ્યા છે. તેમણે જણાવ્યું હતું કે જો નાઇજીરીયાની સરકાર કાર્યવાહી કરવામાં નિષ્ફળ જશે, તો યુએસ સૈન્ય ઇસ્લામિક આતંકવાદ ફેલાવતા સંગઠનોનો નાશ કરશે. ટ્રમ્પ વહીવટીતંત્રે તાજેતરમાં નાઇજીરીયાને એવા દેશોની યાદીમાં ઉમેર્યું છે જ્યાં ધાર્મિક અત્યાચારો વ્યાપક છે. આ યાદીમાં પાકિસ્તાન, રશિયા, ચીન, મ્યાનમાર અને ઉત્તર કોરિયાનો પણ સમાવેશ થાય છે.
⚡️ Trump threatens to ATTACK Nigeria to protect Christians
If ‘KILLINGS’ continue… ‘USA will IMMEDIATELY stop all aid’
Orders war department to prepare OPTIONS
‘If we attack, it will be fast, vicious and sweet’
‘NIGERIAN GOVERNMENT BETTER MOVE FAST’ pic.twitter.com/Wdrc23Sj7o
— RT (@RT_com) November 1, 2025
ડોનાલ્ડ ટ્રમ્પે શુક્રવારે જણાવ્યું હતું કે, નાઇજીરીયામાં હજારો ખ્રિસ્તીઓ માર્યા ગયા છે. ઇસ્લામિક ઉગ્રવાદીઓ અહીં ખ્રિસ્તીઓને નિશાન બનાવી રહ્યા છે, જ્યારે રાષ્ટ્રપતિ બોલા અહેમદ ટીનુબુ સતત દાવો કરે છે કે તેઓ ધાર્મિક સ્વતંત્રતાના રક્ષક છે. નાઇજીરીયાના વિદેશ મંત્રાલયે એક નિવેદન જાહેર કરીને કહ્યું હતું કે, તે આતંકવાદ સામે યુદ્ધ લડી રહ્યું છે અને આશા રાખે છે કે યુએસ તેનું સાથી રહેશે. એ નોંધવું જોઈએ કે બોકો હરામ આતંકવાદી સંગઠન નાઇજીરીયામાં સૌથી વધુ કુખ્યાત આતંકવાદી જૂથ માનવામાં આવે છે.
આ પણ વાંચોઃ ટ્રમ્પે વધુ એક ફટકો આપ્યો ! H-1B વિઝા બાદ હવે વર્ક પરમિટને લઈને ભારતીયો પર ‘ઘા’ કર્યા, અમેરિકામાં ઇમિગ્રન્ટ્સનું શું ?
