કોલ્ડ ડ્રિંકની શરત લગાવતા પહેલા ચેતી જજો ! 10 મિનીટમાં દોઢ લીટર કોકાકોલા પી જતા છોકરાનું થયુ મોત

કોલ્ડ ડ્રિંકની શરત લગાવતા પહેલા ચેતી જજો ! 10 મિનીટમાં દોઢ લીટર કોકાકોલા પી જતા છોકરાનું થયુ મોત
Chinese boy dies after drinking one and half bottle of coca cola in 10 minutes

આ બાબતે કેટલાક નિષ્ણાંતો કહે છે કે ઝડપથી કોલ્ડ ડ્રિંક્સ પીવાના કારણે છોકરાના આંતરડામાં ગેસ બન્યો હતો. આ સિવાય પેટની નળીમાં પ્રવેશતા ગેસના કારણે લીવરમાં ઓક્સિજનનો પુરવઠો બંધ થઈ ગયો હતો.

TV9 GUJARATI

| Edited By: Bhavyata Gadkari

Sep 25, 2021 | 2:02 PM

વિશ્વમાં એવા ઘણા લોકો છે જે એક જ શ્વાસમાં ઠંડા પીણાની (Cold Drink) આખી બોટલ ગળી જવાની શરતો લગાવતા હોય છે. જો તમે પણ તેમાંથી એક છો, તો આ કરવાનું બંધ કરો. ખરેખર, ચીનથી (China) એક ખૂબ જ ચોંકાવનારા સમાચાર સામે આવ્યા છે. અહીં 22 વર્ષીય એક છોકરાનું કોકાકોલા (Coca Cola) પીવાથી મોત થયું છે. કહેવામાં આવી રહ્યું છે કે આ છોકરાએ 10 મિનિટમાં દોઢ લિટર કોકા-કોલા પી લીધો. જેના કારણે તેના શરીરમાં ગેસનો એવો પ્લમ સર્જાયો કે તે તેને સહન ન કરી શક્યો અને તેનું મૃત્યુ થયું. ડોક્ટરોના આ ખુલાસાથી દરેક વ્યક્તિ ચોંકી ઉઠી છે.

કોલ્ડ ડ્રિંક્સના શોખીનો માટે ચીનના આ સમાચાર ચેતવણી રૂપ છે. સ્થાનિક મીડિયાના અહેવાલો અનુસાર, ચીનમાં આ દિવસોમાં ગરમી પડી રહી છે. આવી સ્થિતિમાં, બેઇજિંગના એક છોકરાએ ગરમીથી રાહત મેળવવા માટે કોકા કોલાની દોઢ લિટરની બોટલ ખરીદી અને તેને દસ મિનિટમાં સંપૂર્ણપણે પી લીધી. જે બાદ તેના શરીરમાં ખૂબ ગેસ બન્યો અને સ્થિતિ બગડવા લાગી. તેને તાત્કાલિક નજીકની હોસ્પિટલમાં લઈ જવામાં આવ્યો, જ્યાં તેનું મૃત્યુ થયું.

રિપોર્ટ અનુસાર, કોલ્ડ ડ્રિંકની બોટલ ગટગટાવી ગયા બાદ છોકરાના હૃદયના ધબકારા વધી ગયા હતા અને બ્લડ પ્રેશર ઘટવા લાગ્યું હતું. આ સાથે જ તેના શ્વાસ પણ ફુલાવા લાગ્યા. છ કલાક પછી છોકરાને હોસ્પિટલમાં દાખલ કરવામાં આવ્યો અને 18 કલાકની અંદર તેનું મૃત્યુ થયું. ડોક્ટરોનું કહેવું છે કે કોલ્ડ ડ્રિંક પીવાના કારણે તેના પેટમાં ગેસ બન્યો હતો, જે તે સહન કરી શકયો ન હતો અને તેણે પોતાનો જીવ ગુમાવ્યો.

આ બાબતે કેટલાક નિષ્ણાંતો કહે છે કે ઝડપથી કોલ્ડ ડ્રિંક્સ પીવાના કારણે છોકરાના આંતરડામાં ગેસ બન્યો હતો. આ સિવાય પેટની નળીમાં પ્રવેશતા ગેસના કારણે લીવરમાં ઓક્સિજનનો પુરવઠો બંધ થઈ ગયો હતો. જેના કારણે છોકરાએ પોતાનો જીવ ગુમાવ્યો. પરંતુ લંડન યુનિવર્સિટીના પ્રોફેસર નાથન આ થિયરીમાં માનતા નથી. તેઓ માને છે કે કોલ્ડ ડ્રિંક્સ પીવાથી કોઈનું મૃત્યુ શક્ય નથી.

આ પણ વાંચો –

Pitru paksha 2021: શ્રાદ્ધ પર કરવામાં આવેલું દાન દૂર કરશે આપના ઘરનો કલેશ ! જાણો કઈ વસ્તુઓના દાન થી મળશે પિતૃઓના આશિષ

આ પણ વાંચો –

Former cricketers : ભૂતપૂર્વ ક્રિકેટરોની મદદ માટે BCCI પણ આગળ આવ્યું, બોર્ડની આવી યોજના છે

આ પણ વાંચો –

National Cooperative Conference: સહકાર વિના ગરીબ કલ્યાણ અને અંત્યોદયની કલ્પના કરવી અશક્ય : અમિત શાહ

Follow us on

Related Stories

Most Read Stories

Click on your DTH Provider to Add TV9 Gujarati