વેક્સિનની અસર: અમેરિકામાં દાવો, કોરોનાથી મરનારા લોકોમાં 98% એ નહોતી લીધી વેક્સિન

અમેરિકામાં વેક્સિનને લઈને મોટા અહેવાલ સામે આવ્યા છે. ખાનગી સમાચાર સંસ્થાએ સરકારી ડેટાના આધારે આ જાણકારી પ્રાપ્ત કરી છે. જેમાં જણાવ્યા અનુસાર અમેરુકામાં હવે એ જ લોકોના કોરોનાથી મૃત્યુ થઇ રહ્યા છે જેમણે વેક્સિન નથી લીધી. જોરશોરથી ચાલી રહેલા વેક્સિનેશન કાર્યક્રમનું આ સકારાત્મક પરિણામ સામે આવ્યું છે. હાલમાં ત્યાં મૃત્યુની સંખ્યા 300 થી નીચે થઇ ગઈ છે. અહેવાલોમાં કહેવામાં આવ્યું છે કે લાયકાત ધરાવતા દરેક લોકો વેક્સિન લઇ લે તો આ આંકડો શૂન્ય થઇ શકે છે.

મેં મહિનાના ડેટાના વિશ્લેષણ બાદ આ અહેવાલ જાહેર કર્યો છે. જેમાં હોસ્પિટલમાં દાખલ કોરોનાથી સંક્રમિત 8.53 લોકોમાંથી માત્ર 1200 લોકો જ એવા છે જે વેક્સિન લીધા બાદ સંક્રમિત થયા. વેક્સિનેશન બાદ સંક્રમણનો દર 0.1 ટકા છે. બીજી તરહ મે મહિનામાં કોરોનાથી મૃત્યુ પામેલા 18 હજાર લોકોમાંથી માત્ર 150 લોકો એવા હતા જેમણે વેક્સિન લીધી હતી. એટલે કે આ દર ઘટીને 0.8 ટકા થઇ ગયો છે.

સેન્ટર ફોર ડીઝીસ કંટ્રોલના ડેટાના આધારે અમેરિકાની સમાચાર સંસ્થાએ આ વિશ્લેષણ કર્યું છે. તેમનું કહેવું છે કે વેક્સિન બાદ 45 રાજ્યોમાં મૃત્યુની સંખ્યા ઘટી છે.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

1 શેર પર ટાટા કંપની ઈતિહાસનું સૌથી મોટું ડિવિડન્ડ આપશે

અમેરિકાના રાષ્ટ્રપતિ જો બાઈડને પણ આ મહિનાની શરૂઆતમાં કહ્યું હતું કે કોરોના મૃત્યુમાં 98-99 ટકા લોકો એવા છે જેમણે વેક્સિન નહોતી લીધી. તેમજ સેન્ટર ફોર ડીઝીસ કંટ્રોલના ડાયરેક્ટરનું કહેવું છે કે વેક્સિન એટલી પ્રભાવી છે કે આ સમયે કોરોનાથી થનારી કોઈ પણ મોતને અટકાવી શકે છે. જે લોકોનું મૃત્યુ થયું ટે અત્યંત દુખદ છે પરંતુ તેઓ વેક્સિન મુકાવી લેવા તો કદાચ બચી જાત.

અમેરિકામાં જાન્યુઆરીમાં કોરોનાના કારણે પ્રતિદિન 3400 મોત થતા હતા. પરંતુ વેક્સિનેશન બાદ આંકડો ખુબ કંટ્રોલમાં છે. આંકડા અનુસાર 12 વર્ષ અને તેનાથી વધુ ઉંમરના લાયકાત ધરાવતા લોકોમાં 63 ટકા લોકોને વેક્સિનનો એક ડોઝ અને 53 ટકા લોકોને બંને ડોઝ મળી ચુક્યા છે.

સીએટલના કિંગ કાઉન્ટીમાં, જાહેર આરોગ્ય વિભાગને જાણવા મળ્યું છે કે છેલ્લા 60 દિવસમાં કોરોનાને કારણે માત્ર 3 એવા લોકોનાં મોત થયા છે જેમનું વેક્સિનેશન થઇ ગયું હતું. પરંતુ વેક્સિન ના લીધી હોય તેવા 62 લોકો મૃત્યુ પામ્યા છે.

અમેરિકામાં ઠેર ઠેર એવા અહેવાલો સામે આવી રહ્યા છે જેમાં કોરોના સંક્રમિત લોકોમાં વેક્સિન ના લેનારાની સંખ્યા વધુ હોય. આંકડા પરથી જાહેર છે કે વેક્સિનથી કોરોનાના મૃત્યુથી ઘણા લોકોને બચાવી શકાય છે. આ માટે દુનિયાભરના દેશો પ્રયાસમાં લાગેલા છે.