ઓનલાઈન મંગાવ્યા સફરજન અને આવી ગયો iPhone, જાણો કઈ રીતે થયો આ ચમત્કાર
ઇંગ્લેન્ડમાં રહેતા નિક જેમ્સ નામના વ્યક્તિએ સ્થાનિક સુપરમાર્કેટ Tesco થી સફરજન મંગાવ્યા હતા. પરંતુ જ્યારે તેને ઓર્ડર મળ્યો અને તે ખોલતાંની સાથે સફરજનને બદલે આઇફોન જોવા મળ્યો.
આ વિશ્વ અજીબોગરીબ છે. ઘણી વાર આપણી સાથે કંઈક એવું થાય છે, જેના પર આપણે ખુદ વુશ્વાસ કરી શકતા નથી, તો પછી એ ઘટના પર દુનિયા કેવી રીતે વિશ્વાસ કરી શકે. અત્યાર સુધી ઘણા કિસ્સાઓ સાંભળ્યા છે જેમાં ઓનલાઈન કંઇક મંગાવ્યું હોય અને પત્થર આવ્યા હોય. ઘણી વાર તો એવું પણ સાંભળવા મળ્યું છે કે આઈફોનના બદલામાં સફરજન આવી ગયા હોય. પરંતુ ઇંગ્લેંડમાં એક સાવ જુદી જ ઘટના સામે આવી છે. અહીં એક વ્યક્તિએ ફોનનો ઓર્ડર આપ્યા વિના મોંઘો ફોન આપવામાં આવ્યો છે. આ અજીબોગરીબ કેસ વિશે જાણીને તમે પણ ચોંકી જશો.
સફરજનની જગ્યાએ આઇફોન મળ્યો
ઇંગ્લેન્ડમાં રહેતા નિક જેમ્સ (Nick James) નામના વ્યક્તિએ સ્થાનિક સુપરમાર્કેટ Tesco થી સફરજન મંગાવ્યા હતા. પરંતુ જ્યારે તેને ઓર્ડર મળ્યો અને તે ખોલતાંની સાથે સફરજનને બદલે આઇફોન જોવા મળ્યો. આ જોઇને નિક સંપૂર્ણપણે આઘાત પામ્યો. આમાં નિક અને કંપની બંનેમાંથી કોઈનો દોષ નહોતો. નિક જેમ્સે ટ્વિટ કરીને કંપનીને આ ઘટના વિશે માહિતી આપી અને ફોન આપવા બદલ કંપનીનો આભાર માન્યો.
A big thanks this week to @Tesco & @tescomobile. On Wednesday evening we went to pick up our click and collect order and had a little surprise in there – an Apple iPhone SE. Apparently we ordered apples and randomly got an apple iphone! Made my sons week! 😁 #tesco #substitute pic.twitter.com/Mo8rZoAUwD
— Nick James (@TreedomTW1) April 10, 2021
કંપનીએ પ્રમોશન ચલાવ્યું હતું
ખરેખર, કંપનીએ ‘સુપર સબસ્ટિટ્યુટ પ્રમોશન’ (Super Substitute Promotion) ચલાવ્યું હતું. આ અંતર્ગત સામાન મંગાવનારા કેટલાક લોકોને કંપની દ્વારા મોંઘા મોબાઈલ ગિફ્ટ આપવામાં આવ્યા હતા. આવા નસીબદાર લોકોમાં નિક જેમ્સ પણ હતો. ગિફ્ટ તરીકે નિક જેમ્સને iPhone SE મળ્યો હતો જે ફોનની કિંમત આશરે 29 હજાર રૂપિયાથી વધુ છે.
આ પણ વાંચો: આ રાજ્યમાં આયુષ્માન કાર્ડ હેઠળ કોરોનાની સારવાર ફ્રી, રેમડેસિવિર અને ઓક્સિજનના પણ નહીં ચૂકવવા પડે પૈસા
આ પણ વાંચો: AIIMS ચીફ ડો.ગુલેરિયાએ ઓક્સિજન લેવલ વિશે આપી મહત્વપૂર્ણ જાણકારી, જાણો શું કહ્યું