Indonesia માં વધુ એક દુર્ઘટના, ભૂસ્ખલન થતાં 11 ના મોત
Indonesia માં છેલ્લા બે દિવસમા બે મોટી દુર્ઘટના થઇ છે, ગઇકાલે થયેલા પ્લેન ક્રેશમાં 62 લોકોએ પોતાનો જીવ ગુમાવ્યો છે તો હવે લેંડ સ્લાઇડના લીધે.
Indonesia માં છેલ્લા બે દિવસમા બે મોટી દુર્ઘટના થઇ છે, ગઇકાલે થયેલા પ્લેન ક્રેશમાં 62 લોકોએ પોતાનો જીવ ગુમાવ્યો છે તો હવે લેંડ સ્લાઇડના લીધે 11 લોકોએ પોતાનો જીવ ગુમાવ્યો. ઇન્ડોનેશિયાના અધિકારીઓએ જણાવ્યું કે ગઇકાલે જાવાના સુમેડાંગ જીલ્લામાં લેંડ સ્લાઇડ થયુ છે જેમાં લગભગ 11 જેટલા લોકોનુ મૃત્યુ થયુ છે અને 18 જેટલા લોકો ઘાયલ થયા છે.
ઇન્ડોનેશિયાની નેશનલ એજન્સી ફોર ડિઝાસ્ટર મેનેજમેન્ટ (BNPB) ના અધિકારી રાદિત્ય જાતીએ એક નિવેદનમાં જણાવ્યું હતું કે, “પ્રથમ ભૂસ્ખલન તે વિસ્તારમાં ભારે વરસાદ અને જમીનની અસ્થિર સ્થિતિને કારણે થયું હતું.” ત્યારબાદ દબાયેલા લોકોની શોધખોળ અને બચાવ કામગીરી ચાલી રહી હતી તે સમયે બીજુ ભૂસ્ખલન થયું જેના લીધે બચાવ કામગીરીમાં લાગેલા લોકો પણ જખમી થયા છે ”
શોધખોળ અને બચાવ કામગીરી હવે ફરીથી શરૂ કરવામાં આવી છે, જે લશ્કર, પોલીસ અને સ્થાનિક ડિઝાસ્ટર એજન્સીના કાર્યકરોની સંયુક્ત ટીમ દ્વારા હાથ ધરવામાં આવી છે, તેઓએ ધટના સ્થળ પર બચાવ કામગીરી માટે ભારે સાધનો મંગાવ્યા છે.
શનિવારના ભારે વરસાદને લીધે પશ્ચિમ જાવાના કેટલાક વિસ્તારોમાં ભૂસ્ખલન સર્જાયું હતું, ઇન્ડોનેશિયાના હવામાનશાસ્ત્રી અને જિયોફિઝિક્સ એજન્સીએ રવિવાર અને સોમવારે ભારે વરસાદ, વીજળી અને જોરદાર પવનની આગાહી કરી રહી છે. તમને જણાવી દઇએ કે ઇન્ડોનેશિયામાં વરસાદી માહોલનો ટોચનો મહિનો જાન્યુઆરી અને ફેબ્રુઆરી છે.