Afghanistan War: અફઘાનિસ્તાનમાં હાલત ગંભીર, તાલિબાનીઓનો બીજા સૌથી મોટા શહેર કંધાર પર કબ્જો
તાલિબાન દ્વારા કંધાર પર કબજો કરવામાં આવ્યો હતો, ત્યારે સરકારી અધિકારીઓ અને તેમની ટીમ હવાઈ માર્ગે શહેરમાંથી ભાગી જવામાં સફળ રહી હતી.
Afghanistan War: અફઘાન સેના માટે તાલિબાન (Taliban) ને રોકવું હવે લગભગ અશક્ય બની રહ્યું છે. દરમિયાન, ગુરુવારે તાલિબાનોએ દાવો કર્યો હતો કે તેઓએ દક્ષિણી શહેર કંધાર પર કબજો કર્યો છે. તે અફઘાનિસ્તાનની 34માં ની 12 મી પ્રાંતીય રાજધાની છે, જે બળવાખોરોએ તેમના અઠવાડિયાના લાંબા હુમલામાં લીધી છે. કંધાર સમગ્ર દેશમાં બીજું સૌથી મોટું શહેર પણ છે.
“Taliban claim to capture Kandahar, Afghanistan’s second-largest city,” tweets AFP News Agency
— ANI (@ANI) August 12, 2021
જ્યારે તાલિબાન દ્વારા કંધાર પર કબજો કરવામાં આવ્યો હતો, ત્યારે સરકારી અધિકારીઓ અને તેમની ટીમ હવાઈ માર્ગે શહેરમાંથી ભાગી જવામાં સફળ રહી હતી. હેરાત પર કબજો મેળવવો તે તાલિબાનીઓ માટે અત્યાર સુધીનો સૌથી મોટો પુરસ્કાર સમાન છે. એક સપ્તાહ સુધી ચાલેલા હુમલામાં તાલિબાને અફઘાનિસ્તાનની 34 પ્રાંતીય રાજધાનીઓમાંથી 11 કબજે કરી છે.
કબ્જો કરતાની સાથે જ તાલિબાનની પકડ થઈ મજબૂત જો કે કાબુલ હજી સુધી સીધી રીતે જોખમમાં નથી, પણ તાલિબાનની પકડ વધુ મજબૂત થઈ રહી છે. એવો અંદાજ પણ લગાવામાં આવી રહ્યો છે કે છે કે તાલિબાન હવે દેશના બે તૃતીયાંશ ભાગ પર નિયંત્રણ ધરાવે છે. આ પહેલા બુધવારે તાલિબાનીઓએ પણ અફઘાન સૈન્યને ઘૂંટણિયે લાવીને કુન્દુઝ પ્રાંતનો મોટો ભાગ કબજે કર્યો હતો.
તે જ સમયે, અફઘાનિસ્તાનની કથળતી પરિસ્થિતિને સંભાળવા માટે કતારમાં વાતચીત ચાલી રહી છે, જ્યાં અફઘાન સરકાર તરફથી હાજર રહેલા વાટાઘાટાકારોએ યુદ્ધ સમાપ્ત કરવાના બદલામાં તાલિબાનને મોટી ઓફર કરી છે, જેમાં સત્તાની વહેંચણી કરવાની વાત કરવામાં આવી છે.
આ પણ વાંચો: Breaking News: ઇંગ્લેન્ડનાં પ્લાયમાઉથ શહેરમાં બેફામ ફાયરિંગની ઘટના, 6 લોકોનાં મોત
આ પણ વાંચો: દેશમાં 5.82 કરોડ જનધન ખાતાધારકો સરકારી યોજનાઓનો લાભથી વંચિત રહેશે, જાણો કેમ?